24-Jun-2025

ପାଟଣାଗଡ଼(ପୂର୍ଣ୍ଣ ଶଶୀ ଶେଖର ରାଓ): ବଲାଙ୍ଗୀର ବନଖଣ୍ଡ ଖପ୍ରାଖୋଲ ବନାଞ୍ଚଳରେ ଚଳିତ ବର୍ଷ ଅନେକ କାଠଜବତ କରାଯାଇଛି ଏବଂ ମୁଖ୍ୟ ମାଫିଆକୁ ଧରିବାରେ ବିଫଳ ରହୁଥିବା ଦେଖିବାକୁ ମିଳିଥିବା ବେଳେ ଗତକାଲି ରାତିରେ ପୁଣି ଏକ ଟ୍ରାକ୍ଟର ଜବତ କରି ଜଣେ ମାଫିଆକୁ ଗିରଫ କରିଥିବା ଜଣାପଡିଛି।

  ସୂଚନା ଅନୁସାରେ ହରିଶଙ୍କର ବନାଞ୍ଚଳ ହରିଶଙ୍କର ସେକ୍ସନ ତୁର୍ଲା ଗାଁ ରୁ କେନ୍ଦୁକାଠ ଚୋରାଚାଲାଣ ହେବାର ଖବର ପାଇ ହରିଶଙ୍କର ରେଞ୍ଜର ଅରବିନ୍ଦ ନାଏକଙ୍କ ନେତୃତ୍ୱରେ ଖପ୍ରାଖୋଲ ବନପାଳ ସୁଧୀର ଜେନା, ହରିଶଙ୍କର ବନପାଳ ରଞ୍ଜିତ କୁମ୍ଭାର, ରେଙ୍ଗାଲି ବନପାଳ, ଖପ୍ରାଖୋଲ ଫରେଷ୍ଟ ଗାର୍ଡ ଏକ ଟିମ ଗଠନ କରି ୨୩:୦୬:୨୦୨୫ ସୋମବାର ରାତିରେ ତୁର୍ଲା ଗାଁ ରେ ଚଢ଼ାଉ କରିଥିଲେ  ଏବଂ ଏକ କେନ୍ଦୁ ବୋଝେଇ ଟ୍ରାକ୍ଟର ଜବତ କରି ଉକ୍ତ ଗ୍ରାମର ମଣିଲାଲ ଛତରକୁ ଗିରଫ କରି କେଶ ନମ୍ବର ୧୨୭/୨୫-୨୬ ଏକ ମାମଲା ରୁଜୁ କରି ମଙ୍ଗଳବାର ଦିନ ଆସାମୀକୁ ପାଟଣାଗଡ଼ କୋର୍ଟ ଚାଲାଣ କରିଥିବା ବନାଞ୍ଚଳ ଅଧିକାରୀ ଅରବିନ୍ଦ ନାଏକ ସୂଚନା ଦେଇଛନ୍ତି। ଏହି କାଠମାଫିଆ ସତରେ ଏକା ଏଭଳି କରୁଥିଲା ନାଁ ଏହା ପଛରେ ଅନ୍ୟ କେହି ଜଡିତ ଅଛି ତାହା ସନ୍ଦେହ ଘେରରେ l ଖପ୍ରାଖୋଲ ଅଞ୍ଚଳରେ ଧୀରେଧୀରେ ଜଙ୍ଗଲ ହ୍ରାସ ପାଇବାରେ ଲାଗିଛି ସେଥିପାଇଁ ବନବିଭାଗ ତତ୍ପର ହୋଇ ମୁଖ୍ୟମାଫିଆ ମାନଙ୍କୁ ଗିରଫ କରନ୍ତୁ ବୋଲି ବୁଦ୍ଧିଜୀବୀ ମହଲରେ ଦାବି ହେଉଛି ।