06-Aug-2025

କଣ୍ଟାମାଳ(ଜୟ କୁମାର ମହାରଣା): ଆଉ ନାହାନ୍ତି ଲିଙ୍ଗ ମିସ୍ତ୍ରୀ, ଆଜି ଚାଲିଗଲେ ଆରପାରିକୁ । ଛାଡ଼ିଗଲେ ତାଙ୍କର ଘର କାମର କାରୁକାର୍ଯ୍ୟ। ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଘଣ୍ଟାପଡ଼ା ଅଞ୍ଚଳର ଆମ୍ବଗାଁ ପଞ୍ଚାୟତ କୁରୁକୁପା ଗ୍ରାମର ଲିଙ୍ଗରାଜ ସାହୁ | ମୃତ୍ୟୁବେଳକୁ ତାଙ୍କୁ ପ୍ରାୟ ୬୦ ବର୍ଷ ହେଉଥିଲା। ସେ ଗତ ୩ ବର୍ଷ ହେଲା କର୍କଟ ରୋଗରେ ଆକ୍ରାନ୍ତ ଥିଲେ|ଆଜି ଭୋରରୁ ସେ ସମସ୍ତଙ୍କୁ ଛାଡ଼ି ଚାଲିଚାଲେ । ସ୍ୱର୍ଗତ ଲିଙ୍ଗରାଜ ଯୁବା ବୟସରୁ ଗୃହନିର୍ମାଣର ମିସ୍ତ୍ରୀ ଭାବରେ ବେଶ ସୁନାମ ଅର୍ଜନ କରିଥିଲେ।ତେଣୁ ତାଙ୍କୁ ଶ୍ରଦ୍ଧାରେ ଡାକନ୍ତି ଲିଙ୍ଗ ମିସ୍ତ୍ରୀ। ସେ ଜଣେ ମେଳାପୀ, ମିଷ୍ଟଭାଷୀ, ଧର୍ମପରାୟଣ ବ୍ୟକ୍ତି ଥିଲେ । ତାଙ୍କର ମୃତ୍ୟୁ ଖବର ପ୍ରଚାରିତ ହେବାପରେ ବନ୍ଧୁ ପରିଜନ, ଗ୍ରାମବାସୀ ଓ ଶତାଧିକ ଶୁଭେଚ୍ଛୁ ଶବାଧାରରେ ଯୋଗ ଦେଇଥିଲେ। ଗାଁ ମସାଣୀରେ ତାଙ୍କ ପୁତ୍ର କିରଣ ମୁଖାଗ୍ନୀ ଦେଇଥିଲେ।