01-May-2025

ଧର୍ମଗଡ଼ ( ଜ୍ୟୋତିରଞ୍ଜନ ବେମାଲ )
 କଳାହାଣ୍ଡି ଜିଲ୍ଲା ଧର୍ମଗଡ଼ ବିଜୁ ଏକ୍ସପ୍ରେସ ୱେ ବେହେରା  ଛକ ନିକଟରେ ଏକ ଆମ୍ବୁଲାନ୍ସ ଧକ୍କାରେ ଜଣେ ଯୁବକ ଙ୍କ ମୃତ୍ୟୁ ହୋଇଛି ।ମୃତ ବ୍ୟକ୍ତି ଜଣକ କୋକସରା ଥାନା  ଛଞ୍ଚାଣ ବାହାଲି ପଞ୍ଚାୟତ ରାବଣ ଗୁଡ଼ା ଗ୍ରାମର ଗଣ୍ଡାରାମ ଗୋପାଳ (୨୮ ) ବୋଲି ଜଣାପଡିଛି । ସୂଚନା ମତେ ସେ ବେହେରା ଠାରେ ଏକ ଫାଷ୍ଟ ଫୁଡ୍ ଦୋକାନରେ ମିସ୍ତ୍ରୀ ଭାବେ କାର୍ଯ୍ୟରତ ଥିଲେ । ପ୍ରତ୍ୟେକ ଦିନ ଭଳି ଗୁରୁବାର ଦିନ ଭୋର୍ ସକାଳୁ ସେ ନିଜ ଗାଁ ରୁ ବେହେରା କୁ ଏକ ସାଇକଲ ଯୋଗେ କାମ ପାଇଁ ଆସୁଥିଲେ । ଏହି ସମୟରେ ନବରଙ୍ଗପୁର  ରୁ  କଣ୍ଟାବାଞ୍ଜି ଅଭିମୁଖେ ଦୃତ ଗତିରେ ଆସୁଥିବା ଏକ  ୧୦୮ ଆମ୍ବୁଲାନ୍ସ( ଓଡି ୦୨ ବି ଏଚ ୮୯୬୪)  ଧକ୍କା ଦେଇଥିଲା ।ଯାହା ଫଳରେ ଯୁବକ ଜଣକ ଛିଟିକି ପଡ଼ି ଥିଲେ ।  ଦୁର୍ଘଟଣା ଘଟାଇଥିବା ଆମ୍ବୁଲାନ୍ସ କର୍ମଚାରୀ ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ସେହି  ଆମ୍ବୁଲାନ୍ସ ରେ ପର୍ଲା ମେଡିକାଲ ରେ ଭର୍ତି କରିଥିଲେ ହିଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଅନ୍ୟପଟେ ଆମ୍ବୁଲାନ୍ସ କର୍ମଚାରୀ ଧର୍ମଗଡ଼ ଥାନାରେ ଆତ୍ମସମର୍ପଣ କରିଥିବା ଜଣାପଡିଛି । ଘଟଣା କୁ ନେଇ ପରିବାର ଓ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ଦେଖାଯିବା ସହ କ୍ଷତିପୂରଣ ଦାବିରେ ଦୁଇଟି ସ୍ଥାନ ବେହେରା ଓ ପର୍ଲା   ବିଜୁ ଏକ୍ସପ୍ରେସ ୱେ ଠାରେ ରାସ୍ତା ଅବରୋଧ କରିଥିଲେ । ଯାହା ଫଳରେ ଦୀର୍ଘ ସମୟ ଧରି ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିଲା । ଖବର ପାଇ ଧର୍ମଗଡ଼ ଉପଜିଲ୍ଲପାଳ ଧିମାନ ଚକମା, ତହସିଲଦାର ,ଧର୍ମଗଡ଼ ଓ କୋକସରା ପୋଲିସ ପହଞ୍ଚି ପରିବାର ସହ ଆଲୋଚନା କରିଥିଲେ । ସରକାରଙ୍କ ନିୟମାନୁଯାୟୀ ମୃତକଙ୍କ ପରିବାର କୁ ଆର୍ଥିକ ସହାୟତା ଯୋଗାଇ ଦେବା ପ୍ରତିଶ୍ରୁତି ପରେ ରାସ୍ତା ଅବରୋଧ ହଟିଥିଲା ।