23-Jan-2021

ବଲାଙ୍ଗିର,(ପ୍ରେରଣା ଖବର): ଆଜି ନେତାଜୀ ସୁଭାଷ ଚନ୍ଦ୍ର ବୋଷଙ୍କ 125 ତମ ଜନ୍ମଜୟନ୍ତୀ ଅବସରରେ ନେତାଜୀ ସଂଗ୍ରାମୀ  ପରିଷଦ ପକ୍ଷରୁ ଟିଟିଲାଗଡ଼ ରୋଡ ସ୍ଥିତ ନେତାଜୀ ଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହିତ ନେତାଜୀଙ୍କ ଆଦର୍ଶରେ ଅନୁପ୍ରାଣିତ ହେବାକୁ ଶପଥ ନିଆଯାଇଛି l ପରିଷଦ ର 30 ତମ ପ୍ରତିଷ୍ଠା ଦିବସ ଓ ସୁଭାଷ ପରବ ଉପଲକ୍ଷେ ବିଭିନ୍ନ୍ନେ  କାର୍ଯ୍ୟକ୍ରମ ହାତକୁ ନିଆଯାଇଛି l ନେତାଜୀ ସଂଗ୍ରାମୀ ପରିଷଦର ସଭାପତି ଲକ୍ଷ୍ମୀନାରାୟଣ ପଟ୍ଟନାୟଙ୍କ ଆହ୍ୱାନ କ୍ରମେ ଆଜି ସାଢ଼େ ସାତ ଟା ସମୟରେ ପରିଷଦର କର୍ମକର୍ତ୍ତା, ବୁଦ୍ଧିଜୀବୀ ଓ ବହୁ ନେତାଜୀ ପ୍ରେମୀ ଜିଲ୍ଲାପାଳଙ୍କ ଆବସିକ କାର୍ଯ୍ୟାଳୟ ନିକଟସ୍ଥ ଏହି ପ୍ରତିମୂର୍ତ୍ତି ଆଗରେ ଏକତ୍ରିତ ହୋଇ ନେତାଜୀଙ୍କୁ ଶ୍ରଦ୍ଧା ସୁମନ ଅର୍ପଣ କରିଥିଲେ l ଅନ୍ୟ ମାନଙ୍କ ମଧ୍ୟରେ ସଂଗ୍ରାମୀ ପରିଷଦର ଆବାହକ ବୀରେନ୍ଦ୍ର ବନଛୋର, ରାଜେନ୍ଦ୍ର ଶର୍ମl, ରଘୁ ନନ୍ଦନ ସିଂହ, ଉଦିତ ପଣ୍ଡା, ଜଗନ୍ନାଥ ମହାନl, ମୋହନ ରଞ୍ଜନ ପାଣ୍ଡିଆ ପ୍ରମୁଖ ପୁଷ୍ପମାଲ୍ୟ ପ୍ରଦାନ ପୂର୍ବକ ଶ୍ରଦ୍ଧାଞ୍ଜଳି ପ୍ରଦାନ କରିଥିଲେ l
  ସୂଚନାଯୋଗ୍ଯ ଯେ, ଦୀର୍ଘ ବର୍ଷ ହେଲା ନେତାଜୀ ସଂଗ୍ରାମୀ ପରିଷଦ ପକ୍ଷରୁ ବଲାଙ୍ଗୀରରେ ନେତାଜୀଙ୍କ ଏକ ପ୍ରତିମୂର୍ତ୍ତି ସ୍ଥାପନ ପାଇଁ ଦାବି କରି ଆସୁଥିଲା l ତେବେ ଶେଷରେ ପରିଷଦର ଅନୁରୋଧକୁ ରକ୍ଷା କରି ଜିଲ୍ଲା ପ୍ରଶାସନ ପ୍ରତିମୂର୍ତ୍ତି ସ୍ଥାପନ ପାଇଁ ତତ୍ପରତା ପ୍ରକାଶ କରିଛନ୍ତି l  ଏହାର ସୌନ୍ଦର୍ଯ୍ୟକରଣ ଦିଗରେ ବଲାଙ୍ଗିର ପୌରପାଳିକା ନିର୍ବାହୀ ଅଧିକାରୀ ମଧ୍ୟ ବିଶେଷ ଆନ୍ତରିକତା ପ୍ରଦର୍ଶନ କରିଥିବାରୁ  ନେତାଜୀ ସଂଗ୍ରାମୀ ପରିଷଦ ପକ୍ଷରୁ ଜିଲ୍ଳା ପ୍ରଶାସନକୁ କୃତଜ୍ଞତା ଜ୍ଞାପନ କରାଯାଇଛି l