15-Jun-2025

ସିନାପାଲି(ପରମେଶ୍ଵର ମେହେର): ସିବିଏସଇ ବୋଡ଼ ପରୀକ୍ଷାରେ ତରବୋଡ଼ ଜବାହରଲାଲ ନବୋଦୟ ବିଦ୍ଯାଳୟରୁ ସର୍ବୋଚ୍ଚ ନମ୍ବର ରଖିଥିବା ମେଧାବୀ ଛାତ୍ର ଅଂଶୁମାନ ମେହେରଙ୍କୁ ଜିଲ୍ଲାପାଳ ସମ୍ବର୍ଦ୍ଧିତ କରି ଉତ୍ସାହିତ କରିଥିବା ଜଣାପଡ଼ିଛି l ଅଂଶୁମାନ ଏହି ପରୀକ୍ଷାରେ ମୋଟ ୯୫.୮୩ ପ୍ରତିଶତ ନମ୍ବର ରଖିଥିବା ବେଳେ ଆଜି ଜିଲ୍ଲା ସ୍ତରୀୟ ବିକାଶ ମେଳା ଅବସରରେ ଜିଲ୍ଲାସ୍ତରୀୟ ଅନ୍ଯାନ୍ଯ ଅଧିକାରୀଙ୍କ ଉପସ୍ଥିତିରେ ଜିଲ୍ଲାପାଳ ମଧୁସୂଦନ ଦାସ ଏହି ସମ୍ମାନ ପ୍ରଦାନ କରି ଆଗକୁ ଭଲ ମଣିଷ ହୋଇ ଜିଲ୍ଲାର ଗୌରବ ବଢ଼ାଇବାକୁ ଉତ୍ସାହିତ କରିଥିଲେ l  ଅଂଶୁମାନ ସିନାପାଲି ନାଗରିକ କମିଟିର ସଭାପତି ଡମ୍ବରୁଧର ମେହେରଙ୍କ ନାତି ହୋଇଥିବା ବେଳେ ଅଂଚଳର ପ୍ରତିଷ୍ଠିତ ବରିଷ୍ଠ ଆଇନଜୀବୀ ସୁବ୍ରତ ମେହେର ଓ ଗୄହିଣୀ ସୁଭଦ୍ରା ମେହେରଙ୍କ ପୁତ୍ର ଅଟନ୍ତି l ଏହି ସଫଳତାରେ ଅଂଶୁମାନଙ୍କୁ ଜଣାଶୁଣା ମହଳରୁ ଶୁଭେଚ୍ଛା ଜଣାଯାଇଛି l