30-Apr-2025

ବିନିକା(ହିମାଂଶୁ ଶେଖର ପୁଟେଲ)ଦୀର୍ଘ ବର୍ଷ ଧରି ସଚ୍ଚୋଟ,ଆଦର୍ଶ ଶିକ୍ଷକ ଭାବେ ସ୍କୁଲରେ ଶିକ୍ଷାଦାନ କରି ଛାତ୍ରଛାତ୍ରୀ ମାନଙ୍କ ଭବିଷ୍ୟତ ଗଠନ ଦିଗରେ ପ୍ରୟାସ କରି ଆସିଥିଲେ ।ହେଲେ ଆଜିର ଦିନରେ ଉଭୟ ଶିକ୍ଷକଙ୍କ ଚାକିରୀରୁ ଅବସର ପରେ ସବୁଦିନ ପାଇଁ ସ୍କୁଲ ଶିକ୍ଷକ ଶୂନ୍ୟ ସହ ସମ୍ପୂର୍ଣ୍ଣ ବନ୍ଦ ହୋଇଯାଇଛି ।ଘଟଣାଟି ହେଉଛି ଖୋଦ ବିନିକା ଏନ ଏ ଏସି ଅଧିନସ୍ତ ୨ନଂ ୱାର୍ଡ ଗୁଲାପଡା ଗ୍ରାମରେ । ଏଠାରେ ଥିବା ସରକାରୀ ଏମି ଇ ସ୍କୁଲ(୬/୭ ଶ୍ରେଣୀ) ରେ ଦୀର୍ଘ ବର୍ଷ ଧରି ପାଠ ପଢା ଚାଲିଥିଲା ।ଛାତ୍ରଛାତ୍ରୀ ମାନେ ମଧ୍ୟ ନିୟମିତ କ୍ଲାସ ଆସୁଥିଲେ । ଏଠାରେ ଅବସ୍ଥାପିତ ଶିକ୍ଷକ କାହୁଁଚରଣ ନାୟକ ଓ ଲିଙ୍ଗରାଜ ପାତ୍ର ଠିକ ଭାବରେ କର୍ତ୍ତବ୍ୟ ସମ୍ପାଦନା କରି ଛାତ୍ରଛାତ୍ରୀ ମାନଙ୍କୁ ଶିକ୍ଷାଦାନ ଦେଉଥିଲେ ।ଆଜି ଉଭୟ ଶିକ୍ଷକ ତାଙ୍କ ଚାକିରୀ କାର୍ଯ୍ୟକାଳ ରୁ ଅବସର ନେବା ପରେ ସ୍କୁଲ ଟି ସମ୍ପୂର୍ଣ ଶିକ୍ଷକ ଶୂନ୍ୟ ହୋଇ ପଡ଼ିଛି।ଅବସର ପୂର୍ବରୁ ଗ୍ରାମବାସୀଙ୍କ ତରଫରୁ ବହୁବାର ଶିକ୍ଷ୍ୟା ବିଭାଗ ଠାରେ ଶିକ୍ଷକ ନିଯୁକ୍ତି ନେଇ ଦାବୀ କରାଯାଇଥିଲେ ମଧ୍ୟ ଶିକ୍ଷା ବିଭାଗର କୁମ୍ଭକର୍ଣ୍ଣ ନିଦ୍ରା ଅଦ୍ୟାବଧି ଭାଙ୍ଗି ନାହିଁ ।ଯାହା ଫଳରେ  ଆଜିଠାରୁ ଉକ୍ତ ସ୍କୁଲ ବନ୍ଦ ହୋଇ ଯାଇଛି ।ଆଜି ଅବସର ସମ୍ବର୍ଦ୍ଧନା ନେଇ ଏକ ସଭା ଅନୁଷ୍ଠିତ ହୋଇଥିଲା।ଏଥିରେ ସ୍କୁଲ କମିଟି ସଭାପତି ସନ୍ତୋଷ କର ଅଧ୍ୟକ୍ଷତା କରିଥିଲେ ।କମିଟି ସମ୍ପାଦକ ଦୂତୀଆ ମହାନ୍ତି ସ୍କୁଲର ଅବସ୍ଥା ସମ୍ପର୍କରେ ଆଲୋକପାତ କରିଥିଲେ।ଅନ୍ୟ ମାନଙ୍କ ମଧ୍ୟରେ ବୈରାଗୀ ପ୍ରଧାନ, ଉଷତ କର,ଶରତ ପାତ୍ର,ବରୁଣ ମହାନ୍ତି,ଜୟାଲାଲ ସେବକ,ଶିକ୍ଷକ ପ୍ରଦୀପ କିଶୋର ମହାନ୍ତି,ପୂର୍ଣ୍ଣଚନ୍ଦ୍ର ପ୍ରଧାନ ପ୍ରମୁଖ ଅବସର ଗ୍ରହଣ କରିଥିବା ଶିକ୍ଷକଙ୍କ ଦାୟିତ୍ଵ,ସଚ୍ଚୋଟପଣିଆ ଓ ଛାତ୍ରଛାତ୍ରୀଙ୍କୁ ଦେଇଥିବା ଶିକ୍ଷାଦାନ ଉପରେ ଆଲୋକପାତ କରିଥିଲେ।ପରେ ଉଭୟ ଶିକ୍ଷକଙ୍କୁ ଅବସରକାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା।ଏହି ଅବସରରେ ଛାତ୍ରଛାତ୍ରୀ ମାନେ ମଧ୍ୟ ତାଙ୍କର ପ୍ରିୟ ଶିକ୍ଷକଙ୍କ ଗୁଣଗାନ କରିଥିଲେ ।ତେବେ ଶିକ୍ଷକ ଶୂନ୍ୟ ଉକ୍ତ ବିଦ୍ୟାଳୟ ଯେପରି ଛାତ୍ରଛାତ୍ରୀଙ୍କ ଶିକ୍ଷାଦାନର କୋଳାହଳରେ ହସିବ ଏବଂ ନିୟମିତ ଚାଲିବ ।ସେ ଦିଗରେ ଶିକ୍ଷା ବିଭାଗ ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେବା ଆବଶ୍ୟକ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି।