23-May-2025

କଣ୍ଟାମାଳ(ଜୟ କୁମାର ମହାରଣା): ରାଜ୍ୟ ଖାଦ୍ୟ ଯୋଗାଣ ଓ ଖାଉଟୀ କଲ୍ୟାଣ ବିଭାଗର ଅତିରିକ୍ତ ସଚିବ ନେତ୍ରମଣି ପଣ୍ଡା ଗୁରୁବାର ସନ୍ଧ୍ୟା ୬ଘଣ୍ଟା ସମୟରେ କଣ୍ଟାମାଳ ନିର୍ବାଚନ ମଣ୍ଡଳୀର ବିଭିନ୍ନ ପ୍ରସ୍ତାବିତ ରବି ଧାନ କ୍ରୟ ମଣ୍ଡି ପରିଦର୍ଶନ

କରିଛନ୍ତି | ମଣ୍ଡି ମାନଙ୍କର ରହିଥିବା ଭିତ୍ତିଭୂମି, ଚାଷୀ ମାନଙ୍କ ପାଇଁ ଉପଲବ୍ଧ ଥିବା ଆନୁସଙ୍ଗିକ ସୁବିଧା ସୁଯୋଗର ଅନୁଧ୍ୟାନ କରିଥିଲେ | ମିଳିଥିବା ସୂଚନା ଅନୁଯାୟୀ ଶ୍ରୀ ପଣ୍ଡା ବାଉଁଶୁଣୀ, ମନୁପାଲି, ରକସା, ମନମୁଣ୍ଡା ପାକ୍ସର ମଣ୍ଡି ଗୁଡିକ ବୁଲି ଦେଖିଥିଲେ l  ପରିଦର୍ଶନ ସମୟରେ ସମବାୟ ସମିତି ସମୁହର ଉପ ନିବନ୍ଧକ ହାଡ଼ିବନ୍ଧୁ ମହାକୁଡ, ଜିଲ୍ଲା ଯୋଗାଣ ଅଧିକାରୀ ଶ୍ରୀନାଥ ହାଁସଦା, ଅତିରିକ୍ତ ଜିଲ୍ଲା ଯୋଗାଣ ଅଧିକାରୀ ଜାନକୀ ଭୁଷଣ ହାବଡା ସିଂ, ଏସିଏସଓ ପ୍ରିୟ ରଂଜନ ନାଏକ, ନିୟନ୍ତ୍ରିତ ବଜାର କମିଟି ସମ୍ପାଦକ ଭାସ୍କର ଚନ୍ଦ୍ର ପାଣିଗ୍ରାହୀଙ୍କ ସମେତ ସମ୍ପୃକ୍ତ ପାକ୍ସ ସମ୍ପାଦକ ମାନେ ଉପସ୍ଥିତ ଥିଲେ l