30-Jun-2025

ବଲାଙ୍ଗୀର(ପ୍ରେରଣା ଖବର) ଆଜି ଦିବା ୧୧ଘଣ୍ଟା ସମୟରେ ପୂଜା ମଣ୍ଡପ(ଗାନ୍ଧି ପାଠାଗାର)ର ନୂତନ ଗୃହ ନିର୍ମାଣ ପାଇଁ  ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂଦେଓଙ୍କ କରକମଳରେ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା l ଗାନ୍ଧି ପାଠାଗାର ସଭାପତି ପ୍ରକାଶ ନେପାକଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ସମ୍ମାନିତ ଅତିଥି ବଲାଙ୍ଗୀର ପୌରାଧ୍ୟକ୍ଷା  ଶ୍ରୀମତୀ ଲିକା ସାହୁ ଉକ୍ତ କାର୍ଯ୍ୟକ୍ରମରେ ଯୋଗଦାନ କରିବା ସହ କାଉନସିଲର  ଇସ୍ମତ ଆରା ଖାନ, ମହେନ୍ଦ୍ର ବାଗ ଓୱାର୍ଡ ନ.୧୬ କାଉନସିଲର ସମେତ ସମସ୍ତ ପାଠାଗାର ସଭ୍ୟ ସଭ୍ୟାଙ୍କ ଉପସ୍ଥିତ ଥିଲେ l ପାଠାଗାର ସମ୍ପାଦକ ପ୍ରଦୀପ ସାହୁ ସଭା ସଂଯୋଜନା କରିବା ସହ ଆଗାମୀ ଦିନରେ ସମସ୍ତଙ୍କ ସହଯୋଗ କାମନା କରିଥିଲେ l ବିଧାୟକ କଳିକେଶ ନାରାୟଣ ସିଂଦେଓ ଏହି ଉତ୍ସବରେ ଉଦବୋଧନ ଦେଇ କହିଥିଲେ ଏହି ଅନୁଷ୍ଠାନ ବଲାଙ୍ଗୀରର ପୁରାତନ ଅନୁଷ୍ଠାନ ଏବଂ ସାମାଜିକ, ସାଂସ୍କୃତିକ ତଥା ଆଧ୍ୟାତ୍ମିକ କାର୍ଯ୍ୟକ୍ରମ ମାନ ଆୟୋଜନ କରି ବଲାଙ୍ଗୀରର ଏକ ଅଗ୍ରଣୀ ଅନୁଷ୍ଠାନ ରୂପେ ମାନ୍ୟତା ପାଇ ପାରିଛି l ପ୍ରାୟ ୬୦ବର୍ଷ ପୁରୁଣା ଗୃହ ଜାଗାରେ ଏକ ନୂତନ ଗୃହ ନିର୍ମାଣ ପାଇଁ ୩୦ଲକ୍ଷ ଟଙ୍କାର ଅନୁଦାନ ଦିଆଯାଇଛି ଏବଂ ଦରକାର ପଡିଲେ ଆଉ କିଛି ଅନୁଦାନ ଦିଆଯିବ ବୋଲି ପ୍ରତିଶୃତି ଦେଇଥିଲେ l ପୂଜା ମଣ୍ଡପର ପୂର୍ବତନ ସଭାପତି ବିକ୍ରମାନନ୍ଦ ବହିଦାର, ଭଗବାନ ବଗର୍ତି, ଯଶବୀର ସିଂ ପ୍ରମୁଖ ପାଠାଗାର ନିର୍ମାଣ ପାଇଁ ବିଧାୟକ କଳିକେଶ ସିଂଦେଓଙ୍କ ପ୍ରଚେଷ୍ଟାକୁ ସ୍ୱାଗତ କରିବା ସହ ପ୍ରଂଶସା କରିଛନ୍ତି l ଉପସଭାପତି ସନ୍ତକ ବହିଦାର, କୋଷlଧ୍ୟକ୍ଷ  ଜିତେନ୍ଦ୍ର ନାଗ,ଚିତ୍ତରଞ୍ଜନ ସାହୁ,ରାଜେନ୍ଦ୍ର ପାଣି, ବିଧୁଭୂଷଣ ତ୍ରିପାଠୀ ତଥା ବରିଷ୍ଠ ସଭ୍ୟ ପୀତବାସ ପଣ୍ଡା, ନବୀନ ନନ୍ଦ, ସୂର୍ଯ୍ୟ ପୁରୋହିତ, ମୋହିନୀ ମିଶ୍ର, ମହିଳା କମିଟି ର ଦମୟନ୍ତୀ ବାଗ, ବିଳାସିନୀ ବେହେରା,ଲିନା ମହାନ୍ତି ଏବଂ ପାଠାଗାର ର ସମସ୍ତ ସଭ୍ୟସଭ୍ୟା ଉପସ୍ଥିତ ଥିଲେ l