22-Jan-2021

ଲୋଇସିଂହା, (ବିନୋଦ କୁମାର ଦୀପ): ଲୋଇସିଂହା ନିର୍ବାଚନ ମଣ୍ଡଳୀ ଚାଷୀଙ୍କ  ତରଫରୁ ଲୋଇସିଂହା ଥାନା ଆଗରେ ଥାନାଧିକାରୀଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର l  ବିଜେପି ପକ୍ଷରୁ ଚାଷୀଙ୍କ ସମସ୍ୟାର ସମାଧାନ ଲାଗି ସମ୍ବଲପୁର ଆରଡିସି ଅଫିସ ଘେରାଓ  କରାଯାଇଥିଲା l ଏହି ସମୟରେ ବିଜେପିର ଅନେକ କର୍ମୀଙ୍କୁ ସମ୍ବଲପୁର ପୋଲିସ ଥାନାରେ ଅଟକ ରଖିଛି, ଏଣୁ ଲୋଇସିଂହା ନିର୍ବାଚନ ମଣ୍ଡଳୀ ଚାଷୀଙ୍କ ଦାବୀ ଏହା ଯେ ସମ୍ବଲପୁର ଥାନାରେ ଅଟକ ଥିବା ସମସ୍ତ ବିଜେପିକର୍ମୀଙ୍କୁ ଛାଡ଼ିଦେବା ସହ ଚାଷୀଙ୍କ ଯେଉଁସବୁ  ସମସ୍ୟା ରହିଛି ତାହାର ସମାଧାନ ଲାଗି ମାନ୍ୟବର ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ହସ୍ତକ୍ଷେପ l ସମସ୍ୟା ଗୁଡିକ ହେଲା ମଣ୍ଡିରୁ ଚାଷୀଙ୍କ ଧାନ ଶୀଘ୍ର ଉଠାଯାଉ ଓ ଯେଉଁ ଟୋକନ ର ଅବଧି ସରିଛି ତାକୁ ଶୀଘ୍ର କାର୍ଯ୍ୟକ୍ଷମ କରାଯାଉ l ମିଲର୍ସ ମାନଙ୍କୁ ନିର୍ଦେଶ ଦିଆଯାଉ କି ଧାନସବୁ ମଣ୍ଡିରୁ ଉଠାଯାଉ ଓ ଧାନ ବିକ୍ରୟ ସମୟରେ ଚାଷୀଙ୍କୁ ହଇରାଣ ନକରି ତାକୁ ଗ୍ରହଣ କରାଯାଉ l ବିଭିନ୍ନ ମଣ୍ଡିରେ କଟନୀ ଛଟନୀ ବିଶେଷ ମାତ୍ରାରେ ହେଉଛି ଏହା ବନ୍ଦ କରାଯାଉ l ଏସବୁକୁ ନେଇ ଚାଷୀବୃନ୍ଦ ଲୋଇସିଂହା ଥାନାରେ ଧାରଣା ଦେଇଛନ୍ତି l