07-Aug-2025

ବରପାଲି (ସୁଦାମ ଦୀପ)
ଶାରୀରିକ ଅକ୍ଷମ ଥିଲେ ମଧ୍ୟ ଅଦମ୍ୟ ସାହସ ଓ ଦୃଢ଼ ଇଚ୍ଛାଶକ୍ତି ମଣିଷକୁ ବଲବାନ କରିଥାଏ । ଏହା ପ୍ରମାଣିତ କରି ଦେଖାଇଛନ୍ତି ବରପାଲି କେନାଲ ରୋଡ଼ ସ୍ଥିତ ସୀମାଞ୍ଚଳମ ଭୋଇ । କେବଳ ମାତ୍ର ୧୫ ଦିନରେ ୫ଟି ରାଜ୍ୟରୁ ୫୪୭୪ କିଲୋମିଟର ସଡ଼କ ପଥରେ ପରିଭ୍ରମଣ କରି ଜଣେ ଶାରୀରିକ ଅକ୍ଷମ ଥିବା ଛାତ୍ର ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇ ବରପାଲି ତଥା ଅଞ୍ଚଳ ପାଇଁ ଗୌରବ ଆଣିଛନ୍ତି ।

ବାପା ଧର୍ମେନ୍ଦ୍ର ଭୋଇ ଓ ମାତା କଲ୍ୟାଣୀ କାଲସାଏଙ୍କ ପୁଅ ସୀମାଞ୍ଚଳମ୍ ପିଲାଟି ଦିନରୁ ଶାରୀରିକ ଭାବେ ଅକ୍ଷମ । ସେ ଚାଲୁ ପାରନ୍ତି ନାହିଁ । କିନ୍ତୁ କେବେହେଲେ ନିଜକୁ ସେଭଳି ଅନୁଭବ୍ କରନ୍ତି ନାହିଁ । ନିଜେ କିଛି କରି ଦେଖାଇବାର୍ ଦୃଢ଼ ପ୍ରୟାସ ରଖିଥାନ୍ତି। ନୂଆଁ ନୂଆଁ ଜାଗା ବୁଲିବା, ଲୋକଙ୍କ ମିଶିବା, ଆମୋଦ ପ୍ରମୋଦ ହେବା ତାଙ୍କ ଭାରି ପସନ୍ଦ । ତାଙ୍କର୍ ସେହି ପ୍ରୟାସ ଯୋଗୁଁ ସେ ଭାରତର୍ ଏକ ଗୌରବମୟ ରେକର୍ଡ ସୃଷ୍ଟି କରିପାରିଛନ୍ତି । ଏଥିପାଇଁ ସେ କୁହନ୍ତି ଯେ, ଭଗବାନ ଓ ପରିବାରରେ ନିଜ ମାତା ପିତା ଉପରେ ଅତୁଟ ବିଶ୍ୱାସ ରହିଛି । ତେଣୁ ସେ ସବୁ ଲକ୍ଷ୍ୟ ହାସଲ କରିପାରୁଛନ୍ତି ବୋଲି କହିଛନ୍ତି ।
ରେକର୍ଡ ସମ୍ପର୍କରେ ସେ ଆହୁରି କହିଛନ୍ତି ଯେ, ସେ ଗତ ନଭେମ୍ବର ୨ରୁ ନଭେମ୍ବର ୧୭ ତାରିଖ ଯାଏଁ ଦୀର୍ଘ ୧୫ ଦିନ ଧରି ଓଡିଶା, ଛତିଶଗଡ଼, ମଧ୍ୟପ୍ରଦେଶ, ମହାରାଷ୍ଟ୍ର, ଗୁଜୁରାଟ ଭଳି ରାଜ୍ୟର ପ୍ରମୁଖ ତୀର୍ଥସ୍ଥଳୀ ଓ ଜ୍ୟୋତିଲିଙ୍ଗ ପରିଭ୍ରମଣ କରିଥିଲି । ଏଥିପାଇଁ ସେ ପୂର୍ବରୁ ରୁଟ ପ୍ଲାନ କରିଥିଲେ । ଏହି ଯାତ୍ର ପାଇଁ ପରିବାରରୁ ମା ବାପା ସହଯୋଗ କରିଥିଲେ ବୋଲି ସେ କହିଛନ୍ତି । ତେବେ ଏହି ପୁରସ୍କାର ତାଙ୍କ ପ୍ରେରଣା ସହ ଆଗକୁ ବଢ଼ିବାରେ ସାହାର୍ଯ୍ୟ କରିବ ଓ ଆଗକୁ ନିଶ୍ଚିତ ବଡ଼ ରେକର୍ଡ ଦିଗରେ କାର୍ଯ୍ୟ କରିବି ବୋଲି ମତବ୍ୟକ୍ତ କରିଥିଲେ ।