01-Aug-2025

ଅତାବିରା,( ଆକାଶ ମିଶ୍ର).. ଅତାବିରା ଭାରତୀୟ ଷ୍ଟେଟ୍ ବ୍ୟାଙ୍କ, ଅତାବିରା ଶାଖା ରେ  ମେସେଞ୍ଜର ପଦବୀ ରେ କାମ କରୁଥିବା କୁଶ ତାଣ୍ଡି ଆଜି ତାଙ୍କ ଚାକିରି ରୁ ଅବସର ଗ୍ରହଣ କରିଛନ୍ତି । ୧୯୮୫ ମସିହାରୁ ତାଙ୍କର ଚାକିରି ଜୀବନ ଆରମ୍ଭ ହୋଇଥିଲା । ତାଙ୍କ  ତାଙ୍କ ଚାକିରି  କାଳ ମଧ୍ୟରେ  କୌଣସି ବ୍ୟାଙ୍କ୍ ଉପଭୋକ୍ତା  ଙ୍କ ପ୍ରତି ସେ ସବୁବେଳେ ସହଯୋଗ ର ମନୋଭାବ ରଖି କାର୍ଯ୍ୟ କରୁଥିଲେ ।  ଅଞ୍ଚଳର ଉପଭୋକ୍ତା ମାନଙ୍କ   ବ୍ୟାଙ୍କ୍ ରେ ଋଣ ପାଇଁ ହେଉ ବା  ଯେ କୌଣସି  କାମ ପାଇଁ ହେଉ ତାଙ୍କ ପାଖକୁ ଗଲେ ସେ ନିଜ ସାମର୍ଥ୍ୟ ମୁତାବକ ସାହାଯ୍ୟ କରିବାରେ କେବେହେଲେ ପଛ ଘୁଂଚା ଦେଇ ନଥିଲେ । ତାଙ୍କର ଏହି ଉଦାର ମନୋଭାବ ତଥା  ବ୍ୟବହାର ଯୋଗୁଁ ଅଞ୍ଚଳରେ ବେଶ୍ ପ୍ରଶଂସିତ ।  ବ୍ୟାଙ୍କ ସମୟ  ରୁ ଅଧିକ ସମୟ  ରହି ସେ ବ୍ୟାଙ୍କ ର ଅନ୍ୟାନ୍ୟ କାର୍ଯ୍ୟ କରିଦେଉଥିଲେ ।  ଆଜି ତାଙ୍କର ଅବସର  ଅବସରରେ ବ୍ୟାଙ୍କ୍ ରେ ଏକ ବିଦାୟ କାଳୀନ ସମ୍ବର୍ଦ୍ଧନା ସଭା  ଅନୁଷ୍ଠିତ ହୋଇଥିଲା ବ୍ୟାଙ୍କ ଶାଖା ପ୍ରବନ୍ଧକ ସ୍ଵର୍ଣ୍ଣ ଲତା ସାହୁ ଙ୍କ ଅଧ୍ୟକ୍ଷତା ରେ ।ବ୍ୟାଙ୍କ୍   କେସିଆର୍ ରାଜେଶ୍ ନାଏକ ସଭା କାର୍ଯ୍ୟ କୁ ପରିଚାଳନା କରିଥିଲେ ।ଏହି କାର୍ଯ୍ୟ କ୍ରମରେ  ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ପଦ୍ମଶ୍ରୀ ହଳଧର ନାଗ । ବରିଷ୍ଠ ନାଗରିକ  ବେଣୁଧର ମିଶ୍ର, ଅବସର ପ୍ରାପ୍ତ ପ୍ରାଥମିକ ଶିକ୍ଷକ ସଂଘ ର ସଭାପତି ନିଶିକାନ୍ତ ପଣ୍ଡା , ଏ ଭି ପି ମୋଟରସ୍ ର ପ୍ରୋପାଇଟର  ଏମ୍ ସୁବ୍ରମଣ୍ୟମ  ଦୋରା  ପ୍ରମୁଖ  ସମ୍ମାନିତ ଅତିଥି ଭାବେ ମଞ୍ଚାସିନ ଥିଲେ ।  ବ୍ୟାଙ୍କ ର ସମସ୍ତ କର୍ମଚାରୀ ତଥା ଅନେକ ଉପଭୋକ୍ତା ତାଙ୍କୁ ଶ୍ରଦ୍ଧାରେ ଉପହାର ଭେଟି ଦେଇଥିଲେ । ଅବସର ପରେ ତାଙ୍କର ପେନସନ ର ସମସ୍ତ କାଗଜପତ୍ର ତାଙ୍କୁ ହସ୍ତାନ୍ତର କରାଯାଇଥିଲା ।କର୍ମଚାରୀ ହେମନ୍ତ ମେହେର ଧନ୍ୟବାଦ୍ ଅର୍ପଣ କରିଥିଲେ ।ଏହା ପରେ ଦୁଲୁ ଦୁଲି ବାଜା, ଗଣ୍ଡା ବାଜା  ଓ ଡି ଜେ ମାଧ୍ୟମରେ ଏକ ସୁସଜ୍ଜିତ ରଥରେ ତାଙ୍କୁ  ଏବଂ  ଟଙ୍କା ଧର୍ମ ପତ୍ନୀ ଙ୍କୁ ବିରାଜମାନ କରାଇ ଏକ ବିଶାଳ ଶୋଭାଯାତ୍ରା  ବାହାରି ଥିଲା ।ଶୋଭା ଯାତ୍ରା ଟି ଅତାବିରା ସହର  ସହର ପରିକ୍ରମା କରି ତାଙ୍କର ବାସ ଭବନ  ଚାବିରି ପାଲି ଅଭିମୁଖେ ଯାଇ ତାଙ୍କ ଘରେ ପହଞ୍ଚିଥିଲା । ପଡ଼ା ବାସୀ ତାଙ୍କୁ ଭବ୍ୟ ସ୍ଵାଗତ କରିଥିଲେ ।ତାଙ୍କ ବାସ ଭବନରେ  ସମସ୍ତ ଅତିଥି ମାନଙ୍କ ପାଇଁ ଭୂରି ଭୋଜନର ବ୍ୟବସ୍ଥା କରାଯାଇଥିଲା ।