02-May-2025

ବିନିକା(ହିମାଂଶୁ ଶେଖର ପୁଟେଲ)ଏକାଧାରରେ ଜଣେ ନିର୍ଭୀକ,ଦକ୍ଷତା ପୂର୍ଣ୍ଣ ତଥା ସଚ୍ଚୋଟ ଏବଂ ଅତ୍ୟନ୍ତ ସଲଲତା ସମ୍ପନ୍ନ ବ୍ୟକ୍ତି ଭାବେ ସମସ୍ତଙ୍କ ଆଦର୍ଶର ପାତ୍ର ପ୍ରିୟ ଅଧ୍ୟାପକ ରୁଦ୍ର ନାରାୟଣ ଦାଶ ତାଙ୍କ ଚାକିରୀ ଜୀବନରୁ ଅବ୍ୟାହତି ନେଇଛନ୍ତି ।ବିନିକା ସିଦ୍ଧାର୍ଥ ଡିଗ୍ରୀ ମହାବିଦ୍ୟାଳୟରେ ରାଜନୀତି ବିଜ୍ଞାନ ବିଭାଗୀୟ ମୁଖ୍ୟ ଭାବେ ଅବତୀର୍ଣ୍ଣ ସୋନପୁର ନିବାସୀ ରୁଦ୍ର ନାରାୟଣ ଦାଶ ଗତ ୧୯୯୬ମସିହାରୁ ଅଦ୍ୟାବଧି ଅର୍ଥାତ ୨୦୨୫ପର୍ଯ୍ୟନ୍ତ କଲେଜରେ ଅଧ୍ୟୟନ କରୁଥିବା ଛାତ୍ରଛାତ୍ରୀ ମାନଙ୍କୁ ଅନବରତ ଭାବେ ଶିକ୍ଷାଦାନ ଦେଇ ଆସୁଥିଲେ ।ସେହି ସମୟ ସୀମା ମଧ୍ୟରେ ଯେଉଁ ଛାତ୍ରଛାତ୍ରୀ ମାନେ ତାଙ୍କ ଠାରୁ ଶିକ୍ଷାଦାନ କରି ଆସୁଥିଲେ ବର୍ତ୍ତମାନ ପ୍ରିୟ ଅଧ୍ୟାପକଙ୍କ କଲେଜରେ ଅନୁପସ୍ଥିତ ତାଙ୍କର ପାଠପଢା ଶୈଳୀକୁ ଅନେକ ଛାତ୍ରଛାତ୍ରୀ ମାନେ ଆଖିରୁ ଲୁହ ଝରାଇ ମନେ ପକାଉଛନ୍ତି ।ଅଧ୍ୟାପକ ଶ୍ରୀ ଦାଶ ସବୁବେଳେ ଛାତ୍ରଛାତ୍ରୀ ମାନଙ୍କୁ କଠିନ ପରିଶ୍ରମ କରିବା ସହ ସମାଜରେ ନିଜର ବ୍ୟକ୍ତିତ୍ଵର ପରିଚୟ ସୃଷ୍ଟି ପାଇଁ ଉଚିତ ମାର୍ଗରେ ଯାଇ ସଫଳ ହେବାକୁ ପ୍ରେରଣା ଦେଇ ଆସୁଥିଲେ ।ଏପ୍ରିଲ ୩୦ ଅବସର ଦିନ ତାଙ୍କୁ କଲେଜ ତରଫରୁ ବିଦାୟ କାଳୀନ ସମ୍ବର୍ଦ୍ଧନା ଦିଆଯାଇଥିଲା।ଏଥିରେ କଲେଜ ଅଧ୍ୟକ୍ଷ,ଅଧ୍ୟାପକ,ଅଧ୍ୟାପିକା,ସମସ୍ତ କର୍ମଚାରୀ,ଅଧ୍ୟୟନରତ ଛାତ୍ରଛାତ୍ରୀ ସାମିଲ ହୋଇ କଲେଜ ପ୍ରତି ତାଙ୍କର ଦାୟିତ୍ଵ,କର୍ତ୍ତବ୍ୟ ସମ୍ପାଦନ ଏବଂ ଶିକ୍ଷାଦାନ ଉପରେ ଆଲୋକପାତ କରିଥିଲେ।ପରେ ଶ୍ରୀ ଦାଶଙ୍କୁ କଲେଜର ସମସ୍ତ କର୍ମଚାରୀ ସୋନେପୁର ସ୍ଥିତ ବାସଭବନକୁ ନେଇ ଛାଡିଥିଲେ ।ସେଠାରେ ସମସ୍ତ କର୍ମଚାରୀ ମାନଙ୍କୁ ଶ୍ରୀ ଦାଶଙ୍କ ପରିବାର ତରଫରୁ ସ୍ବାଗତ କରାଯାଇଥିଲା ।