03-May-2025

ଟିକାବାଲି (ରାଜକିଶୋର ପ୍ରଧାନ): କନ୍ଧମାଳ ଜିଲ୍ଲା ଟିକାବାଲି ବ୍ଲକ ର ବୁର୍ବିନାଯୁ, ଗାର୍ଡିଙ୍ଗିଆ, ପିକରଡ଼ି ଓ ଗୁଟିଙ୍ଗିଆ ଗ୍ରାମପଞ୍ଚାୟତ ରେ ୪ଦିନ ଧରି ଚାଷୀ ଭାଇ ଓ ଭଉଣୀ ମାନଙ୍କୁ ନେଇ ଧାନ ପରବର୍ତ୍ତୀ ଚାଷ ଜମିରେ କିପରି ଦ୍ୱତୀୟ ଫସଲ ଉତ୍ପାଦନ କରାଯାଇ ପାରିବ ସେ ନେଇ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମଟି ସ୍ପେଚ୍ଛାସେଵୀ ଅନୁଷ୍ଠାନ ଆଇ. ସି. ଆଇ., MSSRF ଏବଂ ଓଡ଼ିଶା କୃଷ ବିଭାଗଙ୍କ ମିଳିତ ଉଦ୍ୟମ ରେ CRFM ନାମକ ଏକ କାର୍ଯ୍ୟକ୍ରମ ହାତ କୁ ନେଇ ଥିବା ଜଣା ପଡିଛି l କାର୍ଯ୍ୟକ୍ରମ ର ମୁଖ୍ୟ ଉର୍ଦ୍ଧେଶ୍ୟ କନ୍ଧମାଳ ଜିଲ୍ଲା ଏକ କୃଷି ବହୁଳ ଜିଲ୍ଲା ଭାବରେ ପରିଚିତ ଏବଂ ଜିଲ୍ଲା ର ଶତକଡା ୮୦% ଭାଗ ଲୋକ ଚାଷ ଉପରେ ନିର୍ଭର କରି ଜୀବିକା ନିର୍ବାହ କରିଥାନ୍ତି l କିନ୍ତୁ ସଚେତନ ତା ଅଭାବ ଏବଂ ଇଚ୍ଛାଶକ୍ତିର କମ ଯୋଗୁଁ ଏଠିକାର ଚାଷୀ ଭାଇ ଓ ଭଉଣୀ ମାନେ ଅଧିକାଂଶ ସମୟ ବାହାର ରାଜ୍ୟ କୁ ଦାଦନ ଶ୍ରମିକ ଭାବରେ ପଳେଇଆନ କରୁଥିବା ର ନଜର ଆସେ l କିନ୍ତୁ ସେ ସେବୁ କୁ ଦ୍ୱାହି ଦେଇ ଏକ ଚାଷୀ ର ବୈପ୍ଲବିକ ପରିବର୍ତ୍ତନ ଆଣିବାକୁ ପ୍ରୟାସ ଜାରି ରଖି ସଫଳ ଆଣିଛି ICI ଅନୁଷ୍ଠାନ l ଯାହା କି ବିନା ଜଳସେଚନ ଓ ସ୍ୱଳ୍ପ ପରିଶ୍ରମ ରେ ଆକାଶର କାକର, କୁହୁଡି ଓ ମାଟିର ଆଦ୍ରତାରେ ଧାନ ପରବର୍ତ୍ତୀ ଚାଷ ଜମି ରେ ଦ୍ୱତୀୟ ଅର୍ଥ କାରୀ ଫସଲ ଭାବରେ ଶୋରିଷ, ମଟର ଓ ବିରି ଚାଷ କରି ଚାଷୀ ମାନେ ବେଶ ଲାଭବାନ ହେବା ସହିତ ନିଜର ପାରିବାରିକ ସ୍ଥିତିର ସୁଧାର ଆଣିବା ସହ ଖାଦ୍ୟ ଓ ପୋଷଣର ସୁରକ୍ଷା କାଟିପାରିବେ।  ଏହି କାର୍ଯ୍ୟକ୍ରମରେ ଜଣେ ଚାଷୀ ଭାଈ  ୨ କିଲୋ ଶୋରିଷ ବୁଣି ପାଖା ପାଖି ୫୦କିଲୋ ଶୋରିଷ ଅମଳ କରିଛନ୍ତି  ଏବଂ ୮କିଲୋ ବିରି ବୁଣି ୧୫୦ କିଲୋ  ବିରି ଅମଳ କରିଥିବାର ଅଭିଜ୍ଞତାକୁ ଦର୍ଶାଇଛନ୍ତି l ଏଭଳି ଏକ ଯୁଗାନ୍ତକାରୀ କାର୍ଯ୍ୟକ୍ରମ ଟିକୁ ହାତକୁ ନେଇଥିବା ଅନୁଷ୍ଠାନ ର ନିର୍ଦେଶକ ପ୍ରବଧ ମହାନ୍ତି,ଟିକାବାଲି ବ୍ଲକ କୃଷି ଅଧିକାରୀ ଶ୍ରୀ ସନ୍ତୋଷ କୁମାର ଦଳବେହେରା, ସୂର୍ଯ୍ୟକାନ୍ତି ଦାସ, ସହିତ ସମସ୍ତ କାର୍ଯ୍ୟ କର୍ତ୍ତାଙ୍କୁ ସାଧୁବାଦ ଜଣାଇଛନ୍ତି ଚାଷୀ ଭାଇ ଓ ଭଉଣୀ ମାନେ l