10-Jul-2025

ତୁରେକେଲା(କୈଳାସ ସଗ୍ରିଆ) ବଲାଙ୍ଗିର ଜିଲ୍ଲା ତୁରେକେଲା ଥାନା ଅନ୍ତର୍ଗତ ବକବାହାଲ ଗାଁ ର ଭାମା ଭଏଶାଲ (୨୧)ଗତ ତା:୨୪/୦୬/୨୫  ସନ୍ଧ୍ୟା ପ୍ରାୟ ୬ଟା ସମୟରୁ ନିଖୋଜ ରହି ଥିବାରୁ ନିଜ ମାଁ ନିରିହ ବିଧବା ତୁରେକେଲା ଥାନାରେ ଏତଲା ଦେଇ ଥିଲେ। ସୂଚନାଯୋଗ୍ୟ ଯେ,ଭାମା ଭଏଶାଲ ର ବିବାହ ପ୍ରସ୍ତାବ ଭୁଲିଆ ସିକୁଆ ଗାଁ ର ଠିକ୍ କରାଯାଇଥିଲା।ଭାମା ଭଏଶାଲ ଓ ନିଜ ଭଉଣୀ ହେମଲତା ଭଏଶାଲ ଦୁହେଁ ବକବାହାଲ ଗାଁ ର ଗଜେନ୍ଦ୍ର ରଣା ର ପରିବାର ସହିତ ମାଡ୍ରାସ କୁ ଦାଦନ ଶ୍ରମିକ ଭାବେ ଛଅ ମାସ ପାଇଁ ଇଟା ଗଢି ଯାଇଥିଲେ। ସେକେଣ୍ଡ ସର୍ଦାର ଅଜୟ ରଣା ଦୁଇ ଭଉଣୀ ଭାମା ଭଏଶାଲ ଓ ହେମଲତା ଭଏଶାଲକୁ ଦାଦନ ଶ୍ରମିକ ଭାବେ ନେଇଥିବା ଜଣାପଡିଛି l ମୁଖ୍ୟ ସର୍ଦାର ନିଜାମ୍ ଖାଁ ବୋଲି ନିଜ ମାଁ ଶୁଶିଲା ଭଏଶାଲ ଅଭିଯୋଗ ଜଣାଇଛନ୍ତି। ହେମଲତା ଭଏଶାଲ କହିବା ଅନୁସାରେ ସେହି ଇଟା ଫେକ୍ଟରୀରେ ଏକ ସଞ୍ଜୟ ପୁଟେଲ ନାମକ ଯୁବକ  ସହିତ ବିଶେଷ ଭାବରେ କଥୋପକଥନ ହେଉଥିବା ଓ ଫୋନ୍ ମାଧ୍ୟମରେ ମଧ୍ୟ ଯୋଗାଯୋଗ କରୁଥିବା କହିଛନ୍ତି। ଉକ୍ତ ସଞ୍ଜୟ ପୁଟେଲ ଏକ ଟ୍ରାକ୍ଟର ଡ୍ରାଇଭର ଅଟେ ଓ ସ୍ଥାନ ରାୟପୁର ସହରର ବୋଲି ଜଣାପଡିଛି। ଏପଟେ ନିଜ ମାଁ ନିରୀହ ବିଧବା ମହିଳା ଶୁଶିଲା ଭଏଶାଲ ଗାଁ ଗାଁ ଆଖିରେ ଲୁହ ଗଡ଼ାଇ ନିଜ ଝୀଅ ଭାମା ର ଫଟୋ ଦେଖାଇ ଲୋକମାନଙ୍କୁ ନିରାଶ ମନରେ ପଚାରେ ଯେ ମୋର ଏହି ଝିଅକୁ କେହି ଦେଖିଛ କି ବୋଲି।  ଏଥିପ୍ରତି ପ୍ରଶାସନର ମଧ୍ୟ  ଦୃଷ୍ଟିଗୋଚର  ହେଉ ବୋଲି ଜନସାଧାରଣ ନିବେଦନକରିଛନ୍ତି।