27-Apr-2025

ମୟୁରଭଞ୍ଜ:  ଦିନକୁ  ଦିନ ବୃଦ୍ଧି ପାଉଛି ମୟୁରଭଞ୍ଜ କରଞ୍ଜିଆ ଉପଖଣ୍ଡ ଅଞ୍ଚଳରେ ଚୋରା ମଦ ଚାଲାଣ, ସେ ଦେଶୀ ମଦ ହେଉ କିମ୍ବା ବିଦେଶୀ ମଦ ହେଉ  କରଞ୍ଜିଆ ଉପଖଣ୍ଡ ର ଅଧିକାଂଶ ଗାଁ ରେ ଖୁଲମ୍ ଖୋଲ୍ଲା ଚାଲିଛି ମଦ ବେପାର। ଏହାକୁ ରୋକିବା ପାଇଁ କରଞ୍ଜିଆ ଅବକାରୀ ବିଭାଗ କରଞ୍ଜିଆ ଉପଖଣ୍ଡର ସମସ୍ତ ବ୍ଲକ ଓ ଏନଏସିର ସମସ୍ତ ଅଞ୍ଚଳରେ ନିଶାଦ୍ରବ୍ୟ ଓ ମାଫିଆ ମାନଙ୍କୁ 

ଧରିବା ପାଇଁ ଧରପକଡ ଜାରିରଖିଥିବା ବେଳେ ଆଜି କରଞ୍ଜିଆ ବ୍ଲକ୍ ଅନ୍ତର୍ଗତ ଜରାସାହି ଏବଂ ଖଣ୍ଡିଆଦର ଗ୍ରାମର ନଦୀ ନାଳ, ଝରଣା କଡ଼ରେ ଦେଶୀ ମହୁଲି ମଦ ପ୍ରସ୍ତୁତ ହେଉଥିବା କୌଣସି ବିଶେଷ ସୂତ୍ରରୁ ଖବର ପାଇ ଜିଲ୍ଲା ଅବକାରୀ ଅଧିକ୍ଷକ ପ୍ରଶାନ୍ତ କୁମାର କହଁରଙ୍କ ନିର୍ଦ୍ଦେଶ କ୍ରମେ ଉପଅଧିକ୍ଷକ ସୌମ୍ୟରଞ୍ଜନ ବେହେରାଙ୍କ ତତ୍ତ୍ଵଧାନରେ ଠାକୁରମୁଣ୍ଡା ଓଆଇସି , କରଞ୍ଜିଆ ପୋଲିସ୍ ଟିମ୍, କରଞ୍ଜିଆ ଅବକାରୀ ଓଆଇସି ରଶ୍ମି ରଞ୍ଜନ ନାୟକ ଓ ଟିମ୍ ସହାୟତାରେ ଅତର୍କିତ ଭାବେ ଚଢାଉ କରି

ମଦ ପ୍ରସ୍ତୁତ ସରଞ୍ଜାମ ଜବତ୍ କରି ୨ଶହ୩୦ ଲିଟର ଦେଶି ମହୁଲି ମଦ ନଷ୍ଟ କରିବା ସହିତ ୬ହଜାର ଲିଟର ପୋଚ ନଷ୍ଟ କରିଛି ଅବକାରୀ ବିଭାଗର ଓ ପୋଲିସ୍ ଏଥିରେ ସଂପୃକ୍ତ କାହାକୁ ଗିରଫ କରାଯାଇ ନଥିବା ବେଳେ ତଦନ୍ତ ଜାରି ରଖିଛି ଅବକାରିବିଭାଗ। ଅନ୍ୟ ପଟେ ଏହି ଚଢ଼ାଉ ଆଗାମୀ ଦିନରେ ଜାରିରହିବ ବୋଲି କରଞ୍ଜିଆ ଅବକାରୀ ଓଆଇସି ଶ୍ରୀ ନାୟକ ସୂଚନା ଦେଇଛନ୍ତି l

ମୟୂରଭଞ୍ଜ ରାଇରଙ୍ଗପୁର ରୁ ଶ୍ଯାମଳେନ୍ଦୁ ପରିଡାଙ୍କ ରିପୋର୍ଟ