02-May-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ବ୍ରାହ୍ମଣ ସମାଜ ପକ୍ଷରୁ ଏକ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଜ୍ଞାପିତ ଅଞ୍ଚଳ ପରିଷଦ ଅଞ୍ଚଳର ଆନନ୍ଦ ନଗର ସ୍ଥିତ ମାଉସୀ ମାଁ ମନ୍ଦିର ପରିସର ର ଅଇଳା ଆବର୍ଜନାକୁ ସମ୍ପୂର୍ଣ୍ଣ ରୂପେ ସଫା କରିବା ପାଇଁ ବ୍ରାହ୍ମଣ ସମାଜର ସଭାପତି ଶଶୀଭୂଷଣ ପଣ୍ଡା ଏକ ମେସେଜ ପ୍ରଦାନ କରିଥିଲେ।ଫଳ ସ୍ୱରୂପ ଆଜି ବ୍ରାହ୍ମଣ ସମାଜର ସଭ୍ୟ ଲୋକନାଥ ମହାପାତ୍ର, ଶାନ୍ତନୁ କୁମାର ମିଶ୍ର, ଶେଷଦେବ ମିଶ୍ର, ପଦ୍ମଲୋଚନ କର,ଅମର ଦାସ ତଥା ବିଜ୍ଞାପିତ ଅଞ୍ଚଳ ପରିଷଦର ସଫେଇ କର୍ମଚାରୀ ମାନେ ଏକତ୍ରିତ ଠୁଳ ହୋଇ ସକାଳୁ ସକାଳୁ ସଫେଇ କାର୍ଯ୍ୟକ୍ରମ ଆରମ୍ଭ କରିଦେଇଥିଲେ। ଏହି ମହତ କାର୍ଯ୍ୟରେ ସ୍ୱ-ଇଚ୍ଛାରେ ମାଉସୀ ମାଁ ମନ୍ଦିର କମିଟିର ସଭ୍ୟା ଶାନ୍ତିଲତା ବାଗ, ଶାନ୍ତିଲତା ଟୁଡୁ ପ୍ରମୁଖ ତଥା ଏନଏସି କାର୍ଯ୍ୟଳୟରେ କାର୍ଯ୍ୟରତ ଅର୍ଜୁନ ସିଂ,ମୋତିଲାଲ ଖମାରୀ ଏବଂ ତୁଷାର କାନ୍ତ ମେହେର ସାମିଲ ହୋଇ କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ ।ଏହା ଏକ ସନ୍ଦେଶର ବାର୍ତ୍ତା ପ୍ରଦାନ କରୁଛି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ଜୋର୍ ଧରିଛି। ଏପରିକି ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷା ଶ୍ରୀମତୀ ସୀତା ବାରିକ ମଧ୍ୟ ଏହି କାର୍ଯ୍ୟକ୍ରମରେ ସାମିଲ ହୋଇ ସମସ୍ତ ସଭ୍ୟ ସଭ୍ୟା ଙ୍କୁ ଉତ୍ସାହିତ କରିଥିଲେ । ପରିବେଶ ସଫାସୁତୁରା ପ୍ରତ୍ୟେକ ନାଗରିକଙ୍କ କର୍ତ୍ତବ୍ୟ ବୋଲି ଶ୍ରୀମତୀ ବାରିକ ମତବ୍ୟକ୍ତ କରିଛନ୍ତି।