22-Jun-2025

ବରଗଡ/ପାଇକମାଳ: ହରିଶଙ୍କର ବାବା ସମ୍ମନମୟ କମିଟି ତରଫରୁ ଆଜି ରବିବାର ପଶ୍ଚିମ ଓଡ଼ିଶାର ପବିତ୍ର ପୀଠ ବାବା ନୃସିଂହନାଥ ପୀଠରେ ଓଡ଼ିଶା ରାଜ୍ୟ କୋଶଳେଶ୍ୱର ମାଳି ସମାଜର ଏକତ୍ରୀକରଣ ବୈଠକ ଅନୁଷ୍ଠିତ ହୋଇଥିଲା ଏଥିରେ ସମାଜର ବିଶିଷ୍ଟ ବ୍ୟକ୍ତି ବିଶେଷ ନିଜ ନିଜର ମତ ଉପସ୍ଥାପନ କରି ପୂର୍ବ ଘଟିଥିବା ଘଟଣାକୁ ଭୁଲି ଯାଇ ସମାଜର ହିତ ଓ ତାର ଉତ୍ତରୋତ୍ତର ଉନ୍ନତି ବିକାଶ ଦିଗରେ ସମସ୍ତେ ଏକଜୁଟ ହୋଇ ଲକ୍ଷ ହାସଲ କରିବାକୁ କହିଥିଲେ ।ସୂଚନା ଯୋଗ୍ୟ ଯେ ନିଜ ନିଜ ମଧ୍ୟରେ ମତାନ୍ତର ଯୋଗୁଁ ରାଜ୍ୟ କୋଶଳେଶ୍ୱର ମାଳି ସମାଜ ଦୁଇ ଭାଗରେ ବିଭକ୍ତ ହୋଇଥିଲା ଦେଖୁ ଦେଖୁ ୩ବର୍ଷ ବିତିଗଲା

ହେଲେ କୌଣସି କମିଟି ବି ତାର ଲକ୍ଷ ପଥରେ ଉନ୍ନତି ଆଣି ପାରିଲା ନାହିଁ ।ବରଂ କ୍ଷତି ଘଟିଲା । ସମାଜ ଜାତି ଭାଇଙ୍କ ମଧ୍ୟରେ ଏକତାର ଭାବ ରହିଲା ନାହିଁ ।ସମାଜ ଉନ୍ନତିରେ ଅଗ୍ରଗତି,ବିକାଶ,ସୁସମ୍ପର୍କ ସ୍ଥାପନ ଆଦି ଅନେକ ସମସ୍ୟାର ଅଧୋଗତି ଦିନକୁ ଦିନ ବଢୁଥିବା ବେଳେ ଏହାକୁ କିପରି ରୋକା ଯାଇ ପାରିବ ଏବଂ ଖଣ୍ଡବିଖଣ୍ଡିତ ସମାଜକୁ କିପରି ଏକତ୍ରୀକରଣ କରାଯିବ ସେ ଉଦ୍ଦେଶ୍ୟ ନେଇ ବଲାଙ୍ଗିର ଜିଲ୍ଲା କୋଶଳେଶ୍ୱର ମାଳି ସମାଜ ସଭାପତି କାର୍ତ୍ତିକ ପଟେଲ ଓ ବରଗଡ଼ ସଭାପତି ଭିଷ୍ମଦେବ ପଟେଲଙ୍କ ଆବାହକତ୍ୱରେ ଚଳିତ ମାସ ୧୩ତାରିଖରେ ଡୁଡ଼ିକିପଥର ଠାରେ ଏକ ଜରୁରୀକାଳୀନ ବୈଠକ ଅନୁଷ୍ଠିତ ହୋଇଥିଲା।ଏଥିରେ ରାଜ୍ୟର ବିଭିନ୍ନ ଜିଲ୍ଲାର କର୍ମକର୍ତ୍ତା,ସମାଜ ସହିତ ସଂପୃକ୍ତ ବିଶିଷ୍ଟ ବ୍ୟକ୍ତି ଓ ଦୁଇ ରାଜ୍ୟ କମିଟି ସଦସ୍ୟ ଯୋଗଦେଇ ଥିଲେ। ବୈଠକରେ  ରାଜ୍ୟ ବିଭକ୍ତି ନେଇ ଆଲୋଚନା ହୋଇଥିଲା ସମସ୍ତଙ୍କ ନିଷ୍ପତି ପରେ ରାଜ୍ୟ ଏକତ୍ରିକରଣ ଅର୍ଥାତ ଏକ ରାଜ୍ୟ କମିଟି ଗଠନ ନେଇ ୧୧ଜଣିଆ ସମ୍ନନମୟ କମିଟି ଗଡା ଯାଇ ଦାୟିତ୍ଵ ଦିଆଯାଇଥିଲା।  ସମ୍ମନମୟ କମିଟିର ନିଷ୍ପତି ଓ ଅନୁରୋଧ କ୍ରମେ ଆଜି ରବିବାର ରାଜ୍ୟର ୧୧ଜିଲ୍ଲାରୁ ଜିଲ୍ଲା ସଭାପତି,ସମ୍ପାଦକ,ଅଞ୍ଚଳ କମିଟି ସଦସ୍ୟ ତଥା ସମାଜର ବିଶିଷ୍ଟ ବ୍ୟକ୍ତି ପବିତ୍ର ନୃସିଂହନାଥ ପୀଠରେ ଉପସ୍ଥିତ ରହି ସମାଜର ହିତ ଉଦ୍ଦେଶ୍ୟ ନେଇ ସୁଚିନ୍ତିତ ମତ ଉପସ୍ଥାପନ କରିଥିଲେ।ସଭାକୁ କମିଟି ଆବାହକ ତପିମଣୀ ପୁଟେଲ ସଂଯୋଜନା କରିଥିଲେ ।  ପରେ ଉପସ୍ଥିତ ସମାଜ ପ୍ରେମୀ  ଦୁଇ ଭାଗରେ ବିଭକ୍ତ ରାଜ୍ୟ କୋଶଳେଶ୍ୱର ମାଳି ସମାଜ କମିଟିକୁ ସମ୍ପୂର୍ଣ୍ଣ ଏକତ୍ରିତ କରିବା ନହେଲେ ଉଭୟ କମିଟିକୁ ଭାଙ୍ଗି ଦିଆଯାଇ ନୂଆଁ ଭାବେ ନୂତନ ରାଜ୍ୟ କମିଟି ଗଠନ ସକାଶେ ପୁଙ୍ଖାନୁପୁଙ୍ଖ ଭାବେ ଆଲୋଚନା ଓ ପର୍ଯ୍ୟାଲୋଚନା କରାଯାଇଥିଲା ସଭାରେ କୌଣସି ଚୂଡ଼ାନ୍ତ ରାୟ ନ ବାହାରିବା ପରେ ଉକ୍ତ ପ୍ରସଙ୍ଗ ନେଇ ୧୧ଜିଲ୍ଲାର ଜିଲ୍ଲା ସଭାପତି ଓ ୧୭ଜଣିଆ ସମନ୍ମୟ କମିଟି ସଦସ୍ୟ ପ୍ରଭୁ ନୃସିଂହନାଥ ପୀଠକୁ ଯାଇ ଗୁପ୍ତ ଭାବେ ଆଲୋଚନା କରାଯାଇ ଚୂଡାନ୍ତ ନିଷ୍ପତି ନିଆଯାଇ ବୈଠକରେ 

ଉପସ୍ଥାପନା କରାଯାଇଥିଲା l ନିଷ୍ପତ୍ତି ଅନୁଯାୟୀ ପୁନର୍ବାର ଉଭୟ ରାଜ୍ୟ କମିଟି ମିଳିମିଶି କାର୍ଯ୍ୟ କରିବେ।ବୀରମହାରାଜପୁର କମିଟି କରିଥିବା ଏକ ରାଜ୍ୟ ଏକ ପରିଚୟ ପ୍ରଚଳନ,ଜିଲ୍ଲା ମାନଙ୍କରେ ରହିଥିବା ବିଭିନ୍ନ ସମସ୍ୟାକୁ ଉଭୟ ରାଜ୍ୟ କମିଟି ସମାଧାନ ଦିଗରେ ପଦକ୍ଷେପ ନେବେ,ବଲାଙ୍ଗିର ଓ ବରଗଡ଼ ଜିଲ୍ଲା ସଭାପତିଙ୍କ ପରାମର୍ଶରେ ଉଭୟ ରାଜ୍ୟ କମିଟି ସଭାପତି ନୋଟିସ କିମ୍ବା ଚିଠି କରି ପାରିବେ। କମିଟି କାର୍ଯ୍ୟକାଳ ସରିବାକୁ ଦେଢବର୍ଷ ଥିବାରୁ ଏହି ଉଭୟ ରାଜ୍ୟ କମିଟି ସେ ପର୍ଯ୍ୟନ୍ତ କାର୍ଯ୍ୟକୁ ସୁଚାରୁ ରୂପେ ନିର୍ବାହ କରିବେ ଆଦି ପ୍ରସ୍ତାବ ଆଗତ ହୋଇ ଥିଲା ।

(ହିମାଂଶୁ ଶେଖର ପୁଟେଲଙ୍କ ରିପୋର୍ଟ)