02-Apr-2025

ସିନାପାଲି  (ଚିନ୍ତାମଣି  ନେତାମ )
ନୂଆପଡା ଜିଲ୍ଲା, ସିନାପାଲି ବ୍ଲକ ସଦର ମହକୁମା ଠାରେ ଅବସ୍ଥିତ ରାଜଶ୍ରୀ ପବ୍ଲିକ ସ୍କୁଲର  ୧୯ ତମ ବାର୍ଷିକ ଉତ୍ସବ  ମହାସମାରୋହରେ  ସ୍କୁଲ ପରିସରରେ ଅନୁଷ୍ଠିତ ହୋଇଯାଇଛି  l ଏହି ଉପଲକ୍ଷେ ଆୟୋଜିତ ହୋଇଥିବା ଦିବ୍ୟ ଓ ଭବ୍ୟ  ସଭାରେ ଖଡ଼ିଆଳ ବିଧାୟକ ଶ୍ରୀଯୁକ୍ତ ଅଧୀରାଜ ମୋହନ ପାଣିଗ୍ରାହୀ ଯୋଗଦେଇ ଉତ୍ସବର ଶୁଭ ଉଦଘାଟନ କରିଥିଲେ  l ସଭାରେ ବିଦ୍ୟାଳୟର ଚେୟାରମ୍ୟାନ ଶ୍ରୀଯୁକ୍ତ  ରାଜେଶ କୁମାର ଅଗ୍ରୱାଲ ସଭାପତିତ୍ୱ କରିଥିବାବେଳେ ବିଶିଷ୍ଟ ଅତିଥି ଭାବରେ  ବୋଡେ଼ନ ପଂଚାୟତ ସମିତିର ପୂର୍ବତନ ଅଧ୍ୟକ୍ଷ ତଥା କଳାହାଣ୍ଡି ସଂସଦ ପ୍ରାର୍ଥୀ ଶ୍ରୀଯୁକ୍ତ ଲମ୍ବୋଦର ନିଆଲ,  ମୁଖ୍ୟ ବକ୍ତା ଭାବରେ  ସ୍ବନାମଧନ୍ୟ  କବି ଲେଖକ ଓ  ଶିକ୍ଷାବିତ  ଶ୍ରୀଯୁକ୍ତ  ଗୌରାଙ୍ଗ କୁମାର ସାହୁ ,ସମ୍ମାନିତ ଅତିଥି ଭାବରେ  ଖଡ଼ିଆଳ ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷ ଶ୍ରୀଯୁକ୍ତ ଉଜ୍ୱଳ ଗୁପ୍ତା, ସିନାପାଲି ବଣିକସଂଘ ର ସଭାପତି ଶ୍ରୀଯୁକ୍ତ ପ୍ରଦୀପ କୁମାର ଜୈନ ଏବଂ ଶିକ୍ଷାବିତ ଶ୍ରୀଯୁକ୍ତ ସତ୍ୟ ବ୍ରତ ଗହୀର ଯୋଗଦେଇଥିଲେ  l ଅତିଥିଗଣଙ୍କୁ ଶିକ୍ଷୟିତ୍ରୀ ଓ ଛାତ୍ରୀଗଣ ଗାୟିତ୍ରୀ ମହାମନ୍ତ୍ର ଲିଖିତ ଉତ୍ତରୀୟ ପଟୀ ,ଓ ଫୁଲ ଚନ୍ଦନ ଦେଇ ହୃଦୟଭରା ସ୍ୱାଗତ ସମ୍ମର୍ଦ୍ଧନା ଜ୍ଞାପନ କରିଥିଲେ  l ଅତିଥିଗଣଙ୍କ ଦ୍ୱାରା ଦେବ ପୂଜନକର୍ମ ଭକ୍ତିମୟ ପରିବେଶରେ ସମାପନ ହେଲାପରେ ସଭାପତିଙ୍କ ଦ୍ୱାରା ସଭାକାର୍ଯ୍ୟ ଆରମ୍ଭ ହୋଇଥିଲା  l ପ୍ରଥମେ ଛାତ୍ରୀ ମାନଙ୍କ ଦ୍ୱାରା  ପରିବେଷିତ ପ୍ରାରମ୍ଭିକ  ସଂଗୀତ ଓ ନୃତ୍ୟ  ମଞ୍ଚରେ ଏକ ମନୋଜ୍ଞ ଦୃଶ୍ୟ  ସୃଷ୍ଟି କରିଥିଲା  l ପରେ ସ୍କୁଲର ପ୍ରିନ୍ସିପାଲ ଶ୍ରୀଯୁକ୍ତ ଏ ପୱନ ରାଓ ବିଦ୍ୟାଳୟର ବାର୍ଷିକ ବିବରଣୀ ପଠନ କରିଥିଲେ  l ମୁଖ୍ୟ  ବକ୍ତାଙ୍କ  ଦ୍ୱାରା ଭାଷିତ  ଭାରତୀୟ ମହାନ ସଂସ୍କୃତି, ଐତିହ୍ୟ ଓ ପରମ୍ପରା ତଥା ଗୁରୁଙ୍କ  ମହିମା ଗାଥା ସମସ୍ତ ଶ୍ରୋତା ଓ ଅଭିଵାବକ /ଅଭିଭାବିକାଙ୍କୁ ମନ୍ତ୍ର ମୁଗ୍ଧ କରିଦେଇଥିଲା  l ଅତିଥିଗଣ ନବଯୌବନ ପ୍ରାପ୍ତ ଏହି ଶିକ୍ଷା ଅନୁଷ୍ଠାନର  ଗୌରମୟ ଅତୀତକୁ  ରୋମାନ୍ଥନ କରିବା ସହିତ ଉଜ୍ୱଳ ଭବିଷ୍ୟତ କାମନା କରିଥିଲେ  l ମୁଖ୍ୟ ଅତିଥି  ମାନନୀୟ ବିଧାୟକ ମହୋଦୟ ବିଦ୍ୟାଳୟର ସୌନ୍ଦର୍ଯ୍ୟବୃଦ୍ଧି କରଣ ଓ ପାଠାଗାର ପାଇଁ ଅର୍ଥ ଅନୁଦାନ ଯୋଗାଇ ଦେବା ପାଇଁ ପ୍ରତିଶୃତି ଦେଇ ଶିକ୍ଷକ, ଶିକ୍ଷୟିତ୍ରୀ  ଓ  ଛାତ୍ରଛାତ୍ରୀଙ୍କର ହୃଦୟ ଜିଣି ନେଇଥିଲେ  l ଅତିଥି ଗଣଙ୍କ ପାଖରେ  ଉତ୍ସବକୁ  ଚିରସ୍ମରଣୀୟ କରିବାପାଇଁ  ଚେୟାରମ୍ୟାନ  ଭଗବତ ଗୀତା ପୁସ୍ତକ ଓ ସ୍ମୃତି  ସ୍ମାରକି ତାଙ୍କୁ ପ୍ରଦାନ କରିଥିଲେ  lଏହି ଅବସରରେ କୃତି ଛାତ୍ରଛାତ୍ରୀ ମାନଙ୍କୁ ପ୍ରଶଂସା ପତ୍ର ଓ  ଟ୍ରଫି ଦେଇ ଅତିଥିଗଣ ଉତ୍ସାହିତ କରିଥିଲେ  l ପୁରାତନ ଛାତ୍ର ପ୍ରିନ୍ସ ଅଗ୍ରୱାଲ ଓ  ଛାତ୍ରୀ ଶିଦ୍ଧି ଜୈନ ଅତି ସୁନ୍ଦର ଭାବରେ କାର୍ଯ୍ୟକ୍ରମର ଉପସ୍ଥାପନା କରିଥିଲେ  l ଶେଷରେ ଶିକ୍ଷୟିତ୍ରୀ ଅନୁରୂପା ବହିଦାର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ  l ସଭାସାଙ୍ଗ ହେଲାପରେ କୁନି କୁନି ତାରକା ଛାତ୍ରଛାତ୍ରୀଙ୍କ ଦ୍ୱାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା l  ବନ୍ଦେ ମାତରଂ ସଂଗୀତଧ୍ୱନୀ ସହ ଉତ୍ସବର ସମାପନ ଘଟିଥିଲା  l  ଏହି ଉତ୍ସବ ଆୟୋଜନରେ ସ୍କୁଲର ସମସ୍ତ ଶିକ୍ଷକ /ଶିକ୍ଷୟିତ୍ରୀ ସହଯୋଗ କରିଥିଲେ  l ଦୁଇଶହରୁ ଉର୍ଦ୍ଧ ଛାତ୍ରଛାତ୍ରୀ ଓ ତାଙ୍କ ଅଭିଭାବକ /ଅଭିଭାବିକା, ସହରର ଅନେକ ବୁଦ୍ଧିଜୀବି ଓ ଶିକ୍ଷା ପ୍ରେମୀ ପୁରୁଷ ମହିଳା  ଉପସ୍ଥିତ ଥିଲେ  l