07-May-2025

ସମ୍ବଲପୁର : ନାବାଳିକାଙ୍କୁ ଶାରୀରିକ ନିର୍ଯାତନା ଓ ବଳାତ୍କାର ଅଭିଯୋଗରେ ଜେଲ୍ ଯାଇଥିଲା ଅଭିଯୁକ୍ତ ଯୁଯୁମୁରା ଗାଁର ନବକିଶୋର ନାୟକ। ନିକଟରେ ଜାମିନ୍‌ରେ ମୁକୁଳିବା ପରେ ଏବେ ପୁଣି ଥରେ ରେ ଆଉ ଏକ କାଣ୍ଡ ଘଟାଇଛି ।
ପୀଡ଼ିତାଙ୍କଠାରୁ ପ୍ରତିଶୋଧ ନେବା ପାଇଁ ପୁଣି ଥରେ ଘରୁ ଅପହରଣ କରିବାକୁ ଉଦ୍ୟମ କରିଛି। ଏ ନେଇ ଯୁଯୁମୁରା ଥାନାରେ ଏତଲା ପରେ ପୁଲିସ୍ ୬ ଜଣଙ୍କୁ ଗିରଫ କରିଛି। ସମସ୍ତ ଅଭିଯୁକ୍ତ ହୀରାକୁଦ ଅଞ୍ଚଳର । ୮୦ ହଜାର ଟଙ୍କା ନେଇ ସେମାନେ ଅପହରଣ କରିବାକୁ ଯାଇଥିଲେ। ହେଲେ ମୁଖ୍ୟ ଅଭିଯୁକ୍ତ ନବକିଶୋର ନାୟକ ଫେରାର ରହିଛି।
ସୂଚନା ଅନୁସାରେ, ମୁଖ୍ୟ ଖଳନାୟକ ଯୁଯୁମୁରା ଗାଁର ନବକିଶୋର ନାୟକ କିଛି ବର୍ଷ ପୂର୍ବେ ଉକ୍ତ ଅଞ୍ଚଳର ଜଣେ ନାବାଳିକାକୁ ଘରୋଇ କାମରେ ସହଯୋଗ ପାଇଁ ନିଜ ଘରେ ରଖିଥିଲେ । ପରବର୍ତ୍ତୀ ସମୟରେ ଉକ୍ତ ନାବାଳିକାଙ୍କୁ ଶାରୀରିକ ନିର୍ଯାତନା ସହ ବଳାତ୍କାର କରିଥିଲେ । ବାରମ୍ବାର ବଳତ୍କାର କରିବା ସହ ନାବାଳିକାଙ୍କୁ ଘରୁ ଛାଡ଼ୁ ନଥିବା ତାଙ୍କ ବାପା ଯୁଯୁମୁରା ଥାନାରେ ଅଭିଯୋଗ କରିଥିଲେ। 

ଏହି ଘଟଣାରରେ ପୋକସୋ ମାମଲା ରୁଜୁ ହୋଇଥିଲା ହେଲେ ଘଟଣା ପରଠୁ ଫେରାର ଥିଲେ ନବକିଶୋର । ପୁଲିସ୍ ବିଭିନ୍ନ ସ୍ଥାନରେ ଖୋଳାଖୋଳି କରିବା ପରେ ପ୍ରାୟ ୬ ମାସ ପରେ ରାୟପୁରରୁ ଗିରଫ ହୋଇ ଜେଲ୍ ଯାଇଥିଲେ । ଏବେ କିଛି ମାସ ହେଲା ସେ ଜାମିନ୍‌ରେ ଆସିଥିଲେ । ଗତକାଲି ରାତିରେ ମୁଖ୍ୟ ଅଭିଯୁକ୍ତ ନବକିଶୋରଙ୍କ ନିର୍ଦ୍ଦେଶରେ ୬ରୁ ଅଧିକ ଯୁବକ ପୀଡ଼ିତାଙ୍କୁ ଅପହରଣ କରିବାକୁ ଯାଇଥିଲେ । ହେଲେ ପୁଲିସ୍‌ର  ଯାଞ୍ଚରେ ଧରାପଡ଼ି ଥିଲେ। ଘଟଣାରେ ୬ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ମୁଖ୍ୟ ଅଭିଯୁକ୍ତ ଏବେ ଫେରାର ରହିଛି।
ସୂଚନା ଅନୁସାରେ, ୮୦ ହଜାର ଟଙ୍କାରେ ହୀରାକୁଦ ଅଞ୍ଚଳର କିଛି ଯୁବକଙ୍କୁ ନେଇ ଅପହରଣ ନାଟକ ରଚିଥିଲା ଅଭିଯୁକ୍ତ ନବ ବକିଶୋର। ଅପହରଣ ପାଇଁ ଯାଇଥିବା ଜଣେ ଯୁବକଙ୍କ ମଧ୍ୟରେ ହୀରାକୁଦ ଅଞ୍ଚଳର ଜଣେ ବିଜେଡି ନେତାଙ୍କ ପୁଅ ମଧ୍ଯ ରହିଛନ୍ତି । ସେ ବି ଗିରଫ ହୋଇଥିବା ପୁଲିସ୍ କହିଛି ।