01-May-2025

ବରଗଡ଼:(ନିରଞ୍ଜନ ତ୍ରିପାଠୀ)- ଯଦୁମଣି ପଧାନ ଅଡ଼ିଟରିୟମ ଠାରେ ଜିଲ୍ଲା ପ୍ରଶାସନ ଓ ପ୍ରଭାଗୀୟ ଶ୍ରମ ଆୟୁକ୍ତଙ୍କ ,ବରଗଡର ମିଳିତ ଆନୁକୂଲ୍ୟରେ ଓଡିଶା କୋଠାବାଡ଼ି ଓ ଅନ୍ୟାନ୍ୟ ନିର୍ମାଣ ଶ୍ରମିକ କଲ୍ୟାଣ ବୋର୍ଡ (ନିର୍ମାଣ ଶ୍ରମିକ କଲ୍ୟାଣ ଯୋଜନା)ଅଧିନରେ ହିତାଧିକାରୀଙ୍କୁ ପରିଚୟ ପତ୍ର ଏବଂ ବିଭିନ୍ନ ସହାୟତା ବିତରଣ କାର୍ଯ୍ୟକ୍ରମ ସ୍ଥାନୀୟ ଯଦୁମଣି ପ୍ରଧାନ ଅଡ଼ିଟିରିୟମ ହଲଠାରେ ଅନୁଷ୍ଠିତ ହୋଇଯାଇଛି । ଭକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବରଗଡ଼ ନିର୍ବାଚନ ମଣ୍ଡଳୀର ମାନ୍ୟବର ବିଧାୟକ  ଶ୍ରୀ ଅଶ୍ୱିନୀ କୁମାର ଷଢ଼ଙ୍ଗୀ ଏବଂ ଭଟଲି ନିର୍ବାଚନମଣ୍ଡଳୀର ମାନ୍ୟବର ବିଧାୟକ ଶ୍ରୀ ଇରାଶିଷ ଆଚାର୍ଯ୍ୟ ଯୋଗ ଦେଇଥିଲେ। ପ୍ରଭାଗୀୟ  ଶ୍ରମ ଆୟୁକ୍ତ,ବରଗଡ଼, ଶ୍ରୀ ମାନଭଞ୍ଜନ ପ୍ରଧାନ, ଜିଲ୍ଲା ଶ୍ରମ ଅଧିକାରୀ ଶ୍ରୀଯଶୋବନ୍ତ ଅମାତ ଏବଂ ସହକାରୀ ଶ୍ରମ ଅଧିକାରୀ ମଧ୍ୟ ଉପସ୍ଥିତ ଥିଲେ। ପଞ୍ଜିକୃତ ଯୋଗ୍ୟ ହିତାଧିକାରୀ/ନାମପ୍ରାପ୍ତ ବ୍ୟକ୍ତି/ଆଇନଗତ ଉତ୍ତରାଧିକାରୀଙ୍କୁ ବିବାହ ସହାୟତା, ମାତୃତ୍ୱ ସୁବିଧା, ଶିକ୍ଷା ସହାୟତା, ମୃତ୍ୟୁ ସୁବିଧା ଏବଂ ଅନ୍ତିମ ସଂସ୍କାର ସହାୟତା ଏବଂ ଓଡ଼ିଶା ଅସଂଗଠିତ ଶ୍ରମିକ ସାମାଜିକ ସୁରକ୍ଷା ବୋର୍ଡର ନିର୍ମାଣ ଶ୍ରମିକ କଲ୍ୟାଣ ଯୋଜନା ଅଧୀନରେ ପରିଚୟ ପତ୍ର ପାଇଁ ବିଭିନ୍ନ ସୁବିଧା/ସହାୟତା ବଣ୍ଟନ କରାଯାଇଥିଲା।

ଏଠାରେ ୧୬୦ ମୃତ୍ୟୁ ସହାୟତା, ୧୫୨ ଅନ୍ତିମ ସଂସ୍କାର ଖର୍ଚ୍ଚ, ୯୩ ଶିକ୍ଷା ସହାୟତା, ୪୪୬ ବିବାହ ସହାୟତା ଏବଂ ୦୮ ପ୍ରସୂତି ସୁବିଧା, ମୋଟ ୮୫୯ ହିତାଧିକାରୀଙ୍କୁ ସହାୟତା ପ୍ରଦାନ କରାଯାଇଥିଲା। ଏହା ବ୍ୟତୀତ, ମୋଟ ୧୦୦ ପରିଚୟ ପତ୍ର ଏବଂ ୨୫ ପରିଚୟ ପତ୍ର ମଧ୍ୟ ବଣ୍ଟନ କରାଯାଇଥିଲା।
ଅତିରିକ୍ତ ଶ୍ରମ ଅଧିକାରୀ ମିସ୍‌ ତାନିଆ ଠାକୁର ଅନ୍ୟବାଦଅର୍ପଣ କରିଥିଲେ । ତତ୍‌ ସହିତ କାର୍ଯ୍ୟକ୍ରମକୁ ସୂଚାରୁରୂପେ ସମ୍ପାଦନ କରିବାପାଇଁ ଯୁଗ୍ମ ଶ୍ରମ କାର୍ଯ୍ୟାଳୟର ସମସ୍ତ ସହକାରୀ ଶ୍ରମ ଅଧିକାରୀ, ଶ୍ରୀଜଗନ୍ନାଥ ଷଡଙ୍ଗୀ, ଶ୍ରୀନିତ୍ୟାନନ୍ଦ ସାହୁ, ଶ୍ରୀ ଗୋବିନ୍ଦ ମେହେର ,କେଦାର ସିଂ ବରିହା ,ଘନଶ୍ୟାମ ମହାନ୍ତି, ଅରବିନ୍ଧ ହାତୀ ବୃନ୍ଦ ପ୍ରମୁଖ ସହଯୋଗ କରିଥିଲେ।