30-Jun-2025

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ପରିସର ନୂତନ ସଭାଗୃହ ରେ ଯୁଗ୍ମ ଅଭିଯୋଗ ଜନ ଶୁଣାଣି ଶିବିର ଅନୁଷ୍ଠିତ ହୋଇ ଯାଇଛି l ମୁଖ୍ୟଅତିଥି ଭାବେ ଜିଲ୍ଲା ପା ଲ ଗୌରବ ଶିବାଜି ଇସଲ୍ ୱାର , ଆରକ୍ଷୀ ଅଧିକ୍ଷକ ଅଭିଳାଷ ଜି , ଜିଲ୍ଲା ଉନ୍ନୟନ ଅଧିକାରୀ ପ୍ରଭାତ କୁମାର ମ ହ।ପାତ୍ର, ବ୍ଲକ ଅଧ୍ୟକ୍ଷା ଗୀତାଞ୍ଜଳି ଦାସ , ବିଡ଼ିଓ ମହାପାତ୍ର କୁଲଦୀପ ମହାନ୍ତି , ମଂଚାସୀନ ଅଧିକାରୀ ଭାବେ ଯୋଗ ଦେଇଥିଲେ ।ବ୍ଲକ ଅଞ୍ଚଳ ର 20 ଟି ଗ୍ରାମ ପଞ୍ଚାୟତ ର ସରପଞ୍ଚ ,ସମିତି ସଭ୍ୟ , ଜନସାଧାରଣ ବିଭିନ୍ନ ସମସ୍ୟା ଉପରେ ଅଭିଯୋଗ କରିଥିବା ବେଳେ ଏହାର ଶୁଣାଣି ଅତିଥି ମାନେ କରି ଥିଲେ l ସର୍ବ ମୋଟ 37 ଟି ଅଭିଯୋଗ ର ଶୁଣାଣି ହୋଇ ଥିଲା ।ମୁଖ୍ୟତଃ ବର୍ତ୍ତମାନ ଖରିଫ ଋତୁ ଯୋଗୁଁ ଚାଷ କାର୍ଯ୍ୟ ପାଇଁ କୃଷି ,ଉଦ୍ୟାନ ଉପରେ ଧ୍ୟାନ ନିଆଯାଇ ଥିଲା ଓ ଗତ ଗ୍ରୀଷ୍ମ ଋତୁ ରେ ପ୍ରତ୍ୟେକ ଗ୍ରାମ ରେ ଜମି ଉନ୍ନତିକରଣ , ମନରେଗା ଯୋଜନାରେ କାର୍ଯ୍ୟ କୁ ତଦନ୍ତ କରାଯାଇ ଥିଲା l

ଶିକ୍ଷା ,ସ୍ବାସ୍ଥ୍ୟ , ଗମନାଗମନ ଆବାସ ଗୃହ ,ଗୁହାଳ ନିର୍ମାଣ , ପୋଖରୀ ରେ ପାହାଚ ନିର୍ମାଣ , ଉଦ୍ୟାନ , ସରକାରଙ୍କ ଲୋକାଭିମୁଖୀ କାର୍ଯ୍ୟ , ସୁଭଦ୍ରା ଯୋଜନା ପ୍ରଭୁତି ଉପରେ ଆଲୋଚନା କରାଯାଇ ଥିଲା l ଏହିପରି  ଜିଲ୍ଲାପାଳ ଆସିବାରେ ବିଳମ୍ବ ହେତୁ ସାଧାରଣ ରେ କିଛି ସମୟ ପାଇଁ ଅଶାନ୍ତି ଦେଖା ଯାଇ ଥିଲା l ଜିଲ୍ଲା ର ବିଭିନ୍ନ ବିଭାଗ ର ଅଧିକାରୀ ମାନେ ଉପସ୍ଥିତ ରହି ଶିବିର କୁ ସହଯୋଗ କରିବା ସହ ବ୍ଲକ ର ପ୍ରତ୍ୟେକ ବିଭାଗ କର୍ମଚାରୀ ମାନେ ସହଯୋଗ କରିଥିଲେ l