01-Jul-2025

ବରୀ (ରଞ୍ଜିତ  ମହାନ୍ତି): ସରପଞ୍ଚ ସ୍ୱାମୀଙ୍କ ନାମରେ ମାଡ ମାରିବାର ଅଭିଯୋଗ ଆଣିଲେ ପ୍ରଧାନ ଶିକ୍ଷକ।ତେବେ ଘଟଣାଟି ହେଉଛି ବରୀ ବ୍ଲକ ଅନ୍ତର୍ଗତ ମଧୁସୂଦନପୁର ପଞ୍ଚାୟତର।ସୂଚନାଯୋଗ୍ୟ ବିଳାସିନୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟରେ ଭାରାପ୍ରାପ୍ତ ପ୍ରଧାନ ଶିକ୍ଷକ ଭାବେ କାର୍ଯ୍ୟ କରୁଛନ୍ତି ଦୀପକ କୁମାର ମଲିକ।ଗତ 26ତାରିଖ ଦିନ ବିଦ୍ୟାଳୟ ପରିସରରେ ମଧୁସୂଦନପୁର ପଞ୍ଚାୟତର ସରପଞ୍ଚ ସୂଚୀତା ମଲିକ ପ୍ରଧାନ ଶିକ୍ଷକଙ୍କ ଚୌକି ରେ ବସିବା ସହିତ ଶିକ୍ଷକ ଓ ଶିକ୍ଷୟତ୍ରୀ ମାନଙ୍କୁ ଗାଳି ଗୁଲଜ କରିଥିଲେ ବୋଲି ପ୍ରଧାନ ଶିକ୍ଷକ ଦୀପକ କୁମାର ମଲିକ ଅଭିଯୋଗ କରିଛନ୍ତି। ଖାଲି ସେତିକି  ନୁହେଁ ସରପଞ୍ଚଙ୍କ ସ୍ୱାମୀ ଶ୍ରୀକାନ୍ତ ମଲିକ ତାଙ୍କୁ ମାଡ ମାରିଥିବା ବିଂଝାରପୁର ଥାନାରେ ଲିଖିତ ଅଭିଯୋଗ କରିଛନ୍ତି ଦୀପକ।ପ୍ରଥମେ ଶୁଣି ନିଅନ୍ତୁ କଣ କହୁଛନ୍ତି ପ୍ରଧାନଶିକ୍ଷକ। ଦୀପକ କୁମାର ମଲିକ, ଭାରା ପ୍ରାପ୍ତ ପ୍ରଧାନଶିକ୍ଷକ 
ସେପଟେ ଏହି ଅଭିଯୋଗ କୁ ସରପଞ୍ଚ ସୁଚିତା ମଲିକ ଖଣ୍ଡନ କରିବା ସହିତ ସମ୍ପୃକ୍ତ ଶିକ୍ଷକଙ୍କ ବିରୋଧ ରେ ଆଣିଛନ୍ତି ସାଙ୍ଘାତିକ ଅଭିଯୋଗ। ଶ୍ରୀମତି ମଲିକ ଅଭିଯୋଗ କରିଛନ୍ତି କି ମୋତେ ଦୀପକ ମଲିକ ଫୋନ କରି ହାରସ କରୁଛନ୍ତି। ସେ ସ୍କୁଲ ରେ ପାଠ ପଢଢାନ୍ତି କମ କିନ୍ତୁ ରାଜନୀତି କରନ୍ତି ବେଶୀ। ବିଦ୍ୟାଳୟରେ ଅନେକ ଗୁଡିଏ ଅନିୟମିତତା ହୋଇଛି ଯାହାକୁ ମୁଁ ବିରୋଧ କରିବାରୁ ସେ ମୋ ଉପରେ ଏମିତି ମିଛ ଅଭିଯୋଗ ଆଣିଛନ୍ତି। ଆହୁରି ମଧ୍ୟ ସେ ଅଭିଯୋଗ କରିଛନ୍ତି କି ଏହି ବିଦ୍ୟାଳୟରେ ଗୋଟିଏ ପିଲା ଦୁଇ ଦୁଇ ଜାଗାରେ ନାମ କେମିତି ଲେଖିଛନ୍ତି ବୋଲି ସେ ପ୍ରଶ୍ନ କରିଛନ୍ତି।
 ସେପଟେ ଏହି ଘଟଣା କୁ ନେଇ ବିଂଝାରପୁର ଥାନାରେ ଉଭୟ ପକ୍ଷ୍ୟ ଲିଖିତ ଅଭିଯୋଗ କରିଥିବାବେଳେ ପୋଲିସ ଅଭିଯୋଗକୁ ଭିତ୍ତି କରି  300/25ରେ ମାମଲା ରୁଜୁ କରି ଘଟଣା ସ୍ଥଳରେ ପହଁଚି ତଦନ୍ତ କରୁଛି।ଅନ୍ୟପଟେ ମଣ୍ଡଳ ଶିକ୍ଷା ଅଧିକାରୀଙ୍କ ପ୍ରତିକ୍ରିୟା ନେବାକୁ ଯୋଗାଯୋଗ କରିଥିଲେ ମଧ୍ୟ ତାହା ସମ୍ଭବ ହୋଇପାରିନାହିଁ। ଏବେ ଦେଖିବାକୁ ବାକି ରହିଲା ଏହି ଘଟଣା ରେ ପୋଲିସ କାହାକୁ ଦୋଷୀ ସାବ୍ୟସ୍ତ କରି ଗିରଫ କରୁଛି।