29-Jul-2025

ନୂଆପଡ଼ା  (ରାମନାଥ ପଣ୍ଡା)
ନୀତି ଆୟୋଗଙ୍କ ନିର୍ଦ୍ଦେଶ କ୍ରମେ ଆକାଂକ୍ଷା ଜିଲ୍ଲା ଓ ବ୍ଲକର ଲକ୍ଷ୍ୟକୁ ଅନୁଧ୍ୟାନ କରି ଆଜି ଓଡ଼ିଶାର ମୁଖ୍ୟ ମନ୍ତ୍ରୀ ମୋହନ ଚରଣ ମାଝୀ ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସଙ୍କୁ ଆକାଂକ୍ଷା ଜିଲ୍ଲା ନୂଆପଡାର ଉତ୍ତମ ପ୍ରଦର୍ଶନ ପାଇଁ  ରାଜ୍ୟ କନଭେନସନ କେନ୍ଦ୍ର ଲୋକ ସେବା ଭବନ ଭୁବନେଶ୍ୱର ଠାରେ ଆୟୋଜିତ ସମ୍ପୂର୍ଣତା ଅଭିଯାନ ସମ୍ମାନ ସମାରୋହରେ ବ୍ରୋଞ୍ ପଦକ ପ୍ରଦାନ କରି ସମ୍ମାନିତ କରିଛନ୍ତି  ଏବଂ ଜିଲ୍ଲାର ଦୁଇଟି ବ୍ଲକ ବୋଡ଼େନ ଓ କୋମନାକୁ ତାମ୍ର ପଦକ ଦେଇ ସମ୍ମାନିତ କରିଛନ୍ତି ।ଶିକ୍ଷା,ସ୍ବାସ୍ଥ୍ୟ,କୃଷି,ଶିଶୁ କଲ୍ୟାଣ ଭଳି ଅନେକ କ୍ଷେତ୍ରରେ ବିକାଶ ଆଣିବା ଲକ୍ଷ୍ୟରେ ଆକାଂକ୍ଷା ଜିଲ୍ଲା ଓ ଆକାଂକ୍ଷା ବ୍ଲକ ଭାବରେ ଗ୍ରହଣ କରି ନୀତି ଆୟୋଗ ଜୁଲାଇ ରୁ ସେପ୍ଟେମ୍ବର ୨୦୨୪ ମଧ୍ୟରେ ଯେଉଁ ଲକ୍ଷ୍ୟ ରଖିଥିଲା ସେଇଥିରେ ନୂଆପଡ଼ା ଜିଲ୍ଲା ଏବଂ ଏହି ଜିଲ୍ଲା ଅନ୍ତର୍ଗତ ବୋଡ଼େନ ଓ କୋମନା ଲକ୍ଷ୍ୟ ସ୍ଥଳରେ ପହଞ୍ଚିଥିବା ଦୃଷ୍ଟି କୋଣରୁ ଆଜି ସମ୍ମାନିତ ହୋଇଛନ୍ତି ତେଣୁ ନୂଆପଡ଼ା ଜିଲ୍ଲା ଓ ଦୁଇଟି ବ୍ଲକ ଜିଲ୍ଲାପାଳଙ୍କ ନେତୃତ୍ୱ ପାଇଁ ଜିଲ୍ଲାପାଳଙ୍କୁ ପ୍ରଶଂସାର ଶୀର୍ଷରେ ସ୍ଥାନ ଦେଇ ତାଙ୍କୁ ଅଭିନନ୍ଦନ ଜଣାଉଛନ୍ତି ।