30-Jul-2025

(ରାମନାଥ ପଣ୍ଡା)
ନୀତି ଆୟୋଗଙ୍କ ନିର୍ଦ୍ଦେଶକ୍ରମେ ଜୁଲାଇ ରୁ ସେପ୍ଟେମ୍ବର ୨୦୨୪ ମଧ୍ୟରେ ନୂଆପଡ଼ା ଜିଲ୍ଲା ଓ ଜିଲ୍ଲାର ଦୁଇଟି ବ୍ଲକ ବୋଡ଼େନ ଓ କୋମନାରେ ହୋଇଥିବା ସମ୍ପୂର୍ଣ୍ଣତା ଅଭିଯାନରେ ଆକାଂକ୍ଷୀ ବ୍ଲକର ଆକାଂକ୍ଷା ପୂରଣ ଦିଗରେ ସଫଳତା ଲାଭ କରିଥିବାରୁ ଲୋକ ସେବା ଭବନ କନଭେନସନ ହଲ ଭୁବନେଶ୍ୱର ଠାରେ ଆୟୋଜିତ ସମ୍ପୂର୍ଣ୍ଣତା ଅଭିଯାନ ସମ୍ମାନ ସମାରୋହରେ ମୁଖ୍ୟ ମନ୍ତ୍ରୀ ମୋହନ ଚରଣ ମାଝୀ ଯୋଗଦାନ କରି ଅନେକ ଦିଗଦର୍ଶନ ପ୍ରଦାନ ମଧ୍ୟରେ କହିଥିଲେ କି ଆକାଂକ୍ଷୀ ଜିଲ୍ଲା ଓ ବ୍ଲକର ଆକାଂକ୍ଷା ପୂରଣ କରିବାକୁ ଆମ ସରକାର ତତ୍ପର ଏବଂ ଏହି ଅବସରରେ ନୂଆପଡା ଜିଲ୍ଲାପାଳ ମଧୁସୂଦନ ଦାସ,ବୋଡ଼େନ ବିଡ଼ିଓ ସୁଶାନ୍ତ କୁମାର ରଣା ଏବଂ କୋମନା ବିଡ଼ିଓ ସର୍ବେଶ୍ଵର ଜାଲଙ୍କୁ ସମ୍ମାନ ଓ ସମ୍ବର୍ଦ୍ଧିତ କରିଥିଲେ ।ଏହି ସମ୍ମାନ ସମାରୋହରେ ନୂଆପଡ଼ା ଜିଲ୍ଲାରୁ ଜିଲ୍ଲାପାଳ ମଧୁସୂଦନ ଦାସଙ୍କ ସହିତ ସୁଶାନ୍ତ କୁମାର ରଣା ବିଡ଼ିଓ ବୋଡ଼େନ,ସର୍ବେଶ୍ଵର ଜାଲ ବିଡ଼ିଓ କୋମନା, ଡ ସଞ୍ଜୀବ କୁମାର ନାଏକ ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ ବୋଡ଼େନ, ଡ ପ୍ରଦୀପ କୁମାର କହଁର ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ କୋମନା, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ରେଶମଲାଲ ନାଏକ,ଅତିରିକ୍ତ କୃଷି ଅଧିକାରୀ ଆଭାସ ନାଏକ,ସିଡିପିଓ ବୋଡ଼େନ ଅର୍ଚ୍ଚନା ରାଉତ,ସିଡିପିଓ କୋମନା ଦେବକୀ ମଲ୍ଲିକ,ଏ ବି ଏଫ୍ ବୋଡ଼େନ ବ୍ଲକ ରାକେଶ କୁମାର ଷଡଙ୍ଗୀ ସମ୍ମାନ ଗ୍ରହଣ ସମୟରେ ଉପସ୍ଥିତ ଥିଲେ ।