Prerana News : ୬ ମାସ ଯାଉନି ମରାମତି କାମ

ବରୁଆଁ-ବରୀ-କଳାଗାଟିଆ ରାସ୍ତା ଗୁପ୍ତ ଟେଣ୍ଡର ଜରିଆରେ ହେଉଛି କାମ ଉଚ୍ଚସ୍ତରୀୟ ତଦନ୍ତ ଦାବି

ବରୁଆଁ- ବରୀ-କଳାମାଟିଆ ରାସ୍ତା ମରାମତି କାର୍ଯ୍ୟ ନିମ୍ନମାନର କରାଯାଉଥ‌ିବା ଅଭିଯୋଗ ହୋଇଛି। ହେଲେ ବିଭାଗୀୟ କର୍ତ୍ତୃପକ୍ଷ ଅଭିଯୋଗକୁ ଗୁରୁତ୍ବ ଦେଉନାହାନ୍ତି। ଫଳରେ ଅର୍ଥ ଖର୍ଚ୍ଚ କରାଯାଉଥିଲେ ବି ରାସ୍ତାରେ ବାରମ୍ବାର ଖାଲଖମା ସୃଷ୍ଟି ହେଉଛି। ଦୁର୍ଘଟଣା ଘଟି ଧନଜୀବନ ହାନି ହେଉଛି। ଯାତାୟାତ କ୍ଷେତ୍ରରେ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଉକ୍ତ ବିଭାଗ ସରକାରୀ ନିୟମ ଉଲଂଘନ କରି ଗୁପ୍ତ ଟେଣ୍ଡର ରାସ୍ତା ମରାମତି କରାଯାଇଛି ।
ଜରିଆରେ ବଡ଼ବଡ଼ ପ୍ରକଳ୍ପକୁ ୫ ଲକ୍ଷରୁ କମ ଟଙ୍କାରେ ବିଭକ୍ତ କରି ନିଜର ମନମୁତାବକ ଠିକାଦାରଙ୍କୁ କାର୍ଯ୍ୟ କରିବାର ଦାୟିତ୍ୱ ଦେଉଛି। ମାର୍ଚ୍ଚ ପୂର୍ବରୁ ଏହି ଗୁପ୍ତ ଟେଣ୍ଡର ପ୍ରକ୍ରିୟା ଆପଣାଇ ବରୁଆଁ-ବରୀ-କଳାମାଟିଆ ରାସ୍ତାର ମରାମତି କରାଯାଇଥିଲା। ହେଲେ ୬ ମାସ ନ ପୁରୁଣୁ ରାସ୍ତାରେ ବିଭିନ୍ନ ସ୍ଥାନରେ ବଡ଼ବଡ଼ ଗର୍ଭ ସୃଷ୍ଟି ହୋଇଛି। ବିଭାଗୀୟ ଯନ୍ତ୍ରୀ ଉପସ୍ଥିତ ରହି କାର୍ଯ୍ୟର ମାନ ନିରୂପଣ କରୁ ନ ଥିବାରୁ ଠିକାଦାର ନିମ୍ନମାନର କାର୍ଯ୍ୟ କରି ସରକାରୀ ଅର୍ଥକୁ ବ୍ୟାପକ ପରିମାଣରେ ଲୁଟୁଛନ୍ତି। ଏଠାରେ ବାରମ୍ବାର ସ୍ଥାନୀୟ ଲୋକେ ନିମ୍ନମାନର କାର୍ଯ୍ୟକୁ ବିରୋଧ କରୁଛନ୍ତି, ହେଲେ ବିଭାଗୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ। ସେହିପରି ଏ ସମ୍ପର୍କରେ ଗଣମାଧ୍ୟମରେ ଖବର ପ୍ରକାଶିତ ହେବା ପରେ ବି ସମ୍ପୃକ୍ତ ଅଧିକାରୀମାନେ ନିରବଦ୍ରଷ୍ଟା ସା ଜୁଛନ୍ତି। କେତେଜଣ ଅଧିକାରୀ ଗୁପ୍ତଟେଣ୍ଡର ମାଧ୍ୟମରେ ଅର୍ଥ ହଡ଼ପର ଭାଗିଦାର ସାଜୁଛନ୍ତି। ଏବେ ପୁଣି ପୁଣି ମରାମତି କାମ ଆରମ୍ଭହୋଇଛି। ଅଧୂକାରୀ ରାଜନୈତିକ ଚାପର ବଶବର୍ତ୍ତୀ ହୋଇ ଆଗକୁ ଗୁପ୍ତଟେଣ୍ଡର ମାଧ୍ୟମରେ ଅନ୍ୟ କିଛି ଠିକାଦାରଙ୍କୁ କାର୍ଯ୍ୟଦେବାର ଯୋଜନା ଚାଲିଛି ବୋଲି ଜଣେ କର୍ମଚାରୀ ନିଜ ନାମ ଗୋପନ ରଖ୍ ପ୍ରକାଶ କରିଛନ୍ତି। ଘଟଣାର ଉଚ୍ଚସ୍ତରୀୟ ତଦନ୍ତ କରାଗଲେ ବିଭାଗର ବହୁ ଗୋପନ ତଥ୍ୟ ପଦାକୁ ଆସି ପାରିବ ବୋଲି ସାଧାରଣରେ ମତପ୍ରକାଶ ପାଇଛି। ଏ ସମ୍ପର୍କରେ ବିଭାଗୀୟ କନିଷ୍ଠ ଯନ୍ତ୍ରୀ ଭଗବାନ ବେହେରାଙ୍କୁ ପଚାରିବାରେ ସେ କହିଛନ୍ତି, ଏଠାରେ ନୂତନ ଭାବେ କାର୍ଯ୍ୟରେ ଯୋଗ ଦେଇଛନ୍ତି। କାଗଜପତ୍ର ଯାଞ୍ଚ କରିବା ପରେ କାର୍ଯ୍ୟ ଉପରେ ମତ ରଖିପାରିବେ।