01-Jul-2025

ବିନିକା/ଉଲୁଣ୍ଡା(ପ୍ରେରଣା ନ୍ୟୁଜ)ସାମାଜିକ କ୍ଷେତ୍ରରେ ହେଉ କି ଅନ୍ୟ ଯେକୌଣସି କାର୍ଯ୍ୟ ହେଉ ତାଙ୍କ ନଜରକୁ ଆସିଲେ ତ୍ୱରିତ ଆଗଧାଡିରେ ରହି ସମାଧାନ ପାଇଁ ପ୍ରୟାସ କରିଥାନ୍ତି ।ଏପରିକି ତାଙ୍କ ଚାକିରୀ ଜୀବନରେ ଯାହା ବି ଗ୍ରାହକ ହୁଅନ୍ତି ଅବା ଲୋକେ  ସମସ୍ୟାର ସମ୍ଭୁଖିନ ହେବାର ଜାଣନ୍ତି ସେଥିରେ କିଛି ସମୟ ଦେଇ ସମାଧାନ କରିଥାନ୍ତି ।ହେଲେ ସେହି ବ୍ୟକ୍ତି ଆଜି ତାଙ୍କ ଚାକିରୀ ଜୀବନରୁ ଅବ୍ୟାହତି ନେଇଛନ୍ତି ।ଯାହା ଫଳରେ ଲୋକେ ତାଙ୍କର ସ୍ନେହ,ଶ୍ରଦ୍ଧା ଓ କର୍ଯ୍ୟ ଦକ୍ଷତାକୁ ନେଇ ଝୁରୁଛନ୍ତି ।ସେ ଆଉ କେହି ନୁହନ୍ତି ଉଲୁଣ୍ଡା ଏସବିଆଇ ମ୍ୟାନେଜର ଘନଶ୍ୟାମ ମେହେର ।ଶ୍ରୀ ମେହେର ପ୍ରଥମେ ବିନିକା ଏସବିଆଇ ଶାଖାରେ ୧୫ସେପ୍ଟେମ୍ବର ୧୯୮୯ରେ  ଯୋଗଦାନ କରି ନିରବିଛିଣ୍ଣ ଭାବେ ଦୀର୍ଘ ବର୍ଷ ଧରି କାର୍ଯ୍ୟ କରିଥିଲେ ।ତାଙ୍କ ରହଣି କାଳ ମଧ୍ୟରେ ବ୍ୟାଙ୍କକୁ ଆସୁଥିବା ସମସ୍ତ ପ୍ରକାର ଗ୍ରାହକଙ୍କ ସହିତ ସୁସମ୍ପର୍କ ସ୍ଥାପନ କରି କେହି ଯେମିତି କୌଣସି କାମରେ ଅସୁବିଧାର ସମ୍ମୁଖୀନ ନହେବେ ସେଥିପ୍ରତି ଦୃଷ୍ଟି ଦେଇ ସମସ୍ୟାକୁ ତୁରନ୍ତ ସମାଧାନ ଦିଗରେ ପଦକ୍ଷେପ ନେଉଥିଲେ। ଗ୍ରାହକ ମଧ୍ୟ ସହଜରେ କାମ ସାରି ଘରକୁ ଫେରୁଥିଲେ ।ଶ୍ରୀ ମେହେର ପ୍ରମୋଶନ ପାଇବା ପରେ ସମ୍ପ୍ରତି ବଲାଙ୍ଗିର,କଳାହାଣ୍ଡି,ବରଗଡ଼,ସମ୍ବଲପୁର ଜିଲ୍ଲାର ବିଭିନ୍ନ ବ୍ୟାଙ୍କରେ କାର୍ଯ୍ୟ ତୁଲାଇ ଶେଷରେ ଗତ ତିନି ବର୍ଷ ହେଲା ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଏସବିଆଇ ବ୍ୟାଙ୍କରେ ଶାଖା ପରିଚାଳକ ଦାୟିତ୍ଵ ତୁଲାଇ ଆସୁଥିଲେ । ଗତକାଲି ଅର୍ଥାତ ଜୁନ ୩୦ତାରିଖରେ ଶ୍ରୀ ମେହେର ତାଙ୍କ ଚାକିରୀ ଜୀବନରୁ ଅବସର ଗ୍ରହଣ କରିଛନ୍ତି ।ଏହି ପରିପ୍ରେକ୍ଷୀରେ ତାଙ୍କୁ ବିଦାୟ କାଳୀନ ସମ୍ବର୍ଦ୍ଧନା ଦେବାପାଇଁ ଅନୁଷ୍ଠିତ ସମାରୋହରେ ସୋନପୁର ଏଲଡିଏମ କାର୍ତ୍ତିକେଶ୍ୱର ପଣ୍ଡା ମୁଖ୍ୟଅତିଥି, ସୋନପୁର ଏସବିଆଇ ଚିଫ ମ୍ୟାନେଜର ଲକ୍ଷ୍ମଣ ମାଝି,ଆରବିଓ ବରଗଡ଼ ମ୍ୟାନେଜର ଏଚଆର ପ୍ରିତିଶ ରଞ୍ଜନ ସେଠୀ,ଉଲୁଣ୍ଡା ଏସବିଆଇ ଫିଲ୍ଡ ମ୍ୟାନେଜର କୃଷ୍ଣ ଚନ୍ଦ୍ର ମେହେର ପ୍ରମୁଖ ସମ୍ମାନୀୟ ଅତିଥି ଭାବେ ଯୋଗଦେଇ ତାଙ୍କ କାର୍ଯ୍ୟ ଦକ୍ଷତା ଓ ଗୁଣାବଳୀ ଉପରେ ଆଲୋକପାତ କରିଥିଲେ । ତାଙ୍କୁ ଉପସ୍ଥିତ ସମସ୍ତ ଷ୍ଟାଫ ଉପଢୌକନ ଦେଇ ବିଦାୟ କାଳୀନ ସମ୍ବର୍ଦ୍ଧନା ଜ୍ଞାପନ କରିବା ପରେ ବିନିକା ନିଜସ୍ଵ ଘରକୁ ଆଣି ଛାଡିଥିଲେ ।