03-Aug-2025

ବଲାଙ୍ଗୀର(ପ୍ରେରଣା ଖବର): ଆଜି ୧୫ତମ ଜାତୀୟ ଅଙ୍ଗଦାନ ଦିବସରେ ସ୍ଥାନୀୟ ସନ୍ଥ ଭୀମ ଭୋଇ ଭେଷଜ ମହା ବିଦ୍ୟାଳୟରେ ସୁବର୍ଣ୍ଣପୁର ଜିଲ୍ଲା ଲଛିପୁର ଗ୍ରାମର ଏକ ଦମ୍ପତ୍ତି  ପବିତ୍ର ନାରାୟଣ ନେପାକ ଓ ତାଙ୍କ ସ୍ତ୍ରୀ ଶ୍ରୀମତୀ ଶୋଭନା ମହାପାତ୍ର ସ୍ଵେଛାକୣତ ଭାବେ ନିଜର ମୣତ୍ୟୁ ପରେ ନିଜନିଜର ମରଶରୀରକୁ ଭେଷଜ ମହାବିଦ୍ୟାଳୟକୁ ଦାନ କରିବା ପାଇଁ ସମସ୍ତ ଆବଶ୍ୟକୀୟ କାଗଜପତ୍ର ଓ ପରିବାର ବର୍ଗଙ୍କ ସହମତି ପତ୍ର ପ୍ରଦାନ କରିଛନ୍ତି। ଶରୀର ବିଜ୍ଞାନ ବିଭାଗର ମୁଖ୍ୟ ପ୍ରଫେସର ଡ଼କ୍ଟର ସନ୍ତୋଷ କୁମାର ସାହୁଙ୍କ କାର୍ଯ୍ୟାଳୟରେ ତାଙ୍କ ଉପସ୍ଥିତିର  ପ୍ରତିଜ୍ଞାପତ୍ର ପ୍ରଦାନ କରି ତାଙ୍କର ମର ଶରୀର ଶୈକ୍ଷିକ ଏବଂ ଗବେଷଣାତ୍ମକ କାର୍ଯ୍ୟରେ ବ୍ୟବହୃତ ହେବ ବୋଲି କହିଛନ୍ତି। ଶୈକ୍ଷିକ ଏବଂ ଗବେଷଣା ପାଇଁ ମର ଶରୀରର ଘୋର ଅଭାବ ଦେଖାଯାଉ ଥିବାରୁ ଏ ନେଇ ଜନ ସଚେତନତାର ଆବଶ୍ୟକତା ରହିଛି ବୋଲି ଶ୍ରୀ ପବିତ୍ର ନାରାୟଣ ନେପାକ ପ୍ରକାଶ କରିଥିଲେ। ସ୍ବେଛାକୃତ ଶରୀର ଦାନ ପାଇଁ ସେ ନିଜ ବଡଭାଇ ଶୁଭେନ୍ଦ୍ର ନେପାକ ଓ ଢେଙ୍କାନାଳର ମଉସା ସ୍ବର୍ଗତ ଅଜୟ କୁମାର ନାଥଙ୍କ ଆଦର୍ଶ ରେ ଅନୁପ୍ରାଣିତ ହେଲେ ବୋଲି ପ୍ରକାଶ କରିଛନ୍ତି।