21-Jul-2025

ବରପାଲି(ସୁଦାମ ଦୀପ): ଚଳିତ ବର୍ଷ ଜନ୍ମାଷ୍ଟମୀ ଓ ନାନ୍ଦୋତ୍ସବ ପାଇଁ ରବିବାର ବରପାଲି ଯାଦବ ସମାଜ ତରଫରୁ ଏକ ପ୍ରସ୍ତୁତି ବୈଠକ ଜୟଗୋପାଳ କଲ୍ୟାଣ ମଣ୍ଡପ ଠାରେ ବ୍ଲକ ସଭାପତି ମନଫୁଲ ଭୋଇଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇଯାଇଛି l ବୈଠକରେ ପୂର୍ବବର୍ଷ ଅପେକ୍ଷା ଚଳିତବର୍ଷ ଏହି ତିନିଦିନିଆ କାର୍ଯ୍ୟକ୍ରମକୁ ଅଧିକ ଆକର୍ଷଣୀୟ କରିବା ପାଇଁ ସର୍ବସମ୍ମତି କ୍ରମେ ପ୍ରସ୍ତାବ ନିଆଯାଇଥିଲା l ଏହି ଅବସରରେ ଯାତ୍ରା ସୁପରିଚାଳନା ପାଇଁ ବିଭିନ୍ନ କମିଟି ଗଠନ କରାଗଲା l ଯାତ୍ରା କମିଟିର ମୁଖ୍ୟ ପରିଚାଳକ ଭାବେ ରସାନନ୍ଦ ଥପା ମନୋନୀତ ହୋଇଥିବାବେଳେ ଖଡିଆ ବଗର୍ତି, ନନ୍ଦୀ କିଶୋର ବାଗ, ପ୍ରତାପ ନାଗ, କୁନୁ ଜାଲ, ସୁଦାମ ପୋଡ଼, ଅକ୍ଷୟ ଭୋଇ, ଟିକି ଜାଲ, ନମିତା ଜାଲ, ସିନ୍ଧୁ ବଗର୍ତି, ତିଲୋତ୍ତମା ଭୋଇ ପ୍ରମୁଖ ପରିଚାଳନା କମିଟିରେ ରହିଛନ୍ତି l ଏହି ବର୍ଷ ନନ୍ଦରାଜା ଭାବେ କୁଞ୍ଜବିହାରୀ ରାଉତ ଓ ବସୁଦେବ ଭାବେ ଧୀରେନ୍ଦ୍ର ଭୋଇ ସପତ୍ନୀକ କର୍ତ୍ତା ଦାୟିତ୍ୱ ନିର୍ବାହ  କରିବେ l ପ୍ରସ୍ତୁତି ବୈଠକରେ ଗୋବିନ୍ଦ ଜୁଆଡ଼ି, ଆନନ୍ଦ କାଣ୍ଡ, ବିଶ୍ଵାମିତ୍ର ପୋଢ଼, ହଜାରୁ ମହାକୁର, ମନୋରଞ୍ଜନ ବଗର୍ତ୍ତୀ, ପୂର୍ଣଚନ୍ଦ୍ର ଠେଲା, ନିକୁଞ୍ଜ ଷାଣ୍ଡ, ଗୁଡ଼ୁ ଷାଣ୍ଢ, ବାଲୁଙ୍କେଶ୍ୱର ବେମାଲ, ଆଦିକନ୍ଦ ଭୋଇ ପ୍ରମୁଖ ଙ୍କ ସହିତ ମହିଳା ସମିତିର ସମସ୍ତ ସଭ୍ୟ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ l ପରିଶେଷରେ ବରିଷ୍ଠ ସଭ୍ୟ କୁଞ୍ଜ ବିହାରୀ ରାଉତ ଧନ୍ୟବାଦ ଅର୍ପଣ କରିଥିଲେ l