22-May-2025

କଳାହାଣ୍ଡି,କୋକସରା( ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା କୋକସରା ବ୍ଲକ କାଉଡୋଳା ପଞ୍ଚାୟତ କୁସୁମଖୁଣ୍ଟି ଗ୍ରାମରେ କମାଲ କା କ୍ୟାମ୍ପ ଉଦଘାଟନ କରାଯାଇଥିଲା।ଏହି ଉଦଘାଟନୀ କାର୍ଯ୍ୟକ୍ରମ ରେ ଆତ୍ମଶକ୍ତି ଟ୍ରଷ୍ଟ MSMO ଷ୍ଟେଟ୍ ମ୍ୟାନେଜର୍ ପ୍ରସନ୍ନ ପ୍ରଧାନ, ନାଗରିକ ବିକାଶ ସଂଗଠନ କଳାହାଣ୍ଡି ଜିଲ୍ଲା ସଂଯୋଜକ ଅନିଲ କୁମାର ଦାସ, ସ୍ଵେଚ୍ଛାସେବୀ ରଞ୍ଜିତ ଧ.ମାଝୀ, ଧନମତି ନାଏକ  ସମେତ କୁସୁମଖୁଣ୍ଟି ଗାଁରେ ଥିବା ମହିଳା, ଅଭିଭାବକ ଏବଂ ଛାତ୍ରଛାତ୍ରୀମାନେ ଉପସ୍ଥିତ ରହିଥିଲେ। ଏହି କାର୍ଯ୍ୟକ୍ରମ ଟି ଗାଁ ଗୁଡିକରେ ଥିବା ପିଲାମାନଙ୍କ ର ଶିକ୍ଷାର ଗୁଣାତ୍ମକ ମାନବୃଦ୍ଧି ନିମନ୍ତେ ପ୍ରଥମ ସଂସ୍ଥା ସହ ମିଳିତ ଭାବରେ ନାଗରିକ ବିକାଶ ସଂଗଠନ ଦ୍ୱାରା ଏହି ପଦକ୍ଷେପ ନିଆଯାଇଛି। ବର୍ତ୍ତମାନ ଯେହେତୁ ବିଦ୍ୟାଳୟଗୁଡିକ ରେ ଗ୍ରୀଷ୍ମ ଅବକାଶ ଚାଲିଛି ତେଣୁ ସଂଗଠନ ପ୍ରଥମ ସଂସ୍ଥା ସହିତ ମିଶି ୪ର୍ଥ, ୫ମ, ଏବଂ ୬ଷ୍ଠ ଶ୍ରେଣିର ପିଲାମାନଙ୍କୁ ନେଇ କମାଲ କା କ୍ୟାମ୍ପ କରାଯାଉଛି ଏଥିରେ ଶିକ୍ଷାଦାନ ଦେବା ନିମନ୍ତେ ସ୍ଵେଚ୍ଛାସେବୀ ଶିକ୍ଷକ ମାନଙ୍କୁ ଗ୍ରାମବାସୀମାନଙ୍କ ଜରିଆରେ ଚୟନ କରାଯିବ।

ଏହି କାର୍ଯ୍ୟକ୍ରମ ୬ ସପ୍ତାହ ଧରି ଚାଲୁ ରହିବ। ଏଥିରେ ପିଲାମାନଙ୍କୁ କାହାଣୀ, ଖେଳ,ନାଚ, ଗୀତ ମାଧ୍ୟମରେ ପିଲାମାନଙ୍କୁ ଓଡ଼ିଆ ଏବଂ ଗଣିତ ପାଠ ପଢ଼ାଯିବ। ଏହି କାର୍ଯ୍ୟକ୍ରମ ଟି କୋକସରା ବ୍ଲକର ପ୍ରତି ଗାଁରେ କରାଯିବା ନିମନ୍ତେ ନାଗରିକ ବିକାଶ ସଂଗଠନ ସଂକଳ୍ପବଦ୍ଧ । MSMO ଷ୍ଟେଟ୍ ମ୍ୟାନେଜର୍ ପ୍ରସନ୍ନ ପ୍ରଧାନ ଓଡ଼ିଶାରେ କମାଲ କା କ୍ୟାମ୍ପ  କିପରି ଭାବରେ ଚାଲୁଛି ଏବଂ ଜିଲ୍ଲା ସଂଯୋଜକ ଅନିଲ କୁମାର ଦାସ କଳାହାଣ୍ଡି ଜିଲ୍ଲାର 12 ଗୋଟି ବ୍ଲକରେ ଏହି କାର୍ଯ୍ୟକ୍ରମ ଚାଲିବା ବିଷୟରେ ଉପସ୍ଥାପନ କରିଥିଲେ। ଉକ୍ତ କାର୍ଯ୍ୟକ୍ରମକୁ କୋକସରା ବ୍ଲକ ସଂଯୋଜକ ଉପେନ୍ଦ୍ର ସୁନାନୀ, ଜନ ସାଥୀ ତ୍ରିନାଥ ବେଶ୍ରା, ମୁକ୍ତା ଠାକୁର ପରିଚାଳନା କରିଥିଲେ।