01-Aug-2025

କଣ୍ଟାମାଳ(ଜୟ କୁମାର ମହାରଣା):ଗୁରୁ ସତ୍ୟନାରାୟଣ ବହିଦାରଙ୍କ ପବିତ୍ର ଜନ୍ମ ଦିନକୁ ସମଗ୍ର ପଶ୍ଚିମ ଓଡିଶାରେ ଅଗଷ୍ଟ ଏକ ତାରିଖକୁ ସମ୍ବଲପୁର ଦିନଭାବେ ପାଳନ କରା ଯାଉଛି l ଏହି ପରିପ୍ରେକ୍ଷୀରେ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକର ବିଭିନ୍ନ ସ୍ଥାନରେ ଏହି ଦିବସକୁ ନେଇ ଉସନାକୀ ଦେଖିବାକୁ ମିଳି ଥିବା ବେଳେ ବ୍ୟକ୍ତିଗତ ଏବଂ ଅନୁଷ୍ଠାନିକ ସ୍ତରରେ ପାଳିତ ହୋଇ ଯାଇଛି l ଏହି ଅବସରରେ ସମ୍ବଲପୁରୀ

ପୋଷାକ ପିନ୍ଧା ଠାରୁ ଆରମ୍ଭ କରି ପଶ୍ଚିମ ଓଡ଼ିଶାର ଲୋକପ୍ରିୟ ଖାଦ୍ୟ ଖାଇ ଦିବସକୁ ମାନି ଥିବା ବେଳେ ଅପରାହ୍ନରେ ମନମୁଣ୍ଡା, ପଲସାଗୋରା, କଣ୍ଟାମାଳ, ଘଣ୍ଟାପଡା, ନୂଆପାଲିଠାରେ ସମ୍ବଲପୁରୀ ଗୀତ ଓ ନୃତ୍ୟ ପରିବେଷଣ ହୋଇ ଥିଲା l ଆଜି ପୂର୍ବାହ୍ନରେ କଣ୍ଟାମାଳ କୃଷି ଓ କୃଷକ ବିଭାଗରେ ବ୍ଲକ କୃଷି ଅଧିକାରୀ ଲଳିତ କୁମାର ସାହୁଙ୍କ ଉପସ୍ଥିତିରେ ବିଭାଗର ସମସ୍ତ କର୍ମଚାରୀ ସମ୍ବଲପୁରୀ ପୋଷାକ ପିନ୍ଧି ସମ୍ବଲପୁରୀ ଦିନକୁ ସ୍ୱାଗତ କରିଥିଲେ  l