29-Mar-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବାର ଆସୋସିଏସନ ର ବର୍ଷ ୨୦୨୫  ନିମନ୍ତେ କର୍ମକର୍ତ୍ତା ନିର୍ବାଚନ କଣ୍ଟାମାଳ କୋର୍ଟ ପରିସରରେ ଥିବା ଓକିଲ ସଂଘ କାର୍ଯ୍ୟାଳୟ ଠାରେ ଶନିବାର ସକାଳ ୧୧ଘଣ୍ଟା ସମୟରେ ଅନୁଷ୍ଠିତ ହୋଇଯାଇଛି  l   ନିର୍ବାଚନ ଅଧିକାରୀ ଶେଷଦେବ ବଗର୍ତିଙ୍କ ପ୍ରତ୍ୟେକ୍ଷ୍ୟ ତତ୍ୱାବଧାନରେ ଅନୁଷ୍ଠିତ ଏହି ନିର୍ବାଚନରେ ବରିଷ୍ଠ ଆଇନଜୀବି ଦୂତିଆ ଚରଣ ସାହୁ ପୁନଃ ସଭାପତି ଭାବେ ସର୍ବସମ୍ମତି କ୍ରମେ ମନୋନୀତ ହୋଇଥିବା ବେଳେ ବରିଷ୍ଠ ଆଇନଜୀବି କୈଳାସ ଚନ୍ଦ୍ର ବାରିକ ସମ୍ପାଦକ ଭାବେ ମନୋନୀତ ହୋଇଛନ୍ତି  l   ସେହିପରି ଆଇନଜୀବି ଯୋଗେଶ ଚନ୍ଦ୍ର ଗାଈଗୋରିଆ ଉପସଭାପତି, ପ୍ରଶାନ୍ତ କୁମାର ସାହୁ ସହସମ୍ପାଦକ, ନୀଳାମ୍ବର ପ୍ରଧାନ କୋଷାଧ୍ୟକ୍ଷ୍ୟ ଏବଂ ଲାଇବ୍ରେରୀଆନ ଭାବେ ଶେଷଦେବ ବଗର୍ତ୍ତୀ ମନୋନୀତ ହୋଇଛନ୍ତି  l  ସଂଘର ଉଚ୍ଚସ୍ତରୀୟ କମିଟି ସଦସ୍ୟ ଭାବେ ଅଜିତ କୁମାର ଦାସ, ରାଧାବଲ୍ଲଭ ପ୍ରଧାନ, ନରୋତ୍ତମ ମେହେର, ପ୍ରତାପ ଚନ୍ଦ୍ର ସାହୁ ଓ ସୁରେଶ ଚନ୍ଦ୍ର ରଣା ଆଦି ଆଇନଜୀବି ମାନେ ସର୍ବସମ୍ମତି କ୍ରମେ ମନୋନୀତ ହୋଇଥିବା ନେଇ ନିର୍ବାଚନ ଅଧିକାରୀ ଶେଷଦେବ ବଗର୍ତ୍ତୀ ଏକ ପ୍ରେସ ବିଜ୍ଞପ୍ତି ଜରିଆରେ ଗଣମାଧ୍ୟମକୁ ସୂଚନା ଦେଇଛନ୍ତି l  ପ୍ରକାଶଥାଉକି କଣ୍ଟାମାଳ ଠାରେ କୋର୍ଟ ପ୍ରତିଷ୍ଠା ହେବା ଦିନ ଠାରୁ କ୍ରମାଗତ ଭାବେ ଶ୍ରୀ ଦୂତିଆ ଚରଣ ସାହୁ ସଭାପତି ହେବାର ଗୌରବ ଅର୍ଜନ କରିଛନ୍ତି  l   ଉକ୍ତ ନିର୍ବାଚନ ରେ କଣ୍ଟାମାଳ କୋର୍ଟରେ କାର୍ଯ୍ୟରତ ସମସ୍ତ ଓକିଲ ମାନେ ଉପସ୍ଥିତ ରହି ସଂଘ ନିର୍ବାଚନ ରେ ଅଂଶଗ୍ରହଣ କରିଥିଲେ l   ଅଗାମି ଦିନରେ ଓକିଲମାନଙ୍କ ବିଭିନ୍ନ ଅସୁବିଧା କୁ ଦୁରକରିବା ସଙ୍ଗେ ସଙ୍ଗେ କୋର୍ଟକୁ ଆସୁଥିବା ଲୋକମାନେ କିଭଳି ତ୍ୱରିତ ଆଇନର ସୁବିଧା ପାଇପାରିବେ ସେ ସମ୍ପର୍କରେ ବିଶେଷ ଧ୍ୟାନ ଦିଆଯିବ ବୋଲି ଶ୍ରୀ ସାହୁ ସଭାପତି ଭାବେ ନିର୍ବାଚିତ ହେବା ପରେ କହିଥିଲେ  l