02-Apr-2025

ସୋନପୁର  (ମନୋରଞ୍ଜନ ତ୍ରିପାଠୀ )
ସୋନପୁର ବ୍ଲକ ସଭା ଗୃହ ଠାରେ ଶିଶୁ ବିକାଶ ପ୍ରକଳ୍ପ ଆନୁକୁଲ୍ୟରେ ତିନି ଦିନିଆ ପୋଷଣ ଭି ପଢ଼ାଇ ଭି ତାଲିମ କାର୍ଯ୍ଯ କ୍ରମ ଆରମ୍ଭ ହୋଇଛି l ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀମତୀ ସଗରିକା ସ୍ୱାଇଁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମ କୁ ସୋନପୁର  ବ୍ଲକ ଉନ୍ନୟନ ଅଧିକାରୀ  ଶ୍ରୀ ସଞ୍ଜୀବ କୁମାର ସାହୁ ଉଦଘାଟନ କରିଥିଲେ l ଏହି ତାଲିମ କେନ୍ଦ୍ର ରେ ସୋନପୁର ପୌର ପରିଷଦ, ହରଡ ଖୋଲ ଓ ନାରାୟଣ ପୁର ସେକ୍ଟର ର ମୋଟ ୧୦୦ ଜଣ ଅଙ୍ଗନ ୱାଡ଼ି କର୍ମୀ ଯୋଗ ଦେଇଥିବା ବେଳେ  ଉକ୍ତ ସେକ୍ଟର ପରି ଦର୍ଶିକା ସ୍ୱାଗତିକା ମିଶ୍ର, ରୋଜିଶ୍ମିତା ଭୋଇ  ଓ ଜାନକୀ ସୁନା ତାଲିମ୍ କାର୍ଯ୍ଯ କ୍ରମ କୁ ପରିଚାଳନା କରିଥିଲେ l ପୋଷଣ ସଂଯୋଜକ ଶେଖ୍  ଜାଭେଦ ଅଖତର , ମମତା, ପି ଏ ସାନନ୍ଦ କର୍ମୀ କାର୍ଯ୍ଯ କ୍ରମ ରେ ସହଯୋଗ କରିଥିଲେ l  କୁ - ପୋଷଣ ମୁକ୍ତ ଭାରତ ଗଢ଼ିବା ସହ ପ୍ରାକ୍ ବିଦ୍ୟାଳୟ ଶିଶୁ ଙ୍କ ସର୍ବାଙ୍ଗୀନ ବିକାଶ ଓ ଉଚ୍ଚ ମାନ ର ଶିକ୍ଷା ଗୁଣାତ୍ମକ ଶିକ୍ଷା ହେଉଛି ସରକାର ଙ୍କ ନୂତନ ଶିକ୍ଷା ନୀତି ଯୋଜନା ଓ ପୋଷଣ ଭି ପଢାଇ ଭି ର ମୁଖ୍ୟ ଉଦ୍ଦେଶ୍ୟ l ଏହା ସହିତ ଅପ୍ରେଲ ୧ ରୁ ୧୪ ତାରିଖ ଯାଏ ରାଜ୍ୟ ସରକାର ଙ୍କ ଓଡ଼ିଆ ପକ୍ଷ ପାଳନ ଅବସରରେ ଦ୍ୱିତୀୟ ଦିବସ ରେ ଆଜି ସୋନପୁର ଶିଶୁ ବିକାଶ ପ୍ରକଳ୍ପ  ର ସମସ୍ତ ଅଙ୍ଗନ ୱାଡ଼ି କେନ୍ଦ୍ର ରେ ଖଡ଼ି ଛୁଆଁ ଓ ପ୍ରବେଶ ଉତ୍ସବ ମହା ସମାରୋହରେ ପାଳନ କରା ଯାଇଛି l