17-Jul-2025

ଲୋଇସିଂହା, (ବିନୋଦ ଦୀପ) ଲୋଇସିଂହା ସ୍ଥିତ ନୁଆଁପଡା ରେଳ ଫାଟକ କୁ ବନ୍ଦ ନ କରିବାକୁ ଦାବୀ କରି ଫାଟକ ର ଉଭୟ ପାର୍ଶ୍ଵ ରେ ଧାରଣା ଦେଲେ ସ୍ଥାନୀୟ ବାସିନ୍ଦା।ଲୋଇସିଂହା ନୁଆଁପଡା ରେଳ ଫାଟକ ଦେଇ ଅଂଚଳ ବାସୀ ସୋନପୁର ଜିଲ୍ଲା କୁ ଯିବା ଆସିବା କରିଥାନ୍ତି।ହେଲେ ରେଳ ବିଭାଗ କିଛି ଦିନ ପୂର୍ବରୁ ଉକ୍ତ ଫାଟକ କୁ ବନ୍ଦ କରିବା ପାଇଁ ଜନସାଧାରଣ ଙ୍କୁ ନୋଟିସ ଦେଇ ଆଜି ଫାଟକ ବନ୍ଦ କରିବା ସକାଶେ କାର୍ଯ୍ୟାରମ୍ଭ କରୁଥିବା ବେଳେ ସ୍ଥାନୀୟ ଲୋକେ ପ୍ରତିବାଦ କରିଥିଲେ ଏବଂ ଫାଟକ ର ଉଭୟ ପାର୍ଶ୍ୱରେ ଧାରଣା ରେ ବସି ରେଳ ଫାଟକ ବନ୍ଦ ନ କରିବାକୁ ଦାବୀ କରିଥିଲେ।ଆନ୍ଦୋଳନକାରୀ ଙ୍କ କହିବା ମୁତାବକ ରେଳ ଫାଟକ ର ଗୋଟିଏ ପାର୍ଶ୍ଵରେ ବିଭିନ୍ନ ଶିକ୍ଷାନୁଷ୍ଠାନ ,ଖେଳ ପଡିଆ,ବ୍ୟାଙ୍କ ଥିବା ବେଳେ ଅନ୍ୟ ପାର୍ଶ୍ୱରେ ପଶୁଡାକ୍ତର ଖାନା,ସାପ୍ତାହିକ ବଜାର ରହିଛି। ରେଳ ଲାଇନ ର ଗୋଟିଏ ପାର୍ଶ୍ୱରେ  ନୁଆଁପଡା,ତିଅରପଡା,ଚମାର ପଡା,କୁମ୍ଭାର ପଡା,ମେହେନ୍ତର ପଡା,ହରିଜନ ପଡା,ସଅଁରା ପଡା ସହ କେଉଁଟିପାଲି,ପାନେସର,ଲୁହୁରାପାଲି ଇତ୍ୟାଦି ଗ୍ରାମ ରୁ ଶହଶହ ଛାତ୍ରଛାତ୍ରୀ ଅନ୍ୟ ପାର୍ଶ୍ୱ କୁ ପଢିବା ପାଇଁ ଯାଉଥିବା ବେଳେ ହଜାର ହଜାର ଲୋକେ ଏହି ଫାଟକ ଉପରେ ନିର୍ଭର କରନ୍ତି।ଏହି ଫାଟକ ବନ୍ଦ ହେଲେ ଅଧିକ ଦେଢ଼ କିଲୋମିଟର ରାସ୍ତା ଅତିକ୍ରମ କରିବାକୁ ପଡ଼ିବ।ଫଳରେ ଲୋକେ ଅନେକ ସମସ୍ୟା ର ସମ୍ମୁଖୀନ ହେବେ।ଏଣୁ ଅଂଚଳ ବାସୀ ଧାରଣା ଦେବା ସହ ଧାରଣା ଦେବା ସହ ଫାଟକ ବନ୍ଦ ନ କରିବାକୁ ଦାବୀ କରିଛନ୍ତି।ଧାରଣସ୍ଥଳ କୁ ରେଳ ବିଭାଗ ତରଫରୁ ଏ.ଡି.ଇ.ଏନ ମନୋଜ କୁମାର ଓଝା,ଲୋଇସିଂହା ତହସିଲଦାର ସଂଘମିତ୍ରା କାର୍ଲୋ ଆସି ଆନ୍ଦୋଳନକାରୀ ଙ୍କ ସହ ଆଲୋଚନା କରି  ୬ ଦିନ ର ମହଲତ ଦେବା ପରେ ଧାରଣାସ୍ଥଳ ରୁ ଉଠିଥିଲେ ଆନ୍ଦୋଳନକାରୀ।