15-Jun-2025

(ଡୋଲେଶ୍ୱର ବାଗ)
 ନୂଆପଡ଼ା ଜିଲ୍ଲା ଖଡିଆଳ ସ୍ଥିତ ମୁକ୍ତାପୂର ସ୍ଥିତ ଭବନ ଠାରେ ଜିଲ୍ଲା ସଭାପତି ଶ୍ରବଣ କୁମାର ନିଆଳଙ୍କ ଅଧ୍ୟକ୍ଷତା ରେ  ଦଳିତ ଡେଭଲପମେଣ୍ଟ ମିଶନ ଡିଡିଏମ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ପ୍ରାରମ୍ଭରେ ଭଗବାନ ବୁଦ୍ଧ ଓ ଡ. ବାବା ସାହେବ ଫଟୋ ଚିତ୍ର ରେ ପୁଷ୍ପ ମାଲ୍ୟାର୍ପଣ, ଦୀପ ପ୍ରଜ୍ବଳନ କରିବା ସହ  ତ୍ରୀରତ୍ନ ଓ ପଞ୍ଚଶିଲ ଗାନ କରାଯାଇଥିଲା। ଅନୁଷ୍ଠାନ ର ସମ୍ପାଦକ ସୁଶାନ୍ତ ବାଗ ସମସ୍ତ ଙ୍କୁ ସ୍ଵାଗତ ଅଭିନନ୍ଦନ ଜଣାଇବା ସହ ପୂର୍ବ ବୈଠକ ର ବିବରଣୀ ପଠନ କରିଥିଲେ। ନୂଆପଡାର ମୂଲ ସଂସ୍ଥାପକ ହୃଷୀକେଶ ଦୀପ ଅନୁଷ୍ଠାନ ର ଲକ୍ଷ୍ୟ, ଉଦ୍ଦେଶ୍ୟ ଓ ଆଭିମୁଖ୍ୟ ପୁଙ୍କାନୁ ପୁଙ୍ଖ ଭାବରେ ନିଜ ବକ୍ତବ୍ୟରେ ପ୍ରଦାନ କରିଥିଲେ। ମଞ୍ଚାସିନ ସମସ୍ତ ଅତିଥିଙ୍କ ଅଭିଭାଷଣ ର ମୁଖ୍ୟ ଉଦ୍ଦେଶ୍ୟ ଥିଲା। ଦଳିତ ଉନ୍ନୟନ ମିଶନ ମାଧ୍ୟମରେ ସମାଜରେ ଶିକ୍ଷାର ପ୍ରଚାର ପ୍ରସାର ଓ ସମାଜର ପ୍ରତିଟି ଶିକ୍ଷାର୍ଥୀ ଶିକ୍ଷାରୁ କିପରି ବଞ୍ଚିତ ନହେବେ। ଚଳିତ ବର୍ଷ ପରୀକ୍ଷା ରେ ୮୦% ପ୍ରତିଶତରୁ ଅଧିକ ନମ୍ବର ରଖି ପାସ କରିଥିବା ବିଦ୍ୟାର୍ଥୀ ଙ୍କୁ ସମ୍ବର୍ଦ୍ଧିତ କରିଥିଲେ। ଏହା ଆରମ୍ଭ ମାତ୍ର। ପୁସ୍ତମ୍ ସୁନାନୀ, ଘନଶ୍ୟାମ ଭିତ୍ରିଆ, ପୂର୍ଣ୍ଣ ଚନ୍ଦ୍ର ନେତମ୍,ତ୍ରିନାଥ ତାଣ୍ଡି, ହରିକେଶ ଜାଲ,ସର୍ଗି ବାଗ,ଲାଇବାନ ବାଗ ମଞ୍ଚାସିନ ହୋଇଥିଲେ।