21-Jul-2025

ନୂଆଁପଡ଼ା (ପରମେଶ୍ଵର ମେହେର): ସିନାପାଲି ନୂଆପଡା ଜିଲ୍ଲା  ପାଞ୍ଚ ଟି ବ୍ଲକର ଗ୍ରାମାଞ୍ଚଳର ଗରିବ ହରିଜନ,ଆଦିବାସୀ, ପଛୁଆ ବର୍ଗ ଏବଂ ସାଧାରଣ ବର୍ଗର ଲୋକମାନଙ୍କ ବହୁତ ଦିନର ସ୍ବପ୍ନ ସାକାର ହେବାକୁ ଯାଉଛି  l ଓଡିଶା ସରକାରଙ୍କ ଉଚ୍ଚ ମାଧ୍ୟମିକ ଶିକ୍ଷା ବିଭାଗ ତଥା  କେନ୍ଦ୍ର ସରକାରଙ୍କ ଶିକ୍ଷା ମନ୍ତ୍ରଣାଳୟର ଅନୁମୋଦନ କ୍ରମେ ଓଡିଶାର ଗ୍ରାମାଞ୍ଚଳର ୧୦୨ ଟି ସରକାରୀ ଉଚ୍ଚ ବିଦ୍ୟାଳୟ  ଉଚ୍ଚ ମାଧ୍ୟମିକ ବିଦ୍ୟାଳୟରେ ଉନ୍ନୀତ ଲାଭ କରିଛି  l ଏହି ଅନୁସାରେ  ନୂଆପଡା ଜିଲ୍ଲାର  ୯ ଟି  ଉଚ୍ଚ ବିଦ୍ୟାଳୟ ମଧ୍ୟରେ ସିନାପାଲି ବ୍ଲକ ର  ତିନୋଟି  ଉଚ୍ଚ ବିଦ୍ୟାଳୟ ସ୍ଥାନ ପାଇଛି  l ସେ ଗୁଡିକ ହେଲା ନୀଳଜି ଉଚ୍ଚ ବିଦ୍ୟାଳୟ, ନୀଳଜି, ସରକାରୀ ଉଚ୍ଚ ବିଦ୍ୟାଳୟ ସିଙ୍ଗଝର ଏବଂ ୟୁଜି, ଏଚ  ଏସ  ପତିଏଲପଡା l  ଉନ୍ନୀତ ଏହି ତିନୋଟି ଉଚ୍ଚ ମାଧ୍ୟମିକ ବିଦ୍ୟାଳୟ ରେ  ଚଳିତ ଶିକ୍ଷା ବର୍ଷରୁ ହିଁ ଉଭୟ  ଯୁକ୍ତ ଦୁଇ କଳା ଓ ବିଜ୍ଞାନ ଶ୍ରେଣୀରେ ଛାତ୍ରଛାତ୍ରୀଙ୍କ ନାମ ଲେଖାଯାଇ ଶିକ୍ଷା ଦାନ କାର୍ଯ୍ୟ  ପରିଚାଳନା କରାଯିବ ବୋଲି  ରାଜ୍ୟ ସରକାର  ପରିପତ୍ର  ଜାରିକରିଛନ୍ତି  l ଏଥିପାଇଁ  ସାରା ବ୍ଲକର ଜନସାଧାରଣ  ବ୍ଲକ ଓ ଜିଲ୍ଲା ଶିକ୍ଷା ଅଧିକାରୀ,ଜନ ପ୍ରତିନିଧି ଓ ରାଜ୍ୟ ସରକାର ଙ୍କୁ  ଧନ୍ୟବାଦ ଦେବା ସହ କୃତଜ୍ଞତା ଜ୍ଞାପନ କରିଛନ୍ତି l