01-Jul-2025

ବିନିକା(ହିମାଂଶୁ ଶେଖର ପୁଟେଲ)ତୁଳସୀ ଯେଉଁଟି ଥିଲେ ମହମହ ବାସ୍ନା ଦେଇଥାଏ । ଠିକ ସେହିପରି ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅନ୍ତର୍ଗତ ଫୁଲମୁଠୀ ଗ୍ରାମର ପୁଅ ଅଶୋକ ମହାକୁର ସମସ୍ତଙ୍କ ମନକୁ ଛୁଇଁଲା ଭଳିଆ ଚିତ୍ର ଆଙ୍କି ସୁଦୂର ଦିଲ୍ଲୀରେ କମାଲ ଦେଖାଇଛନ୍ତି ।ସୂଚନା ଯୋଗ୍ୟ ଯେ ଭାରତ ସରକାରଙ୍କ ସାଂସ୍କୃତିକ ବିଭାଗ ତରଫରୁ ୭ଦିନ ଧରି ଦିଲ୍ଲୀ ସ୍ଥିତ ଲଳିତ କଳା ଏକାଡେମୀ ଠାରେ ପେଣ୍ଟିଂ କ୍ୟାମ୍ପ ଆୟୋଜନ ହୋଇଥିଲା ଏଥିରେ ଭାଗନେବା ପାଇଁ ସାରା ଭାରତର ୧୫ଜଣ ଆର୍ଟିଷ୍ଟଙ୍କୁ ଚୟନ କରାଯାଇଥିଲା ।ବିଷୟବସ୍ତୁ ଥିଲା ରିମେବମ୍ବରିଂ 50ଇୟର ଇମ୍ପୋଜିସନ ଅଫ ଏମାରଜେନ୍ସି ଉପରେ ଚିତ୍ର ଅଙ୍କନ କରାଯାଇଥିଲା ।ଚୟନ ଆର୍ଟିଷ୍ଟ ମାନେ ଉକ୍ତ ଚିତ୍ର ଆଙ୍କିବା ପରେ ସେହି ଚିତ୍ର ଗୁଡ଼ିକୁ ଟାଇଗ୍ରା ଷ୍ଟାଡିୟମ ନୂଆଁଦିଲ୍ଲୀ ଠାରେ ସମସ୍ତଙ୍କ ଅବଗତି ନିଅନ୍ତେ ପ୍ରଦର୍ଶିତ ହୋଇଥିଲା ।ଉକ୍ତ ଚିତ୍ର ଗୁଡ଼ିକୁ ଦେଖିବା ପାଇଁ ଭାରତ ସରକାରଙ୍କ ତରଫରୁ ହୋମ ମିନିଷ୍ଟର ଅମିତ ଶାହା,ସଂସ୍କୃତି ବିଭାଗ ମନ୍ତ୍ରୀ ଗଜେନ୍ଦ୍ର ସିଂ ସେଖାୱତ,ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା,କ୍ୟାବିନେଟ ମନ୍ତ୍ରୀ କପିଳ ମିଶ୍ର ପ୍ରମୁଖ ପରିଦର୍ଶନରେ ଆସି ଚିତ୍ରକର ମାନଙ୍କୁ ପ୍ରଶଂସା କରିଥିଲେ ।ଏହି ଅବସରରେ ଓଡ଼ିଆ ପୁଅ ଅଶୋକଙ୍କ ଆଙ୍କିତ ଚିତ୍ର ବେଶ ପ୍ରଶଂସନୀୟ ହୋଇଥିଲା ।ପରେ ଭାଗନେଇଥିବା ସମସ୍ତ ଚିତ୍ରକର ମାନଙ୍କୁ ପ୍ରମାଣ ପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା ।