15-May-2025

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ବିନିକାର ପର୍ଯ୍ୟଟନ ସ୍ଥଳୀ ପାପକ୍ଷୟ ରାସ୍ତାର ତାରାପୁର ଗଡ ଠାରେ ଥିବା ବିନିକା ଆଦର୍ଶ ବିଦ୍ୟାଳୟରେ ଅଧ୍ୟୟନ କରୁଥିବା ପ୍ରଥମ ବ୍ୟାଚ୍ ମେଟ୍ରିକ ଛାତ୍ରଛାତ୍ରୀ ମାନେ ଚଳିତ ବର୍ଷ ସିବିଏସି ପରୀକ୍ଷାରେ ଶତ ପ୍ରତିଶତ ପାସ କରି ବିଦ୍ୟାଳୟ ପାଇଁ ଗୌରବ ଆଣିଛନ୍ତି।ବିଦ୍ୟାଳୟରେ ମୋଟ ୭୨ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ ।ସେଥିରୁ ଜଣେ ମାତ୍ର ଛାତ୍ର କମପାଟମେଣ୍ଟ ପାଇଥିବା ବେଳେ ୭୧ଜଣ ଛାତ୍ରଛାତ୍ରୀ ସଫଳତାର ସହିତ କୃତକାର୍ଯ୍ୟ ହୋଇଛନ୍ତି।ମିଳିଥିବା ସୂଚନା ଅନୁସାରେ ସିଲଭି ହୋତା ୯୫.୮%,ସ୍ନେହା ସାହୁ ୯୪.୬%,ସ୍ଵତେଶ୍ନୀ ବିଶି ୯୩.୮%, ସମ୍ପୂର୍ଣା ସାହୁ ୯୩.୬%,ମଧୁସ୍ମିତା ମହାନ୍ତି ୯୩%,ସ୍ଵସ୍ତିକ କର୍ଣ୍ଣ ୯୨.୮%,ଅନୂପସି ଜାଲ ୯୧.୪%,ବିବେକ ବଞ୍ଛୋର ୯୦.୮%,ସୌରଭ ରଞ୍ଜନ ବାଘ ୯୦.୬% ପ୍ରମୁଖ ଛାତ୍ରଛାତ୍ରୀ ଏ-୧ଗ୍ରେଡ ରେ କୃତକାର୍ଯ୍ୟ ହୋଇଛନ୍ତି।ସେହିପରି ଏ-୨ଗ୍ରେଡରେ ୧୮ଜଣ,ବି-୧ଗ୍ରେଡରେ ୧୮ଜଣ,ବି-୨ଗ୍ରେଡରେ ୧୨ଜଣ,ସି-୧ଗ୍ରେଡରେ ୧୪ଜଣ ଛାତ୍ରଛାତ୍ରୀ କୃତ୍ତିତ୍ତ ହାସଲ କରିଛନ୍ତି । ମେଟ୍ରିକ ପ୍ରଥମ ବର୍ଷ ଛାତ୍ରଛାତ୍ରୀ ମାନେ ବିଦ୍ୟାଳୟ ପାଇଁ ଗୌରବ ଆଣିଥିବାରୁ ଅଧ୍ୟକ୍ଷ ବିମଳ ବିଶ୍ଵାଳ ସମସ୍ତ କୃତିତ୍ତ ଛାତ୍ରଛାତ୍ରୀଙ୍କୁ ଶୁଭେଚ୍ଛା ଜଣାଇବା ସହିତ ବିଦ୍ୟାଳୟର ସମସ୍ତ ଶିକ୍ଷକ/ଶିକ୍ଷୟତ୍ରୀଙ୍କ ମାର୍ଗଦର୍ଶନ ଏବଂ ସର୍ବୋପରି ବିଦ୍ୟାଳୟ ପରିଚାଳନା କମିଟି ସଦସ୍ୟ ଓ ଅଭିଭାବକ/ଅଭିଭାବିକାଙ୍କ ସମନ୍ମୟ ଯୋଗୁଁ ଏହା ସମ୍ଭବ ହୋଇପାରିଛି ବୋଲି ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି।