10-Jul-2025

ସୋନପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ,  ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ବନ୍ଧ ପାଲି  ପଞ୍ଚାୟତ ଅନ୍ତର୍ଗତ ମାଝିମୁଣ୍ଡା ଗ୍ରାମର ଧର୍ମ ଦାଣ୍ଡି ନାଳରେ ଗାଧୋଉଥିବା ବେଳେ ନିଖୋଜ ହୋଇ ଯାଇଥିବା ଦୁଇ ଭାଈ ଙ୍କ ମଧ୍ୟରୁ ଟିକେଶ୍ୱର ବାରିକ ଙ୍କ ଶବ ଉଦ୍ଧାର କରିଛି ଆଜି ଡୁଙ୍ଗୁରିପାଲି ଅଗ୍ନିଶମ ବାହିନୀ l ଉଭୟ ଦୁଇଜଣ ବ୍ୟକ୍ତି ହେଉଛନ୍ତି ମାଝୀମୁଣ୍ଡା ଗ୍ରାମର ଦୁଇଭାଇ  ଟିକେଶ୍ୱର ବାରିକ (୩୫)  ଓ ନିରଞ୍ଜନ ବାରିକ (୩୦) l ବିଲରେ ଚାଷ କାମ ସାରି ଦୁଇ ଭାଇ ଆସି ଧର୍ମଦାଣ୍ଡି ନାଳ କୁ ଗାଧୋଇବାକୁ ଯାଇ ଥିଲେ l ବଡ଼ ଭାଇ ଗାଧୋଉଥିବା ବେଳେ ହଠାତ୍ ପାଣି ମାଡ଼ି ଆସିଥିବାରୁ ସେ ଭାସି ଯାଉଥିବା ଦେଖି ସାନ ଭାଇ ବଡ଼ ଭାଇକୁ ବଞ୍ଚାଇବାକୁ  ଯାଇ ସେ ମଧ୍ୟ ଗଭୀର ପାଣି ସ୍ରୋତ ରେ ଭାସି ଯାଇଥିଲେ l  ସ୍ଥାନୀୟ ଲୋକେ ଦୁଇ ଭାଇ ଭାସୁଥିବା ଦେଖି ମଧ୍ୟ ପାଣିର  ଅଧିକ ସ୍ରୋତ ଥିବାରୁ  ଉଦ୍ଧାର କରିବା କୁ ସାହସ କରି ନ ଥିଲେ l ତୁରନ୍ତ ଅଗ୍ନିଶମ ବାହିନୀ କୁ ଖବର ଦେବା ପରେ ଅଗ୍ନିଶମ ବିଭାଗ ଘଟଣା ସ୍ଥଳକୁ ଆସି ଖୋଜା ଖୋଜି କରିଥିଲେ l କିନ୍ତୁ ବର୍ଷା ଓ ରାତି ଅନ୍ଧାର ରେ ଗତ କାଲି ନିଖୋଜ ଭାଈ ଦ୍ୱୟ ଙ୍କୁ ଉଦ୍ଧାର କରିବା ସମ୍ଭବ ହୋଇ ନ ଥିଲା l ଆଜି ସକାଳେ ମୃତ ବଡ ଭାଈ ଟିକେଶ୍ୱର ବାରିକ ଙ୍କୁ ଅଗ୍ନିଶମ ବାହିନୀ ଉଦ୍ଧାର କରିବା ରେ ସଫଳ ହୋଇଛି l କିନ୍ତୁ ପାଣି ପାଗ ଅନୁକୂଳ ସତ୍ତ୍ୱେ ଆଜି ଗଭୀର ନାଳ ପାଣି ର ତୀବ୍ର ଗତି ସ୍ରୋତ ପାଇଁ ଅଗ୍ନିଶମ ବାହିନୀ ର କର୍ମଚାରୀ ଦୀର୍ଘ ଦଶ ବାର ଘଣ୍ଟା ର ସର୍ଚ୍ଚ ଅପରେସନ ଓ ଆପ୍ରାଣ ଉଦ୍ୟମ ସତ୍ତ୍ୱେ ବି ନିଖୋଜ ସାନ ଭାଈ ର ସନ୍ଧାନ ପାଇ ନ ଥିଲେ l  ଏ ଧର୍ମ ଦାଣ୍ଡି ନାଳ ଆଗକୁ କର୍ଲlଝୁଲି ଅଙ୍ଗନଦୀ ଠାରେ ଯୋଡ଼ି ହୋଇ ଥିବା ରୁ ପାଣିର ସ୍ରୋତ ରେ ଦୂର କୁ ଭାସି ଯାଇ ଥିବା ଅନୁମାନ କରାଯାଉଛି l ନଦୀ ର ତଳ ମୁଣ୍ଡ ର ଅଗ୍ନିଶମ ବିଭାଗ ଓ ପୋଲିସ ସହାୟତାରେ ଅନୁସନ୍ଧାନ ଜାରି ରହିଥିବା ଜଣା ଯାଇଛି l ଓ ସାନ ଭାଇ ନିଖୋଜ ନିରଞ୍ଜନ ବାରିକ ମୃତ ନା ଜୀବିତ ଉଦ୍ଧାର ପରେ ତାହା ସ୍ପଷ୍ଟ ହେବ ଓ ଏ  ସମସ୍ତ ଘଟଣା ବିଷୟ ରେ ସୁବର୍ଣ୍ଣପୁର  ଜିଲ୍ଲା ପ୍ରଶାସନ  ଏ ଡି ଏମ୍ ଙ୍କୁ ଅବଗତ କରାଇ ଦେଇଥିବା  ଡୁଙ୍ଗୁରିପାଲି ଅଗ୍ନିଶମ ବିଭାଗ ର ଷ୍ଟେସନ ଅଫିସର ପାଉଲୁସ କୁଜୁର ଓ ସ୍ଥାନୀୟ ପୋଲିସ ଷ୍ଟେସନ ପକ୍ଷରୁ ସୁଚନା ମିଳିଛି l