02-Jun-2025

ଲୋଇସିଂହା, (ବିନୋଦ ଦୀପ) ଲୋଇସିଂହା ବ୍ଲକ ବାଦୀମୁଣ୍ଡା ଠାରେ ଲକ୍ଷେଘର ଗଣ୍ଡା ସମାଜ ପକ୍ଷରୁ   ଲୋଇସିଂହା ବ୍ଲକ ସ୍ତରୀୟ ବୈଠକ ଅନୁଷ୍ଠିତ ହୋଇଥିଲା। ଉପେନ୍ଦ୍ର ଛତ୍ରିଆ ଙ୍କ ସଭାପତିତ୍ୱ ରେ ଅନୁଷ୍ଠିତ ଉକ୍ତ ବୈଠକ ରେ ମୁଖ୍ୟ ଅତିଥି ଭାବେ ବଲାଙ୍ଗୀର ଜିଲ୍ଲା ସଭାପତି ଶ୍ରୀଯୁକ୍ତ ସତ୍ୟାନନ୍ଦ ସୁନା ଯୋଗଦେଇ ସମାଜ ର ସାମାଜିକ, ଅର୍ଥନୈତିକ, ରାଜନୈତିକ, ସାଂସ୍କୃତିକ ପରିବର୍ତ୍ତନ ଉପରେ ଗୁରୁତ୍ୱାରୋପ କରିଥିଲେ। ବୁଦ୍ଧ, ବାବାସାହେବ ଆମ୍ବେଦକର ଙ୍କ ବିଚାର, ସିଦ୍ଧlନ୍ତ, ନୀତି ଓ ଆଦର୍ଶ ଉପରେ କାର୍ଯ୍ୟ କରିବା,ସମାଜ ରେ ଥିବା ଅସମାନତା, ଭେଦଭାବ, ଛୁଆଅଛୁଆଁ ଉପରେ କାର୍ଯ୍ୟ କରିବା,ସମାଜ ର ଛାତ୍ରଛାତ୍ରୀ ଙ୍କୁ ଉଚ୍ଚଶିକ୍ଷା ପାଇଁ ପ୍ରୋତ୍ସାହିତ କରିବା ପାଇଁ ପ୍ରସ୍ତାବ ଆଗତ କରାଯାଇ ସର୍ବସମ୍ମତିକ୍ରମେ ନିଷ୍ପତ୍ତି ନିଆଯାଇଥିଲା।

ଏହି ଅବସରରେ ନୂତନ ଭାବେ ନିର୍ବାଚିତ ହୋଇଥିବା ଶ୍ରୀଯୁକ୍ତ ଅନନ୍ତ କଲେତ ଙ୍କୁ ଲୋଇସିଂହା ବ୍ଲକ ଲକ୍ଷେଘର ଗଣ୍ଡା ସମାଜ ର ସଭାପତି ଭାବେ ଦାୟିତ୍ୱ ପ୍ରଦାନ କରିଥିଲେ ଜିଲ୍ଲା ସଭାପତି ସତ୍ୟାନନ୍ଦ ସୁନା l ତା ସହିତ ଉପସଭାପତି ଭାବେ ଲମ୍ବୋଧର ତାଣ୍ଡି, ସମ୍ପାଦକ -ବିର କୁମ୍ଭାର, ସହସମ୍ପାଦକ- ସଚିତା ଜାଲ, କୋଷାଧକ୍ଷ ଭାବେ ଲଳିତ ବାଗ,୩୩ ନମ୍ବର ଜୋନ ସଭାପତି ଭାବେ ଶଙ୍କର ନନ୍ଦ ଏବଂ ୩୪ ନମ୍ବର ଜୋନ ସଭାପତି ଭାବେ ସୁନୀଲ ଦୀପ ଙ୍କୁ ଦାୟିତ୍ୱ ପ୍ରଦାନ କରାଯାଇଥିଲା।ଉକ୍ତ ବୈଠକ ରେ ଲୋଇସିଂହା ବ୍ଲକ ବିଭିନ୍ନ ପଂଚାୟତ ର ସଭ୍ୟ ଉପସ୍ଥିତ ରହି ନିଜ ନିଜର ମତାମତ ଦେଇଥିଲେ l ଶେଷରେ ବରିଷ୍ଠ ଓକିଲ ଅଶୋକ ବାରିକ ଧନ୍ୟବାଦ ଓ ସାଧୁବାଦ ଦେଇ ସଭା ସାଂଗ କରିଥିଲେ l