02-Jul-2025

ନୂଆପଡା: ( ପ୍ରେରଣା ଖବର)
 ଓଡ଼ିଶାର ପ୍ରଥମ  ଏକକ ବ୍ୟବହାର ପ୍ଲାଷ୍ଟିକ ମୁକ୍ତ ନୂଆପଡା ଜିଲ୍ଲା ହେବା ପାଇଁ ଆଗେଇ ଆସି ନେତୃତ୍ୱ ନେଇ ଏକ ଲୋକାଭିମୁଖୀ ଅଭିଯାନ ଆରମ୍ଭ କରିଛି  "ଏକକ ବ୍ୟବହାର  ପ୍ଲାଷ୍ଟିକ ନିଷେଧ ଅଭିଯାନ"। ନୂଆପଡ଼ା ଜିଲ୍ଲା କୋମନା ବ୍ଲକ ରଜନା ଗ୍ରାମପଞ୍ଚାୟତର ବେଲଗାଁ ଓ ମାଠିଆପଦର, ରଜନା ଠାରେ ବିଶ୍ଵ ପର୍ଯ୍ୟାବରଣ ଦିବସ ଅବସରରେ  ପଞ୍ଚାୟତ ସ୍ତରୀୟ ଏକକ ଯୋଗ୍ୟ ପ୍ଲାଷ୍ଟିକ ନିଷେଧ ଅଭିଯାନ, ସ୍ବଚ୍ଛତା ପଦଯାତ୍ରା ,ସଫେଇ କାର୍ଯ୍ୟକ୍ରମ, ପ୍ଲାଷ୍ଟିକ ଆବର୍ଜନା ସଂଗ୍ରହ ଓ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ରଜନା ସରପଞ୍ଚଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ଅଙ୍ଗୱାଡ଼ି କର୍ମୀ, ଆଶା କର୍ମୀ, ଏମବିକେ, ସିଆରପି,  ବିଦ୍ୟାଳୟ ର ଛାତ୍ର ଛାତ୍ରୀ ମାନଙ୍କୁ ନେଇ ରଜନା ପଞ୍ଚାୟତ ଠାରୁ ଗାଁ ଅଭିମୁଖେ ସ୍ୱଚ୍ଛତା ପଦଯାତ୍ରା  ବାହାରି ଥିଲା । ସମସ୍ତେ  ପ୍ଲାଷ୍ଟିକ ବର୍ଜନ ଏବଂ ପରିବେଶ ସୁରକ୍ଷା ସ୍ଲୋଗାନ ଦେଇ ଗାଁ ପରିଭ୍ରମଣ କରିଥିଲେ ଏବଂ ଗାଁ  ଚତଃପାଶ୍ୱର୍ରେ ରେ ଥିବା ପ୍ଲାଷ୍ଟିକ ଆବର୍ଜନା ସଂଗ୍ରହ କରିଥିଲେ ।କାର୍ଯ୍ୟକ୍ରମ ଶେଷରେ ଗ୍ରାମ ବାସି ଏବଂ ଉପସ୍ଥିତ ବ୍ୟକ୍ତି ବିଶେଷଙ୍କ ଦ୍ଵାରା ବେଲଗାଁ ପୋଖରୀ ହୁଡାରେ  ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା  ।