07-Aug-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲାପାଳ ଆଦିବାସୀ ଜନଜାତି ଶ୍ରେଣୀ ର ଲୋକେ ବସ ବାସ କରୁଥିବା ସ୍ଥାନୀୟ  ପଟାଭାଡ଼ି ତଳ କୁଲ୍ ପଡ଼ା ଓ ଉପର କୁଲ୍ ପଡ଼ା  କୁ ଅଚାନକ ପରିଦର୍ଶନ ରେ ଆସି ସେଠାରେ ଥିବା ରାସ୍ତା, ପାନୀୟ ଜଳ, ସ୍ଵଚ୍ଛତା ଆଦି ବିଭିନ୍ନ ସମସ୍ୟା କୁ ତଦାରଖ କରି ଏ ସବୁ ବିଷୟ ରେ ଉପସ୍ଥିତ ବସ୍ଥି ବାସିନ୍ଦା, ସଚେତନ ନାଗରିକ ଓ ପୌର ପରିଷଦ ଅଧିକାରୀ ଙ୍କ  ସହ ଆଲୋଚନା କରିଥିଲେ l କିଛି ବେସରକାରୀ ଜମି ମାଲିକ ଏ  ଅଞ୍ଚଳ ର ବିକ୍ରି ପ୍ଲଟ ମାନଙ୍କ ରାସ୍ତା ପୌର ପରିଷଦ କୁ ଏ ଯାଏଁ ହସ୍ତାନ୍ତର କରି ନ ଥିବା ଯୋଗୁଁ ଏ ସମସ୍ୟା ଉପୁଜିଥିବା ବିଷୟ ଅଧିକାରୀ ଙ୍କ ଠାରୁ ଜାଣି ବାକୁ ପାଇଲେ ଜିଲ୍ଲାପାଳ l କିନ୍ତୁ ପୌର ପରିଷଦ ପୁର୍ବରୁ ଏ  ରାସ୍ତା କୁ ଥରେ ନିର୍ମାଣ କରିଥିବା ବିଷୟ ଓ ବସ୍ଥି ବାସିନ୍ଦା ଙ୍କ ଠାରୁ ହୋଲ୍ଡିଂ ଟ୍ୟାକ୍ସ କ୍ରମାଗତ ଭାବେ ନେଉଥିବା ସତ୍ତ୍ବେ ଆମେ ଏ ସର୍ବ ନିମ୍ନ ମୌଳିକ ସୁବିଧା ରୁ କିପରି ବଞ୍ଚିତ ହେବୁ ବୋଲି ଏ ବିଷୟ କୁ ଜିଲ୍ଲାପାଳ ଙ୍କୁ ଏ ଵସ୍ଥି ଲୋକେ ଆଜି ଅବଗତ କରାଇ ଥିଲେ l ଏବଂ ସେସବୁ ର କିଭଳି ତୁରନ୍ତ ସମାଧାନ ହେବ ଏ ଦିଗରେ ଧ୍ୟାନ ଦେବାକୁ ପୌର ପ୍ରଶାସନ କୁ ଜିଲ୍ଲାପାଳ ମଧ୍ୟ ନିର୍ଦ୍ଦେଶ କରିଥିଲେ l ଏ ଅଞ୍ଚଳ ର କିଛି ସଚେତନ ନାଗରିକ ବସ୍ଥି ବାସିନ୍ଦା ବିଭିନ୍ନ ସମସ୍ୟା ର ସମାଧାନ ପାଇଁ ଜିଲ୍ଲାପାଳ ଙ୍କୁ ଏକ ଦାବୀ ପତ୍ର ପ୍ରଦାନ କରିଥିଲେ l ପରେ ପରେ ଏହି ୧୦ ନମ୍ବର ୱାର୍ଡ଼ ରେ ଥିବା ଅଙ୍ଗନୱାଡ଼ି କେନ୍ଦ୍ର କୁ ଅଚାନକ ପରିଦର୍ଶନ କରି ଅଙ୍ଗନ ୱାଡ଼ି କର୍ମୀ ଓ ଛୋଟ ପିଲା ମାନଙ୍କ ସହିତ ବାର୍ତ୍ତାଳାପ କରି ବିଭିନ୍ନ ସମସ୍ୟା  ଉପରେ ଆଲୋଚନା କରିଥିଲେ l ଏହି ସେଣ୍ଟର ର ଅପରିଷ୍କାର ଶୌଚାଳୟ କୁ ଦେଖି ଅଙ୍ଗନ୍ ୱାଡି କର୍ମୀ ଙ୍କ ଉପରେ ବିରକ୍ତି ପ୍ରକାଶ କରି  ଏହି କେନ୍ଦ୍ର ର ସମଗ୍ର ପରିସର କୁ ସଫା ସୁତରା ରଖି ପ୍ରଥମେ ପିଲାଙ୍କ ସ୍ଵାସ୍ଥ୍ୟ ଓ ପରିବେଶ ଓ ଶିକ୍ଷା ପ୍ରତି ବିଶେଷ ଧ୍ୟାନ ଦେବାକୁ ମହିଳା କର୍ମୀ ଙ୍କୁ ପରାମର୍ଶ କରିଥିଲେ l ଶିଶୁ ଙ୍କ ପାଇଁ ଉଦ୍ଦିଷ୍ଟ ପୁଷ୍ଟିକର ଖାଦ୍ୟ,ପୋଷାକ, ପୋଷଣ କାର୍ଯ୍ଯ କ୍ରମ, ଓ କ୍ୟାମ୍ପସ ର ପରିବେଶ ଓ ଭିତ୍ତିଭୂମି କୁ ତଦାରଖ କରିଥିଲେ l ଯେମିତି ସରକାରୀ ସବୁ ଯୋଜନା ଗୁଡିକ ଶିଶୁ ଓ ବସ୍ଥି ର ସମସ୍ତ ହିତାଧିକାରୀ ଙ୍କ ପାଖକୁ  ପହଞ୍ଚି ପାରିବ ସେ ଦିଗରେ ପରାମର୍ଶ କରିଥିଲେ l