30-May-2025

ବିନିକା(ହିମାଂଶୁ ଶେଖର ପୁଟେଲ)ଦୁଇଦିନ ହେଲା ସମ୍ପ୍ରତି ବିନିକା ଅଞ୍ଚଳରେ ଘଡଘଡି ସହ କାଳବୈଶାଖୀ ବର୍ଷା ଲାଗି ରହିଛି  ।ଫଳରେ ଚାଷୀ ବିଶେଷ କ୍ଷତିଗ୍ରସ୍ତ ହୋଇଥିବା ବେଳେ ବିଭିନ୍ନ ସ୍ଥାନରେ ନାହିଁ ନଥିବା ସମସ୍ୟା ଦେଖାଦେଇଛି ।ଘଡଘଡି ଯୋଗୁଁ ଲୋକେ ନିରାପଦରେ କୌଣସି ସ୍ଥାନକୁ ଯାଇ ପାରୁନାହାନ୍ତି ।ଗତକାଲି ଜଣେ ଯୁବ ଚାଷୀ ତାଙ୍କ ପାଳିତ ଗୋରୁଙ୍କୁ ଖାଇବାକୁ ଦେଉଥିବା ବେଳେ ବଜ୍ରପାତରେ ସେଠାରେ ତଳି ପଡ଼ିଥିଲେ ।ତାଙ୍କୁ ତୁରନ୍ତ ଡୁଙ୍ଗୁରିପାଲି ଡାକ୍ତରଖାନା ରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା ହେଲେ ତାଙ୍କର ଜୀବନ ଚାଲି ଯାଇଥିଲା ।ସେହିପରି ବିନିକା ବ୍ଲକ ସିଂହିଯୁବା ପଞ୍ଚାୟତ କମିରା ଗ୍ରାମର ଜଣେ ବୃଦ୍ଧଙ୍କ ମୃତ୍ୟୁ ଘଟିଛି ।ବଜ୍ରପାତରେ ବୃକ୍ଷ ଲତା ଜଳି ପୋଡି ନଷ୍ଟ ହେଉଥିବା ବେଳେ ପଶୁ ପକ୍ଷୀ ମୃତ୍ୟୁ ମୁଖରେ ପଡୁଛନ୍ତି  ।ଭଗବାନ ବାସ କରୁଥିବା ମନ୍ଦିର ଉପରେ ମଧ୍ୟ ବଜ୍ରବାଣର ଭୟଙ୍କର ଶବ୍ଦରେ ମନ୍ଦିରରେ ଫାଟ ସୃଷ୍ଟି କରୁଛି ।ଯାହାକି ଆଜି ଅପରାହ୍ନରେ ବିନିକା ବ୍ଲକ ଅନ୍ତର୍ଗତ ଖଇରମାଲ ସ୍ଥିତ ରାଧା କୃଷ୍ଣ ମନ୍ଦିରରେ ବଜ୍ରପାତ ଘଟିବାରୁ ମନ୍ଦିର ଚୁଲ ରେ ଫାଟ ଦେଖାଦେଇଛି ।