21-May-2025

ସୋନପୁର,( ମନୋରଞ୍ଜନ ତ୍ରିପାଠୀ )
ଭାରତୀୟ ଜନତା ପାର୍ଟି କୃଷକ ମୋର୍ଚ୍ଚାର ରାଜ୍ୟ ସଭାପତି ମହେଶ୍ୱର ସାହୁ ବୁଧବାର ସୁବର୍ଣ୍ଣପୁର ଜିଲା ଗସ୍ତରେ ଆସିଥିଲେ l ସେ ଜିଲାର ତରଭା ବ୍ଲକ୍ ଅନ୍ତର୍ଗତ ଶିବତୁଲା ଓ ଚାରଭଟା ଧାନମଣ୍ଡିକୁ ପରିଦର୍ଶନ କରିବା ସହ ଚାଷୀମାନଙ୍କ ସହିତ ଆଲୋଚନା କରିଛନ୍ତି। ମଣ୍ଡିରେ ଚାଷୀମାନଙ୍କ ବିଶ୍ରାମ ପାଇଁ ସୁ ବ୍ୟବସ୍ଥା, ଥଣ୍ଡା ପିଇବା ପାଣି, ଓଆରଏସ ଓ ଶୌଚାଳୟ ବ୍ୟବସ୍ଥାର ତଦାରଖ କରିଥିଲେ। ପେଡ଼ି କ୍ଲିନର ମେସିନ ଠିକଠାକ ଚାଲିଛି କି ନାହିଁ ପଚାରି ବୁଝିଥିଲେ। ଧାନ ସଂଗ୍ରହକୁ ସ୍ଵଚ୍ଛ ଓ ଶୃଙ୍ଖଳିତ କରିବା ପାଇଁ ସାହୁ ଗୁରୁତ୍ଵାରୋପ କରିଥିଲେ l ଏ ସମ୍ପର୍କରେ ସେ ଚାଷୀମାନଙ୍କ ସହିତ ଆଲୋଚନା କରିଥିଲେ। ଉପସ୍ଥିତ ଚାଷୀ ମାନେ ଧାନକିଣା ଠିକ୍ ଠାକ୍ ଚାଲିଥିବା ପ୍ରକାଶ କରିବା ସହ ଧାନ କୁଇନ୍ଟlଲ ୩୧୦୦ ଟଙ୍କା ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କୁ ଧନ୍ୟବାଦ ଜଣାଇଥିଲେ। ଏହି ଅବସରରେ ଭଜପା କୃଷକ ମୋର୍ଚ୍ଚା ରାଜ୍ୟ ଉପସଭାପତି ପୁଲିନ୍ ପ୍ରକାଶ ପୁହାଣ, ରାଜ୍ୟ ସମ୍ପାଦକ ବିକ୍ରମ କେଶରୀ ରାଉତରାୟ, ରାଜ୍ୟ ସଂଯୋଜକ ଗୋବିନ୍ଦ ଚନ୍ଦ୍ର ପ୍ରଧାନ ଓ ରାଜ କିଶୋର ମେଣ୍ଡେଲି, ତପନ କୁମାର ଅଗ୍ରୱାଲ, ଅଶ୍ୱନୀ କୁମାର ମହାକୁଡ, ଭବାନୀ ଶଙ୍କର ପଣ୍ଡା, ଶଶୀଭୁଷଣ ରଣା, ଶ୍ରୀକାନ୍ତ ଝାଙ୍କର, ସନାତନ କର୍ମୀ, ଚୈତନ୍ୟ ସାହୁ, କ୍ଷମା ନିଧି ରଣା ଓ ବେଣୁଧର ବାଗ ପ୍ରମୁଖଙ୍କ ସମେତ ପାକ୍ସ ସମ୍ପାଦକ, ବହୁ ବରିଷ୍ଠ ନେତୃବୃନ୍ଦଙ୍କ ସମେତ ଚାଷୀ ଉପସ୍ଥିତ ଥିଲେ  I