30-Apr-2025

ବଲାଙ୍ଗିର(ପ୍ରେରଣା ଖବର):ଜଗନ୍ନାଥଙ୍କ ପରମ ଭକ୍ତ ତଥା ବିଶ୍ବପ୍ରସିଦ୍ଧ କବି ଗୀତଗୋବିନ୍ଦର ରଚୟିତା ଜୟଦେବଙ୍କ ଜୟନ୍ତୀ ଉତ୍ସବ ଏବଂ ଆଲୋଚନାଚକ୍ର ସ୍ଥାନୀୟ ସଂସ୍କୃତି ଭବନ ଠାରେ  ଅନୁଷ୍ଠିତ ହୋଇଯାଇଛି ।

 ଆୟୋଜିତ ଆଲୋଚନା ଚକ୍ରରେ ଅତିରିକ୍ତ ଜିଲ୍ଲାପାଳ ଡ଼ ବିଜୟାନନ୍ଦ ସେଠି ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ମୁଖ୍ୟ ବକ୍ତା ସନ୍ଦୀପ କୁଅଁର, ସମ୍ମାନିତ ଅତିଥିଭାବେ ଜୟ ପ୍ରକାଶ ଆଚାର୍ଯ୍ୟ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଶ୍ରୀ ସରୋଜ କୁମାର ସାହୁ ଯୋଗ ଦେଇ ଥିଲେ । ସାମ୍ପ୍ରତିକ ବ୍ୟସ୍ତ ବହୁଳ ଜୀବନରେ ମାନସିକ ଶାନ୍ତି ନିମନ୍ତେ ସମସ୍ତେ ଆଧ୍ୟାତ୍ମିକତା ଆଡକୁ ଯିବାକୁ ହେଲେ କବି ଜୟଦେବଙ୍କୁ ଅନୁକରଣ କରିବା ଆବଶ୍ୟକ ବୋଲି ମୁଖ୍ୟ ଅତିଥି କହିଥିଲେ |

ମୁଖ୍ୟ ଵକ୍ତା କବି ଜୟଦେବ ଭାଷା,ସ୍ଥାନ ଓ କାଳ ର ଉର୍ଦ୍ଧ୍ବରେ ଥିବା ଜଣେ ଅତୁଳନୀୟ କାବ୍ୟ ପୁରୁଷ।ସମଗ୍ର ଭାରତୀୟ ସାହିତ୍ୟରେ ରାଧାକୃଷ୍ଣଙ୍କ ଅପ୍ରାକୃତ ପ୍ରେମର ଧ୍ବଜା ଉତ୍ଥାନ ସହ ଶ୍ରୀ କୃଷ୍ଣଙ୍କ ସମର୍ପିତ ପ୍ରେମର  କଥା କହିଛନ୍ତି ଗୀତଗୋବିନ୍ଦ କାବ୍ୟରେ। କବିଦୃଷ୍ଟିର ସାର୍ଥକ ସ୍ବରୂପ କବି ଜୟଦେବ ବୋଲି ନିଜ ବକ୍ତବ୍ଯରେ  କହିଛନ୍ତି ମୁଖ୍ଯବକ୍ତା ସାମ୍ବାଦିକ, ଅଧ୍ୟାପକ

ସନ୍ଦୀପ କୁମାର କୁଅଁର ନିଜ ବକ୍ତବ୍ୟରେ କହିଥିଲେ | ମହୋତ୍ସବରେ ଜୟଦେବ କଳା ସଂସଦ ସଙ୍ଗୀତ ପରିବେଷଣ କରିଥିଲେ | ଜିଲ୍ଲା ସଂସ୍କୃତି ଅଧିକାରୀ ରଶ୍ମି ରଂଞ୍ଜନ ମିଶ୍ର ମଂଚ ପରିଚାଳନ ଏବଂ ସ୍ୱାଗତ କରିଥିବା ବେଳେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଧନ୍ୟବାଦ ଦେଇଥିଲେ |