07-Jun-2025

ବିନିକା(ହିମାଂଶୁ ଶେଖର ପୁଟେଲ) ରେଜାଙ୍ଗାଲା ଯୁଦ୍ଧର ବିର ଗାଥା ଓ ମିଶନ ଅହୀର ରେଜିମେଣ୍ଟ ଦାବିରେ ଦେଶବ୍ୟାପୀ କଳସ ଯାତ୍ରା ଅନୁଷ୍ଠିତ ହେଉଛି |ସୂଚନା ଅନୁସାରେ ୧୯୬୨ମସିହାରେ ଭାରତ ଚୀନ ଯୁଦ୍ଧରେ ୧୧୪ ଅହୀର ଯବାନ ସହିଦ ହୋଇଥିଲେ |ତାଙ୍କର ବୀରତ୍ୱକୁ ସମ୍ମାନ ଜଣାଇ ଓ ତାଙ୍କ ସ୍ମୃତିରେ ସାରା ଦେଶରେ କଳସ ଯାତ୍ରା ଅନୁଷ୍ଠିତ ହେଉଥିବା ବେଳେ ଉକ୍ତ କଳସ ରଥ ଆଜି ସୁବର୍ଣ୍ଣପୁର ଜିଲ୍ଲା ବିନିକାକୁ ପହଞ୍ଚିଥିଲା | ବିନିକା ଶେଷ ସୀମା ଅଙ୍ଗନଦୀ ନିକଟକୁ ଏହି ରଥ ପହଞ୍ଚିବା ପରେ ବିନିକା ବ୍ଲକ ଯାଦବ ସମାଜ ପକ୍ଷରୁ ଭବ୍ୟ ସ୍ୱାଗତ କରାଯାଇଥିଲା | ପରେ ଏକ ଵିଶାଲ ବାଇକ ରେଲିରେ ରଥ ବିନିକା ଆସିଥିଲା  ସହରର ପାଳିପଡ଼ା ଠାରେ ଥିବା ମା ସମଲେଶ୍ୱରୀଙ୍କ ମନ୍ଦିରକୁ ପହଂଚି ପ୍ରଥମେ ଦର୍ଶନ କରିଥିବା ବେଳେ ସହର ପରିକ୍ରମା କରି ମା ଦୁର୍ଗା ମନ୍ଦିରକୁ ରଥ ପହଞ୍ଚିଥିଲା | ସେଠାରେ ମା ଙ୍କ ଆଳତି କରି ଦୁର୍ଗା ମଣ୍ଡପର ବୈଠକ ଗୃହରେ ବିନିକା ବ୍ଲକ ଯାଦବ ସମାଜ ପକ୍ଷରୁ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା |ବିନିକା ବ୍ଲକ ଯାଦବ ସମାଜ ସଭାପତି ଶୀତଳ ପ୍ରସାଦ ମହାକୁରଙ୍କ ଅଧ୍ୟକ୍ଷତରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବେ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଘ ଯୋଗଦେଇ ସହିଦ ଯବାନ ଆମ୍ଭ ମାନଙ୍କ ପ୍ରେରଣା ବୋଲି ବକ୍ତବ୍ୟ ରଖିଥିଲେ |ସମ୍ମାନିତ ଅତିଥି ଭାବେ ଉତ୍କଳ ଯାଦବ ମହାସଭା ରାଜ୍ୟ ଉପସଭାପତି ଲମ୍ବୋଦର ନିଆଲ,କଳାହାଣ୍ଡି ଜିଲ୍ଲା ସମ୍ପାଦକ ତ୍ରିଲୋଚନ ନାଗ,ସୁବର୍ଣ୍ଣପୁର ଜିଲ୍ଲା ସଭାପତି ତପନ ଜୁଆଡ଼ି,ଜିଲ୍ଲା ଯୁବ ଯାଦବ ସଭାପତି ସୁରେଶ ଷାଣ୍ଢ, ଅଖିଳ ଭାରତୀୟ ଯାଦବ ସମାଜ ପ୍ରତିନିଧି ଅର୍ଜୁନ ଯାଦବ ପ୍ରମୁଖ ଯୋଗ ଦେଇଥିଲେ | ସଭାକୁ ବିନିକା ବ୍ଳକ ସମ୍ପାଦକ ବୃନ୍ଦାବନ ଦୀପ ପରିଚାଳନା କରିଥିବା ବେଳେ ଶେଷରେ ରାଜ୍ୟ କାର୍ଯ୍ୟ କାରିଣୀ ସଦସ୍ୟ ମୁକେଶ ବଗର୍ତ୍ତୀ ଧନ୍ୟବାଦ ଅର୍ପଣ କରିଥିଲେ | ଏଥିରେ ବିନିକା ନଗରର ଦେବରାଜ ଗରିଆ,ରମେଶ ସାଲମା,ପ୍ରଶାନ୍ତ ବଗର୍ତ୍ତୀ, ଗୁପ୍ତେଶ୍ୱର ପୋଢ଼,ମହାଦେବପାଲି ପଞ୍ଚାୟତ ସଭାପତି କଲମଧର ଷାଣ୍ଢ,ସେଲେଡି ସଭାପତି ଶ୍ରୀବଲ ବଗର୍ତ୍ତୀ,ସିନ୍ଦୁରପୁର ସମ୍ପାଦକ ପୁରେନ୍ଦର ମାଝୀ,ମେଘଲା ସଭାପତି ପଦ୍ମନାଭ ପୋଢ଼, କୁହିବାହାଲ ସଭାପତି ଗୌରାଙ୍ଗ ଜାଲ ପ୍ରମୁଖଙ୍କ ସମେତ ଶତାଧିକ ଯାଦବ ସମାଜର କର୍ମକର୍ତ୍ତା ସହଯୋଗ କରିଥିଲେ |