13-May-2025

 ନୂଆପଡା ଜିଲ୍ଲା ବୋଡେନ ବ୍ଲକ ଅନ୍ତର୍ଗତ ତୀର୍ଥକ୍ଷେତ୍ର ପାତାଳଗଙ୍ଗା ରେ ବୈଶାଖ ମେଳା ମହାସମାରୋହରେ ପାଳିତ ହୋଇଯାଇଛି l ପଡୋଶୀ  ଛତିଶଗଡ଼, ନବରଙ୍ଗପୁର, କଳାହାଣ୍ଡି, ବଲାଙ୍ଗୀର, ବରଗଡ଼, ନୂଆପଡା ଜିଲ୍ଲା ର ହଜାର ହଜାର ଭକ୍ତ ଙ୍କ ସମାଗମ ଲାଗିରହିଥିଲା l ଏହି ଉପଲକ୍ଷେ ରାଧାକୃଷ୍ଣ ମନ୍ଦିର ରେ ଅଷ୍ଟପ୍ରହର ନାମ ଯଜ୍ଞ ଅନୁଷ୍ଠିତ ହୋଇ ଯାଇଛି ଏବଂ ସ୍ବେଚ୍ଛା ସେବି ମାନଙ୍କ ଦ୍ୱାରା ଭୋଜନ, ପିଇବା ପାଣି ର ବ୍ୟବସ୍ଥା କରାଯାଇଥିଲା l 

ଲୋକ ବିଶ୍ୱାସ ଅଛି ତ୍ରେତୟା ଯୁଗ ରେ ପିତୃ ସତ୍ୟ ପାଳନ ପାଇଁ ଶ୍ରୀରାମ, ଲକ୍ଷ୍ମଣ, ଦେବୀ ସୀତାବନ ବାସ କରିଥିଲେ ଓ ସେହି ବନବାସ ସମୟ ରେ ଘଞ୍ଚ ଜଙ୍ଗଲ ରେ ବୁଲୁଥିବା ବେଳେ ଦେବୀ ସୀତା ଙ୍କୁ ପ୍ରବଳ ଶୋଷ ହୋଇ ଥିଲା ରାମ ଓ ଲକ୍ଷ୍ମଣ ଘଞ୍ଚ ଜଙ୍ଗଲ ରେ ପାଣି ଖୋଜିଲେ ହେଲେ ପାଣିର ସନ୍ଧାନ ମିଳିଲା ନାହିଁ l ତେଣୁ ମର୍ଯ୍ୟାଦା ପୁରୁଷ ଶ୍ରୀ ରାମ ଙ୍କ ଆଦେଶ ରେ ଲକ୍ଷ୍ମଣ ପାତାଳ କୁ ଶର ମାରି ଗଙ୍ଗା କୁ ଆଣିଥିଲେ ଓ ଗଙ୍ଗା ସୃଷ୍ଟି ହେବା ପରେ ସେଥିରୁ ପାଣି ପିଇ ନିଜ ଶୋଷ ମେଣ୍ଟାଇ ଥିଲେ ଦେବୀ ସୀତା l ସେଦିନ ଥିଲା ବୈଶାଖ ପୂର୍ଣ୍ଣିମା ବଣରେ ବୁଲିବୁଲି ଶୋଷ ହେବା ରୁ ଏଇଠୁ ପାଣି ପିଇ ଥିଲେ ମା ସୀତା l ତେଣୁ ବିଶ୍ୱାସ ରହିଛି ବୈଶାଖ ପୂର୍ଣ୍ଣିମା ରେ ପାତାଳ ରୁ ଗଙ୍ଗା ମାତା ଙ୍କ ଆବିର୍ଭାବ ହୋଇ ଥିଲା ତେଣୁ ଏହି ପୁଣ୍ୟ ଦିନ ରେ ବୁଡ଼ ପକେଇଵାକୁ ଶହ ଶହ ଶ୍ରଦ୍ଧାଲୁ ଙ୍କ ଭିଡ଼ ଲାଗେ କାରଣ ବିଶ୍ୱାସ ରହିଛି ଏଠି ବୁଡ଼ ପକାଇଲେ ଚର୍ମ ରୋଗ ହୁଏ ନାହିଁ  l

ଏହି ପାତାଳ ଗଙ୍ଗା ର ପ୍ରବେଶ ଦ୍ୱାର ରେ  ମା ଦ୍ୱାରଶନି,ମାଦୁର୍ଗାମନ୍ଦିର , ଗାୟତ୍ରୀ ମନ୍ଦିର ତଥା ଅନେକ ମନ୍ଦିର ରହିଛି l ସମସ୍ତ ଶ୍ରଦ୍ଧାଲୁ ମାନେ ପାତାଳଗଙ୍ଗା ରେ ଗାଧୋଇ ପୂଜାର୍ଚନା କରିଥିଲେ  l

ନୂଆପଡା ଜିଲ୍ଲାରୁ ପରମେଶ୍ୱର ମେହେରଙ୍କ ରିପୋର୍ଟ