02-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ପାର୍ବତୀଗିରି ବୃହତ ଉଠା ଜଳସେଚନ ପ୍ରକଳ୍ପ ଅମ୍ବାଭାନା ଅଞ୍ଚଳରେ କାମ କରିବା ବନ୍ଦ ହୋଇଯାଇଛି। ତତକାଳୀନ ରାଜ୍ୟ ସରକାର ୨୦୧୮ମସିହା ଓଡିଶାରେ ପାର୍ବତୀ ଗିରି ଙ୍କ ନାଁ ରେ ୨,୫୦୦ କୋଟି ଟଙ୍କା ଖର୍ଚ୍ଚ ରେ ମୋଟ ୫୯ ଗୋଟି ପ୍ରକଳ୍ପ ହାରାହାରି ୮୦ ହଜାର ହେକ୍ଟର ଜମି ଜଳସେଚନ ହେବାର ପ୍ରତିଶୃତି ଦେଇଥିଲେ । ଏଥି ମଧ୍ୟରୁ ବରଗଡ଼ ଜିଲ୍ଲା ଅମ୍ବାଭାନା ବ୍ଲକ ଯାହାକି ହୀରାକୁଦ ବିସ୍ଥାପିତ ପୁନର ବସତି ବ୍ଲକ କହିଲେ ଅତ୍ୟୁକ୍ତି ହେବ ନାହିଁ। ଏହି ବ୍ଲକ ବାରପାହାଡ଼ ଜଙ୍ଗଲ ଗୋଟିଏ ପଟେ ଘେରିଥିବା ବେଳେ ଅନ୍ୟ ପଟେ ହୀରାକୁଦ ଜଳଭଣ୍ଡାର ଘେରା ଅଟେ।
 ଯଦି ସରକାର ଙ୍କ ଅମ୍ବାଭାନା ବ୍ଲକ ପ୍ରତି କିଛି ଭି ସମ୍ବେଦନତା ଥାନ୍ତା ତାହାହେଲେ ହୀରାକୁଦ ଜଳଭଣ୍ଡାର ରୁ ନିଶ୍ଚିତ ଭାବେ ଜଳସେଚନ ବ୍ୟବସ୍ଥା କରାଯାଇ ପାରିଥାନ୍ତା ହେଲେ ସରକାର ମାନଙ୍କ ଆନ୍ତରିକତା ଅଭାବ କାରଣ ରୁ ପାଣି ଦେଖି ଦେଖି ବାରମ୍ବାର ଅଞ୍ଚଳବାସୀ ମରୁଡି ର ଶିକାର ହେଉଛନ୍ତି। 
ତତକାଳୀନ ରାଜ୍ୟ ସରକାର ମହାନ ସ୍ୱାଧୀନତା ସଂଗ୍ରାମୀ ପାର୍ବତୀ ଗିରି ବୃହତ ଉଠା ଜଳସେଚନ ପ୍ରକଳ୍ପ ନାଁ ରେ ଅମ୍ବାଭାନା ବ୍ଲକ ରେ ତିନୋଟି ପ୍ରକଳ୍ପ ଯଥା ତାମଦେଇ ୩୯ କୋଟି ଖର୍ଚ୍ଚ କରି ୧୪ ଶହ ହେକ୍ଟର, ଜାମପାଲି ୩୪ କୋଟି ଖର୍ଚ୍ଚ ରେ ୧୩ ଶହ ହେକ୍ଟର ଏବଂ ଚିଖିଲି ୫୩ କୋଟି ଖର୍ଚ୍ଚ କରି ୨୦୦୦ ହେକ୍ଟର ଜମି ଜଳସେଚନ ହେବା ପାଇଁ ଘୋଷଣା କରିଥିଲେ। ପ୍ରକଳ୍ପ ୨୦୨୩ ରେ ଶେଷ ହେଲା ଅଞ୍ଚଳ ବାସୀଙ୍କ ବହୁ ପ୍ରତିକ୍ଷିତ ଦାବୀ ପୂରଣ ହେଲା ବୋଲି ତତକାଲିନା ମୁଖ୍ୟମନ୍ତ୍ରୀ ଲୋକାର୍ପଣ କହିଥିଲେ ।

ହେଲେ ପ୍ରକଳ୍ପ ଠିକ ଭାବରେ କାର୍ଯ୍ୟକାରୀ ହୋଇ ପାରିନାହିଁ ବର୍ତ୍ତମାନ ସୁଦ୍ଧା ମାତ୍ର ୩୦% ଜମି ଚାଷ ହୋଇପାରୁଛି। ପରିଚାଳନା ଗତ ତ୍ରୁଟି,ଲୋ ଭୋଲଟାଜ, ଇଣ୍ଟେକ ୱାଲ ଓ ରିଜର୍ଭର କୁ ସଂଯୋଗ କରୁଥିବା ନାଳ ଗଭୀର ହୋଇ ନ ଥିବାରୁ ଠିକ ଭାବେ ମୋଟର କୁ ପାଣି ଆସୁନାହିଁ। ଏଣୁ ଏହି ସମସ୍ୟା ର ସମାଧାନ କରିବା ପରିବର୍ତ୍ତେ ଗତ କାଲି ଠାରୁ ଟେଣ୍ଡର ନେଇଥିବା ଏଲ ଏନ ଣ୍ଟି କମ୍ପାନୀ ତାହାର ଟେଣ୍ଡର ସରିଯାଇଛି କହି ତାଲା ବନ୍ଦ କରି ସମ୍ପୂର୍ଣ୍ଣ ପ୍ରକଳ୍ପ କୁ ଅଚଳ କରିଛନ୍ତି ଫଳରେ ଏହି ପ୍ରକଳ୍ପ ଅଧୀନରେ ଚାଷ କରିଥିବା ହଜାର ହଜାର ଏକର ଧାନ, ମୁଗ, ଚିନାବାଦାମ ଚାଷୀ ଙ୍କ ଭବିଷ୍ୟତ ଅନ୍ଧାର ହୋଇଯାଉଛି। ଏଣୁ ବାରପାହାଡ଼ କୃଷକ ସଂଗଠନ ତରଫରୁ ଏହି ପ୍ରକଳ୍ପ ତୁରନ୍ତ ପରିଚାଳନା କରିବା ପାଇଁ ଯାହା ଆଇନ ଗତ ଦିଗ ଅଛି ତୁରନ୍ତ ଗ୍ରହଣ କରା ଯାଉ ନ ହେଲେ ଆନ୍ଦୋଲାତ୍ମକ ପନ୍ଥା ଅବଲମ୍ବନ କରିବା ପାଇଁ ବାଧ୍ୟ ହେବୁ ବୋଲି ଚେତାବନୀ ଦେଇଛନ୍ତି।