03-Aug-2025

ରେଢ଼ାଖୋଲ(ଅନିଲ ପୃଷ୍ଟି) ରେଢ଼ାଖୋଲ ବ‌ଉଦ ରାସ୍ତାର ବଡବାହାଲ ରେଞ୍ଜ ଅଫିସ ନିକଟରୁ ଗତକାଲି ଶନିବାର ସଂଧ୍ୟାରେ ରେଢ଼ାଖୋଲ ପୋଲିସ ଚଢ଼ାଉ କରି ଦେଶୀ ବନ୍ଧୁକ, ଛୁରୀ, ଟଙ୍କା ସହ ଏକ କାର ଜବତ କରି ୩ଜଣକୁ ରବିବାର ସକାଳେ କୋର୍ଟ ଚାଲାଣ କରାଯାଇଛି। ଗିରଫ ମାନେ ହେଲେ ଉତ୍ତର ପ୍ରଦେଶ ରାଜ୍ୟ କାନପୁର ଜିଲ୍ଲାର ରିଷବ ପାଠକ, ସଞ୍ଜୟ ଯାଦବ ଓ ପୱନ ଯାଦବ। ଏମାନେ ଏକ କରାରେ ଗଞ୍ଜେଇ କାରବାର ପାଇଁ ବ‌ଉଦ ଅଞ୍ଚଳକୁ ଯାଉଥିଲେ । ଖବର ପାଇ ପୋଲିସ ଚଢାଉ କରି ଯାଞ୍ଚ କରିଥିଲା ଯାଞ୍ଚ ପରେ ତାଙ୍କ ନିକଟରୁ ଏକ ଦେଶୀ ବନ୍ଧୁକ, ଛୁରୀ, ନଗଦ ୧ଲକ୍ଷ୪୫ ହଜାର ୫ଶହ ଟଙ୍କା, ବିଭିନ୍ନ ବ୍ୟାଙ୍କର ଏଟିଏମ୍ କାଡ  ବାହାରି ଥିଲା। ଏମାନେ ଗଞ୍ଜେଇ କାରବାର ପାଇଁ ଆସିଥିଲେ ବୋଲି ପୋଲିସ ତଦନ୍ତରୁ ଜାଣିପାରି କାର ସହ ୩ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ସୂଚନା ଦେଇଛନ୍ତି।