03-Jul-2025

ଲୋଇସିଂହା, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ବାଦୀବାହାଲ ପଂଚାୟତ ଅଧିନସ୍ଥ ଭାଲୁପାଲି ଠାରେ ଲୋଇସିଂହା ବନାଞ୍ଚଳ ତଥା ବଲାଙ୍ଗୀର ବନଖଣ୍ଡ ପକ୍ଷରୁ 76 ତମ ବନୋ ମହୋତ୍ସବ ପାଳନ ହୋଇଯାଇଛି l ଉକ୍ତ ମହୋତ୍ସବ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଓଡିଶା ସରକାର ଙ୍କ ସ୍ୱାସ୍ଥ୍ୟ ମନ୍ତ୍ରୀ ଡ଼. ମୁକେଶ ମହାଳିଙ୍ଗ ଯୋଗ ଦେଇଥିବା ବେଳେ ସମ୍ମାନନୀୟ ଅତିଥି ଭାବେ ଜିଲ୍ଲପାଳ ଗୌରବ ଶିବାଜୀ ଇସଲ୍ୱାର, ଡ଼ିଏଫଓ ଅଜିତ ବିଶି, ଏସିଏଫ ମାନସ ବେହେରା, ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଯୋଗ ଦେଇଥିଲେ l ଲୋଇସିଂହା ବନାଞ୍ଚଳ ରେଞ୍ଜର ଶ୍ରୀ ପାଉଲ ହରପାଳ, ଫରେଷ୍ଟର ବାବଲୁ ଦାସ ସହ ଅନେକ ଫରେଷ୍ଟ କର୍ମଚାରୀ ଉପସ୍ଥିତ ଥିଲେ l ଉକ୍ତ ମହୋତ୍ସବ ରେ ମନ୍ତ୍ରୀ ତଥା ମୁଖ୍ୟଅତିଥି ଡ଼. ମହାଳିଙ୍ଗ ମା କେ ନାମ ଏକ ପେଡ କହି ଉଦବୋଧନ ଦେଇଥିଲେ l

ଏହାସହ ଆମ ବିକାଶ ସଂଗେ ସଂଗେ ପରିବେଶ ର ସୁରକ୍ଷା ପ୍ରତି ଧ୍ୟାନ ଦେବା, ଯଦି ଗୋଟେ ଗଛ କଟାଯାଉଛି ତାହେଲେ ଦଶଗୁଣା ଗଛ ଲଗାଇବା ଯାହାଫଳରେ ପରିବେଶ ସନ୍ତୁଳନ ହେବ l ଏହାସହ ମୁଖ୍ୟଅତିଥି ବୃକ୍ଷମିତ୍ର ଭଳି ନୂଆ କାର୍ଯ୍ୟକ୍ରମ ଆରମ୍ଭ ହେବ ଯେଉଁଟା କି ପ୍ରତ୍ୟେକ ପଂଚାୟତ ତଥା ଗ୍ରାମ କୁ ସବୁଜ ରଥ ଯାଇ 1 ଲକ୍ଷ ବୃକ୍ଷରୋପଣ ଜରାଯିବାର ଯୋଜନା ରହିଛି ବୋଲି ମନ୍ତ୍ରୀ ଡ଼. ମହାଳିଙ୍ଗ ପ୍ରକାଶ କରିଥିଲେ l ପରେ ପରେ ମନ୍ତ୍ରୀ ଡ଼ ମହାଳିଙ୍ଗ ବୃକ୍ଷ ଲଗାଇବା ସହ ଅନ୍ୟ ସମସ୍ତ ଅତିଥି ଗୋଟେ ଗୋଟେ ବୃକ୍ଷ ଲଗାଇଥିଲେ l ଏହି ମହୋତ୍ସବ କାର୍ଯ୍ୟକ୍ରମ ରେ ଫରେଷ୍ଟ କର୍ମଚାରୀ, ବିଜେପି କର୍ମୀ ତଥା ଜନ ସାଧାରଣ ଉପସ୍ଥିତ ରହି ସହଯୋଗ କରିଥିଲେ l