05-Apr-2025

ବୀରମହାରାଜପୁର (ପ୍ରେରଣା ଖବର )
ବୀରମହାରାଜପୁର ସ୍ଥିତ ଅବସରପ୍ରାପ୍ତ ସରକାରୀ କର୍ମଚାରୀ ଓ ବରିଷ୍ଟ ନାଗରିକ ସଂଗଠନ କାର୍ଯ୍ୟଳୟରେ ଶନିବାର ସମସ୍ତ ସଦସ୍ୟ ସମ୍ବଲପୁରୀ ବସ୍ତ୍ର ପରିଧାନ କରି ଆସିଥିଲେ। ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଆହ୍ବାନରେ ଏପ୍ରିଲ ୧ ଓଡ଼ିଶା ଦିବସ ଠାରୁ ଏପ୍ରିଲ ୧୪, (ମହା ବିଷୁବ ସଂକ୍ରାନ୍ତି)ଓଡ଼ିଆ ନବବର୍ଷ ଯାଏ ପ୍ରଥମଥର କରି ପାଳନ ହେଉଥିବା ‘ଓଡ଼ିଆ ପକ୍ଷରେ ପାରମ୍ପରିକ ସମ୍ବଲପୁରୀ ବସ୍ତ୍ର ପରିଧାନ ଦିବସ ଭାବରେ  ଶନିବାର ସମସ୍ତ ସଦସ୍ୟ ଏହି ଦିବସକୁ ପାଳିଛନ୍ତି । ଅନୁଷ୍ଠାନର ସଭାପତି ଡ.ପ୍ରଫୁଲ୍ଲ କୁମାର ରଥଙ୍କ ସଭାପତିତ୍ବରେ ଆଜି ଏହି ଦିବସ ପାଳନ ଉପଲକ୍ଷେ ଏକ ସ୍ଵତନ୍ତ୍ର ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ପୂର୍ବତନ ସଭାପତି ଭଗବାନ ମିଶ୍ର, କୃଷ୍ଣଚନ୍ଦ୍ର ପାଢୀ, ନାରାୟଣ ପ୍ରସାଦ ନାୟକ, ଗୋପୀନାଥ ମହାକୁର, ସନ୍ତୋଷ ଷଡ଼ଙ୍ଗୀ,ଡ.ଦ୍ବିତୀକୃଷ୍ଣ ପଣ୍ଡା, ବାସୁଦେବ ପଣ୍ଡା, ଦିଲ୍ଲୀପ ତ୍ରିପାଠୀ,ଚମରା ମହାକୁର,ଶ୍ୟାମ ସୁନ୍ଦର ସେଠୀ, ସୌମିତ୍ରୀ ମୈହେର,ବଳରାମ କାଣ୍ଡ, ଅଭିମନ୍ୟୁ ରଥ, ନରେନ୍ଦ୍ର ସାହୁ, ସୂର୍ଯ୍ୟ ନାରାୟଣ ପାଣିଗ୍ରାହୀ ପ୍ରମୁଖ ଅଂଶଗ୍ରହଣ କରିଥିଲେ।